JEREMIA 9:23 - PATHIEN LEKHABU THIENGTHO (BSI)

²³ Lalpa’n hiti hin a tii; “Miching chun a chitna suong kihen la, mihat inle a hatna suong diek kihen la; mi hausa chun le a sumlepai suong diek kiheh.

JEREMIA 9:23 ပူးပေါင်းရင်းမြစ်များ

ISAI 5:21

Amah mitmuh a ching kisate leh amah mitmuh a pil kisate chuh a chunguh a gik hi!

THUGENPA 9:11

Ka kihei a, ni nuoia thil dang khat ka muhdawk kit chuh, khawvel a kitaihsiekna chuh mi chan-gang te a ding chauh ahi puoh a, kidona chule mi hangsante chauh a ding ahi puoh a, chângthâk chule mipilte chauh a ding ahi puoh a, hetthiemna neite a hausa chuom diek puou a, chuleh, deihsakna hi mithiemte a ding chauh ahi diek puoi, himahleh, ahun leh hun lemchâng kibang chieta amau kawma hungtung ahi.

ROME 1:22

Ching a kingai in, mi ngawl a hung hi tau a,

EZEKIEL 7:19

A tangkaguou leh a sanateu chun Lalpa lungnatna ni a chun hukdawk thei puo’n tin, a tangkaguou chuh kawtthêl ah thehthang intin un, a sanateu chuh ninpa tawbang hi’n a; ziehaw chun a hinnau sutai thei puo’n tin, a gil u le suvah thei puo’n a, gitlohna a a puknau ahih zawk sek ziek in.

THUCHINGTE 11:4

Thihna na tuok ni chun sumlepai in phatchuomna nei puo’n tin; himahlele ginumna chun na hinna hukdawk in a.

DANIEL 4:37

“Tichun, kei Nebuknezar hin van Lengpa chuh ka pakcha ta a, ka chawisâng a, ka limbawl a; a thilhih chengte chuh a dik in a lampite chuh a kitûp ngâl a: kuole chapo taka thilhihte chuh a suniem thei ahi,” ka ti a!

SAM LEHKHABU THE PSALMS 62:10

Nuoisieh na hi gingcha ki’n la, Mi ngawngtawih hile suon pên in nei diek ki’n; Neihzawhnate a hung pun inle a chungah na lunggil uh nga kiu in.

DAN NIHNA 8:17

Na lungthim un, “Ka thilhih theihna leh ka khut thahatna zieka zie hauhsakna hi ka neih ahi,” hun ti kha’n lau, chingthei un.

1 TIMOTHE 6:10

Dangka sum ngaihnat hi gitloh tincheng bul ahi ngâl a; ziehaw chuh a bangin a awtchau a, taksanna chuh a kiheimangsan u a, amau leh amau lungkhamna tamtakin a kisun khum zaw sek ui.

MARK 10:24

Chun, sinsakte chun a thugen chuh mak a sa ten u a, himahleh Isu’n a gen zawm kit a, “Naute haw, hauhsakna muongte dingin Pathien gam lut a haksa na ding e!

ZEPHANIA 1:18

Lalpa lungnatna ni chun, a sana teu, a dangkaguoteu ahim in la amau haw hukdawk thei puo’n tin; gam pumpi hi a lungnatna mei chun ka zo vek in a. Gamsung a um chengcheng sumangthai ding ahi a, ahi, manthaina huoisie tak tung ding ahi ngâla.

EZEKIEL 29:9

Chun, Aigupta gam chuh gam hawmngawn leh thawmhau hung hi’n tin, khutichun, kei hi Lalpa chuh ka hi tih hun he’n au; ‘Luipi hi keia ahi a, ka siem ahi’, na tih ziek khan.

ISAI 10:8

Chapo tak mai in, “Ka sepaih lawiupa cheng hi leng ahiu a puo!

THUGENPA 2:19

Amah chuh mi pil ahih mi ngawl ahih kuo a he ta ding? Gimthei taka ka sep dawk cheng leh ni nuoia pilna manga ka sep gah cheng chunga chun amân thu hun nei ding ahi ngâl a. Zie chule bangmahlo mai ahi.

