JEREMIA 9:2 - PATHIEN LEKHABU THIENGTHO (BSI)

² Ka mite apat a ka taihmang theihna dingin, thalek ah mun nei leng ka nuom na e! Mi ginumlo ngen leh thep hât ngen ahiu a.

JEREMIA 9:2 ပူးပေါင်းရင်းမြစ်များ

JEREMIA 23:10

Gam chuh zawlsaite’n a dim ta a, hansie ziekin zie gam chun a sûn a. Gamthip gam hingte chuh a gaw zo ta a! A lampiu chuh a pha puoh a, a hetnateu chule a dik puoi.

HOSEA 4:2

Thu a tiem u a, a bawhsie zel u a, lepchieh a gen u a; tuol a that u a, a guchau a, zawl a sai tau ahi. Gitlohna a pung a, thisan suoh a kiphamat zing ahi.

HOSEA 7:4

A bawn un zawlsai ahiu a, chângthâk siempa’n thuk a suklum, changbuong a mêk thuok a a thawh ma a mei tik a, chawlhsan tawbang hi ahi.

JEREMIA 12:6

Na suohpih, na pa inkawte ngêi chun, amau ngêi chun a hun thêm ta ngâl u a; amau chun a hun delhzui u a, ngeih tak in a hun sam u a. Thupha tak tak na kawmah gen mahleu le gingcha hiel kiu in.

JEREMIA 12:1

Aw Lalpa, na kawma ka phunchiek lai inle nang chuh na dik zing hi; mahleh, ka lung-awih lohna thu gen tho ing ka. Bangati a mi nunsiete lampi chuh lamzang sek ahi? Bangati a gukhah taka hih haw chuh nuomsa taka um sek ahiu hi?

JAKOB 4:4

Nanguh, mi ginumlote haw! Khawvel tawh kiguolchanna hi, Pathien melma hihna ahi tih helo na hiu hi? Zieziekchun, kuole, khawvel guol hih nuom ta chuh, Pathien melma a kisiem sek ahi.

MALAKI 2:11

Juda mite chun Pathien kawma a thutiem u chuh a bawhsie tau a, a gamsung pumpiu leh Jerusalem a chun thil ten um tak a hih tau a. Tichun Lalpa’n a deih mah mah Ho-In chuh a hihbuok tau a, pasal te chun gamdang numei– pathien chanute chuh a kichênpih uh a.

ZEPHANIA 3:4

A thiemgauteu chuh mi ngaihsam leh, mi ginumlo ahiu a, a thiemputeu mun thiengtho chuh a subuok u a; Pathien dân chuh amau haw phatchuomna dingin, aleh-amak in a sang kâwi viel u a.

HOSEA 6:7

“Himahleh, Adam guolin amau haw tawh ka thugawlh chuh a bawhsieu a, zie taka chun gukhah takin ka chungah ahih u a.

HOSEA 5:7

Lalpa a dingin a ginum ta puou a, a chateu chule amah a ahi ta puoi. Zieziekchun, amau haw leh a gam u chuh sukmangthai in um un au.

JEREMIA 5:11

Israel inkuonte leh Juda inkuonte chuh ka chungah gukhah takin thil ahih ta ngâl u a, Lalpa’n a tii.

JEREMIA 13:22

Bang ziekin e zie thil haw hi ka chunga a hung tun? Na lungthim a na tih chun, na gitloh ziek vek hilo ahim? Na puonchen hâwk sak na hi a, na sangawn chuh a kilang ahi tai.

MIKA 6:12

Na mi hausateu chuh pawngbawl na’n a dim u a, mi chagahte chuh diklo takin a guoi u a, a kamsung u a a lei u chuh thephat ahi!

MALAKI 2:14

Bang zieka pawm talo ahi die aw, na ti nalai u a. A ziek chuh, tanglak na hih laia na kichênpih na zi kawma Pathien in a hun hetpih a na thutiem kha na bawhsie ta a. Pathien masang ngêi ah, amahnu a dinga chuh ginum dingin thutiem na nei ngâla.

VAIHAWMTE 2:10

Chun, zie suonte chengcheng chuh a hung thi zo tau a, tichun, suon dang hung um te chun Lalpa’n Israel chate a dinga a thilhih haw chuh a hengilh tau hi.

ISAI 59:3

Na khutteu chuh thisan a sukbuok in a um a, na khutzungteu chule manlohna a sukbuok in a um a; na mûk teu chun lepchieh a gen a, na lei u chu gitlohna thugen in a phun mulmul sek hi.

JEREMIA 4:22

Ka mite chuh a ngawl bêk u a, ei he ngâl puou a; naupang ngawl hetna neilo bang mai ahiu hi. Thil gilo hih a thiem u a, thilpha hih dân vang a thiem puou hi.

JEREMIA 5:1

Jerusalem kawtthêl achun a suk ato in taiviel unla, en un, melchik unla, a lamlien ningkawi tin chuh hawl un, thil dik bawla thudik hawl mi khat bêk na muh u leh Jerusalem chuh ngaidam ing ka.

JEREMIA 5:2

Amau chun Lalpa chuh a hin zing bangin a ti nau a, lepchieh a kihâksiel ahiu hi.