JOEL 1:12 - PATHIEN LEKHABU THIENGTHO (BSI)

¹² Grep guite chuh a vuoi ta a; theipi kungte chuh a chau tha ta a; vaimimthei kungte, tum thingte leh theikung chengte chuh a gaw zo ta a; Mihing chate laka kipahna chule a muol zo ta ngâla!

JOEL 1:12 ပူးပေါင်းရင်းမြစ်များ

ISAI 24:11

Uain duhchak ziekin kawtthêl achun kah thawm a um a, kipahna cheng chuh sukthip in a um a, zie gama kipahna chuh a bei tai.

ISAI 16:10

Kipahna chuh lâksak in a um tai, lo phate chung achun kuomah a kipâk ta puoh a, grep huon haw achun lasak mawng mawng um ta puo’n tin, thawm kipah-um mawng mawng le um diek ta puo’n a, grep thawkna khuk a chun uain chil pût hita puo’n tin, grep lâk laia kipahna thawm chuh a dai ta ngâl a.

JOEL 1:16

I mitmuh ngei uh ah I lo a thai teu sukmangthai ahi a; I Pathien uh In a kipahna chuh a um ta puoi!

JOEL 1:10

Lo haw chuh suksiet a hi ta a; gam chuh a lungkham ta a, buhte chuh suksiet ahi ta a, grep haw chuh a gaw zo ta a, olive thingte chule a chau zo tau hi.

SOLOMON LA 2:3

Gammâng thing laka apple thing bang ahi; ka deihtak chuh tangvalte lak achun, a lima chun kipâk takin ka chu a, gahte chuh kei din a thum ngêi mai.

HAGGAI 2:19

Buh In ah buhchi a um nalai em? ahi, grep guite, theipi kungte, vaimimtheite leh olive thingte um ta lo in, gahsuoh talo mah leu, tu apat ahi nanguh hun vangsak ding ka hi,” ti’n.

JEREMIA 48:33

Theigah tam na mun Moab a kipatin thatnawpna leh kipakna chengcheng lâkmang in a um tai, grep thawkna mun te chuh ka chawlh sak in, kuoma’n kipâk takin a hêk ta puou hi.

JEREMIA 48:3

Ngaitie, Horonaim apat a kiko thawm gi chuh, thil kisusie leh kisumang thawmgi chuh ahi!

ISAI 9:3

Chun, namte chuh na supung a, a kipahnau le na sukpun sak ta a. Buh ât laia a kipah guol un na thilhih achun a kipâk u a, gâllâk thilte a kihawp lai bangun.

SOLOMON LA 4:13

Vaimimthei mûm bang ahi na deihum zie, gah phapen pên pawt sekte,

SAM LEHKHABU THE PSALMS 92:12

Mi diktat chuh tum bangin duoh hut hut intin; Lebanon tânga Sidar bangin khang hul hul ina.

SAM LEHKHABU THE PSALMS 4:7

A buh u leh a uain uh a pun kuoma a kipahnau sang a, Kipahna nasa zaw ka lunggil a hin nei kawih saka.

KISIMNA 13:23

Chun, Eshkol guom a va tung u a, zie tak achun Grep gah bawkkhat a bâk pum in a satthau a, mawlh in mi nih in a zawn u a, vaimim thei haw leh Theipi haw le a puou a.

ISAI 24:7

Grep gui chuh a chau a, uain thak chuh a put ta puoh a; lungthima kipâk chengte chuh mauna’n a dim tai.

JONA 4:7

Himahlele, Pathien in, a zing kal phalvak in, lung a hun peh sak a, zie chun um gui chuh a pettan a, a hung vuoi ta a.

MALAKI 3:11

A ne mangte chuh hun khapsak ka ting, tichun, na lei gahteu chuh hun suksiet sak ta puou un tin, huon a na grep gahteu chuh a hût in pulh diek ta puo’n a, Bangkim hihthei Lalpa chun a tii.