1 SAMUEL 17:42

Chun, Philistia pa chu a vak dâk viel a David chu a mu ta a, tanglak tûngcha, hisel melpu tak, mit-hah hawih tak ahih hâm ziekin; a musit mah mah ta a.

DANIEL 3:15

Tuhin, pengkunte, châmngaite, kingkangte, gawsemte, bajate, pekgitte, leh thil githei tincheng na zak tiengu leh bawkkhup a ka milim siem chibai na bûk u chun phan tin: chibai na bûk loh uh le vang chuh zie hun mah mah chun hâltuina meipi a paih lut hi’n lau: ka khut apat nang haw hun hukdawk thei ding pathien dang um dingin na gingchau em?” a ti a.

1 KORINTH 1:31

Khutichun, Pathien Lehkha thu a kigen guolin, “Kuole, a suong taphawt in Lalpa chuh suong hen”.

PHILIPPI 3:8

Ziehaw mai chuh hilo in, Ka Lalpa Krista Isu hetna chuh a lopi zawk bêk ziekin, thil bang cheng le chânna a ka ngaih vek ahi. Amah ziekin thil chengcheng ka chan vek ta a; ziehaw chuh thil bangmahlo mai in ka ngai a, Krista ka muh theihna ding leh,

PHILIPPI 3:10

Ka nawppen chuh, Krista het a, a thawhkitna thilhih theihna chan a, a thuokna kikawppih a, a thihna kibatpih a um leh,

JOB LEHKHABU THE BOOK OF JOB 32:13

Chingthei un, Chitna ka mudawk tai, Mihiem hilo in, “Pathien mai in zo thei in a,” ti kha’n lau.

THUCHINGTE 3:5

Na lunggil cheng chengin Lalpa chuh gingcha’n la, nangmah hetna mai achun kinga ki’n.

THUCHINGTE 21:30

Lalpa do thei dingin pilnate, hetnate, lemguotthiemna bangmah a um puoi.

ISAI 20:5

Tichun, a kineppih pên uh, Ethiopia te leh, a suon pên uh Aigupta te ziek chun, lungkham tak leh zahhuoi takin um un tin, a kinepnau bei ina.

ISAI 47:10

“Na gitlohna achun bit dingin na kigingcha a, kuoma’n hun mu theilo dingin na kingaihtuoh a, Zieziekchun, na chitna leh na hetna chun a hun puimang zaw tai!

JEREMIA 48:7

“Na khut nasep leh, na sumlepai na suon ziekin, nang le mata um ding na hi. Kemosh chuh sala puih hi’n tin, a thiemputeu leh a milienteu tawh.

JEREMIA 49:4

Bangati a na phaichamte kiletsak pih na him? Aw chanu ginum lo, a go khawlte suong a, kuo a ei do ding? ti sek nu.

JOB LEHKHABU THE BOOK OF JOB 41:15

A nungzang vun chuh gâlvan a tien a kisiem ahi, Dettak a kichâl khum ahi.

SAM LEHKHABU THE PSALMS 33:5

Diktatna leh vaihawmna kitûp a ngaina sek a: Lei chung hi Lalpa zaidawhna’n a dim hi.

SAM LEHKHABU THE PSALMS 34:3

Aw, Lalpa chuh ei pahchak pih unla, A min chuh pakcha chiet hitiu.

SAM LEHKHABU THE PSALMS 44:9

Tuhin vang chuh nangin nei pampaih a, nei suzakcha a; Ka sepaih hawu lak ale na chieh kha ta puoh a.

JEREMIA 31:34

Kuoma’n, amah inveng leh, amah suohpihte chuh Lalpa he dingin hilh ta puou un tin, a neupen apat a lienpen tiengin, a bawn un ei he chiet ta ding ahi ngâl uh a, tih hi Lalpa kamsuok ahi. A manlohnau chuh ngaidam ing ka ting, a gitlohna hawu chuh hezing zing ta puo’ng ka.

JEREMIA 48:14

“Pasal pha leh gâlhât mi ka hiu hi,” bangti dana ti na hiu hi?

MIKA 6:8

Aw mihing, Lalpa’n thilpha chuh a hun hilh ta a. Lalpa’n a hun ngêk pên chuh ziehi ahi: Thil dik hih leh, lungsietna suklat zing leh, I Pathien u tawh kingainiem taka kipawlkhawm zing hi ahi.