JEREMIA 9:5 - PATHIEN LEKHABU THIENGTHO (BSI)

⁵ A bawn un lampi diklo ah a guol teu a pui u a, thudik gen a um ta puou hi. A lei u chuh lepchieh gen a sinsak u a, a gitlohnau haihsan diek lo in.

JEREMIA 9:5 ပူးပေါင်းရင်းမြစ်များ

HABAKKUK 2:13

Ngaitiem u, mipite chun mei kâktum ding phetin a sem u a, namte chuh bangmahlo mai in a kisuchawl u a. Zie chuh Bangakai hihthei Lalpa a kipan ahi ngâl a.

MIKA 6:12

Na mi hausateu chuh pawngbawl na’n a dim u a, mi chagahte chuh diklo takin a guoi u a, a kamsung u a a lei u chuh thephat ahi!

ISAI 57:10

Nangmah ngêi le, na pathien ding hawl na’n na kimangzo sek a, na haihsan diek puoi. Na milim pathien chun hatna hun pie a, chau ngeilo dingin na kingaihtuoh a.

JOB LEHKHABU THE BOOK OF JOB 15:5

Na manlohna chuh na thugen chun a kichien a, Chit gukhahna pau na tel zawk ahi hi.

1 TIMOTHE 4:2

Amau chuh, mi thephat, lepchiehte, a sielephahetnau thik-âm a deh lup tawbang ahiu a, zie sinsakna haw chuh a thehzak uh a.

EPHESI 4:25

Khutichun, zuou gen hai in, eimah insak inthangte kawmah thu diktak gen chiet hitiu; kika tuoh chiet I hi ngâl u a.

MIKA 6:3

Lalpa chun, “Aw ka mite haw, na chungu ah banga ka hih le? Bang tiengin ahim nang haw ka hun suk lungkham? Ei hun dâwng tiem u!

EZEKIEL 24:12

Theihtawp suoh le phachuom lo in, a gep kikhawl khawm chuh a thieng diek puoh a, mei nasan in le a kâng thieng diek puoi.

JEREMIA 9:8

A lei u chuh thih na thalpi ahi a, thepna thu a gen sek ui. Mi’n a kam in a inveng kawmah kichamna thu gen mah leh, a lunggil in amah chuh a chânggu zing sek hi.

JEREMIA 9:3

A lei u chuh thalchang bangin lepchieh in, lepchieh leh thu diklo chun a mang u a, gam ah a khanglien u a, thutak a khang lo in. Gitloh apat gitlohna lam ah a khang zel u a, kei ei helo in, tih hi Lalpa kamsuok ahi.

ISAI 5:18

Lepchiehna khauhuol a manlohna kai a, kangtalai kaihna banga gitlohna luoi sekte!

THUCHINGTE 4:16

Thil pawi a khawih loh u chun a ipmu thei puoh ngâl u a, mi kuo ahim a suknat loh u chun a ipmu thei puou hi.

SAM LEHKHABU THE PSALMS 140:3

Gûl guolin a lei u chuh a suhiem u a; A lei nuoi u achun thangchawm gu a um hi.Selah

SAM LEHKHABU THE PSALMS 64:3

Amau chun chemzâm bangin a mûk uh a tat hiem u a, A thal uh thu khate ngêi chun a dawi u a:

SAM LEHKHABU THE PSALMS 50:19

Na kam chuh gitloh kieng ah na pie a, Na lei hin lepbawlna a hih zing a.

SAM LEHKHABU THE PSALMS 7:14

Entie, minunsie te chun gitlohna a vawp u a; Ahi, thil sukkhelhna a vawp u a, zuou thu a puodawk sek ui.

JOB LEHKHABU THE BOOK OF JOB 11:3

Na zuou thugen hin mi a suthip dinga ahim? Bangmah salo a na nuihsan hin mi’n hun suzakcha lo ding maw?

THILSIEMBUL 19:11

Chun, kawtkhak bula mihaw chuh alien aneu in a mit uh a sukdûk sak u a; khutichun, kawtkhak chuh a mu thei ta puou hi.

SAM LEHKHABU THE PSALMS 52:3

Apha sangin gitloh na ngaina zaw a; Diktatna thugen sang inle zuou thu na ngaina zaw a. Selah

JEREMIA 7:28

Chun, a kawm u ah, ‘Zie nam hi Lalpa a Pathien uh aw ngaitha lo leh thununna dâwnglo nam ahiu hi,’ ti’n na tin. Thudik a mangthai ta a, a kam u apat paihmang ahi tai.

JEREMIA 12:6

Na suohpih, na pa inkawte ngêi chun, amau ngêi chun a hun thêm ta ngâl u a; amau chun a hun delhzui u a, ngeih tak in a hun sam u a. Thupha tak tak na kawmah gen mahleu le gingcha hiel kiu in.

JEREMIA 12:13

Buh a tuh u a, himahleh, ling a ât u a; a lawkna um sam lo in, a kisuchawl dik dek u a; Lalpa lungnatna lauh-um tak ziek chun, a thawhgah teu chuh zahchâkpih un au.

JEREMIA 13:23

Ethiopia mi vawm in a vun a theng thei em? Gielbem inle a zie a theng thei em? Khutichu ahih theih chun nanguh thil gilo hih sek te hin le thilpha hih thei ven na tiu!

JEREMIA 51:58

Sepaihte Lalpa chun hiti hin a tii: Babulon kulh bâng sah tak te chuh chim vek intin, a kawtpi sang tak te chuh mei in ka-tum vek ina; a mite chun a thâwn in a sem u a, namte chuh mei a hâl ding maia kisuchawl ana hiu ui.” ti’n.

JEREMIA 51:64

Babulon chuh hitibang hin tum mang intin, a chunga sietna ka tun sak ding ziekin, thokit ta puo’n a; chau mah mah in au, ti a na gen ding ahi,” a ti a. Ziehaw cheng hi Jeremia thugen chuh ahi.

MALAKI 2:10

I bawn un pa khat hin hilo I hiu hi? Pathien khatin ei siem le I hi puou a ahim? Bang zieka eihaw ei suonte thugawlh musit a, khat leh khat I kithep tuoh sek uh a?

VAIHAWMTE 2:10

Chun, zie suonte chengcheng chuh a hung thi zo tau a, tichun, suon dang hung um te chun Lalpa’n Israel chate a dinga a thilhih haw chuh a hengilh tau hi.

THUCHINGTE 12:5

Mifel ngaihtuohna chuh a dik a; mi gilote thuhilh vang chuh thepna ahi.

JEREMIA 4:22

Ka mite chuh a ngawl bêk u a, ei he ngâl puou a; naupang ngawl hetna neilo bang mai ahiu hi. Thil gilo hih a thiem u a, thilpha hih dân vang a thiem puou hi.