JEREMIA 9:6 - PATHIEN LEKHABU THIENGTHO (BSI)

⁶ Na chênna chuh kithepna lak ahi a, kithepna ziekin ka mite’n kei ei he nuom puou hi, tih hi Lalpa kamsuok ahi.

JEREMIA 9:6 ပူးပေါင်းရင်းမြစ်များ

JEREMIA 13:10

Zie nam gilo, ka thu te ngaitha nuom lo a, amau haw lunggil tâk na bang a pathien dangte nasem leh ho dinga delh zuite hih zie kâwnggak bangmah a pang thei talo tawbang hi hung hi ding ahiu hi.

ROME 1:28

Chun, a lungthim u a Pathien het a nawp loh ziekun, thil kilawmlo tak hih dinga a deihloh lam lungthim neih phalsak in, Pathien in a nungngat ta a.

HOSEA 4:6

Ka mite chuh hetna tâksap zieka sukmangthai ahiu a, hetna na deih loh ziekin ken le ka thiempu nasem dingin ka hun deih ta puoi. Na Pathien dân na hengilh viela, ken le na chate hengilh ing ka.

JEREMIA 20:10

Mi tamtak te’n, ning tin ah lauh-um a um a. Kihetloh sak un la, pang khawm hitiu, ti a a phunguk sausau uh ka za a. Ka melhet ka puk chânggu zing sek te chun, thep in um intin, zo ding I hiu, a chungah phuba lai tiu, a tiu a.

JEREMIA 11:19

Himahleh, kei chuh la belamno thunuom tak, thah dinga puih bang mai ka hi. Thing chuh a gah pum in susiei ting un, mihing gama pat hin amah chuh sumang kei hitiu: Amin himhim zak loh na dingin, ti a ka chunga a thilbawl guot u chuh ka na he pha puoh a.

JEREMIA 8:5

“Bang zieka zie mipite hi kumlekhuo a nungchawn dinga kipuk den ahi tau hi? Thepna a tuchak kêi u a, vaihkit a nuom puou hi,

JEREMIA 5:27

Bawma vacha a dim bang mai in a in u haw chuh thepna’n a dima; zieziekchun a hung lien u a, a hung hausa tau hi.

THUCHINGTE 1:29

Aziek chuh, hetna chuh a deih puou a, Lalpa kihchak chuh a tel zawk loh ziekun.

THUCHINGTE 1:24

Ka hun sama, na ngaitha nuom puou a, ka khut ka zaka kuoma’n na ngaihsak nuom puou hi.

1 KORINTH 15:34

Hetna chîm takin um unla; gilo ta kiu in; khenkhat in Pathien hetna him him na neih loh ziekun, na zahchâkna dingun ziehi ka gen ahi.

JEREMIA 18:18

Tichun, amau chun, “Hung tiem u, Jeremia hi mat ahih theihna ding ngaihtuoh hitiu, thiempute lak apat dân thu bei ding ahi puoh ngâl a, mipil apat in lemguotna, chun, zawlnei apat in thu bei diek puo’n a. Hung tiem u, gensie sausau hitiu, a thu himhim ngaihsak hiel puoi tiu,” a kitiu a.

1 SAMUEL 2:12

Chun, Eli chapate chu Belial chapate ahiu a; Lalpa chuh a he puou a.

ISAI 1:3

Bâwngchal in a pu a he a, sabiltung inle a pu an piekna a he a; himahleh, Israel te hin vang chuh a he puou a, ka mite hin chuh a helo himhim uh ahi,” a ti a.

JEREMIA 11:10

A pileputeu, ka thu ngaitha nuom lote thulimlohna lam achun a vaikit u a; pathien dangte nasem dingin a chieh u a, Israel inkuon te leh Juda inkuonte chun a pileputeu kawma ka thugawlh chuh a bawhsie tau hi.

ISAI 1:25

Chun, na chungah ka khut nga kit ing ka ting, na tui-êk na haw chuh thieng takin thiek ngim ing ka ting, nang hun tuom thik chengcheng chuh la mang ing ka.

ISAI 4:4

Lalpa’n vaihawmna thagau leh kâkthienna thagau a Zion chanute buokna a silngim a, Jerusalem a thisan suohna zieka buokna cheng a sawpngim tâk ziekin Zion a umte leh Jerusalem a umte chuh “Thiengtho” tih hita’n au.

HOSEA 11:8

“Aw Ephraim, bangti’n ahim ka hun paih thak theih ding? Aw Israel, bangti’n ahim ka hun taihsan theih ding? Admah ka sukmangthai bang khan na chungah bangti’n a ka hih ding? Zeboiim bangin ka hun bawl thei dinga ahim? Ka sung ah ka lunggil a kilek a, ka lungsietnate chuh a kimut âm zaw ta a.

ZEKARIA 13:9

Tichun, amun thumna te chuh mei ah patep ing ka ting; dangkaguo sukthientho bangin amau hih thiengtho ing ka ting. Sana patep a um bangin amau chuh enchien ing ka. Zie tieng chuleh kei kawmah paucham untin, amau haw ngaitha’ng ka. Chun, amau chuh ka mite ahiu, ti’ng ka ting, amau haw chun, Lalpa chuh ka Pathien uh ahi, ti’n au,” tih hi Lalpa kamsuok ahi.