JEREMIA 9:18 - PATHIEN LEKHABU THIENGTHO (BSI)

¹⁸ “Hung kinawh u henla, ei hung kah khum u hen. I mitthitui luonnau, I mitvun u a mitthi tui a pawt theih na dingin.”

JEREMIA 9:18 ပူးပေါင်းရင်းမြစ်များ

JEREMIA 14:17

Chun, a kawm u ah zie thu hi na gen ding ahi; “A sun a zan in ka mitthitui luong henla, hul himhim kihen. Ka mi te chanu thiengtho chun liemna nasatak leh zêpna huoisie tak chuh a thuok ta ngâl u a.

JEREMIA 9:1

Ka luchang hi tui hi henla, ka mit hi mitthi tuinak hile chuh aw! Ka mi, ka chanu thah a um te a ding chun sun le zan in kap ing ka.

ISAI 22:4

Zieziekchun, ei thahthau inla, ka mite thihna chunga chun thasie takin kap ing ka; ka mite haw chanu gâllâk a lak ahih thuu achun ei lungmuon guo se kiu in, ka ti a.

SUNNA LA 2:18

Aw Zion chanu, na kulhbangte nasan chu Lalpa kawmah kiko hen; Na mitthi tui chu le sun leh zan in luipi bangin luong hen. Chawlhdamna kipie ki’n la, na mitnaucha chu chawlhsak hiel ki’n.

SUNNA LA 2:11

Ka mitte chu kahna’n a chauzo tau a; ka lunggil a gimthei a. Ka mite chanu sietna ziek chun lungkham in ka chautha tai. Naupangte leh nawichep laite chu chau in khawpi achun a puktha zo tau hi.

SUNNA LA 1:2

Zan khawvak in a kap a; a mitthi teu chu a bieng u ah luong tha a. A guolphate cheng lak achun, amah thamuon ding himhim a um ta puou. A guolte chengin a thep bawl tau a, tichun, a melma a suok zo tau hi.

JEREMIA 13:17

Himahleh, na ngaihthak loh u chun na chapona ziekun ka hinna hi a gûk in kap in a. Ka mitthitui nasatak in luong zing in tin; Lalpa belam hawn chuh sala puih ahih tâk ziek un.

JEREMIA 9:20

“Nanguh numeihaw Lalpa thu hi a na ngaithau inla; A kama thu hung pawt hi a na ngaithau in. Na chanuteu chuh kah dân sinsak unla, mitin in a inveng nu kawmah sun dân hilh hen.

JEREMIA 9:10

“Tang te chuh sun ing ka ting, gamthip a hampa phatna mun te ziek chun kap ing ka. Kuomah hawh loh dinga a siet tâk ziekin; gan hawn thawm kuoma’n za ta puou in tin; chung leng vacha leh gamsate le a taisieu a; a chieh mang tau hi,” ti’n.

JEREMIA 6:26

“Aw ka mi, ka chanu saidippuon cheng inla, vut lak ah kibuol in. Chapa changkhat sun bangin sun inla, kap buoh buoh in. Thakhat in sugampa chuh na chung ah hung tung ding a hi ngâla.

LUKE 19:41

Chun, a tun ding kuon un khuo chuh a mu a, a kahcham a,

SAM LEHKHABU THE PSALMS 119:136

Ka mittui hi lui tui tawbang in a luong tha a, Na dân a zuih loh ziek un.

JEREMIA 7:29

“Na sam tan inla paihmang in, Aw Jerusalem, munsang haw achun kahla sa’n la, kap in; Lalpa’n a lungnat na chawktho suon te chuh a paih tha a, a nungngat san ta ngâla.

SUNNA LA 3:48

Ka mite chanu sukgimtheih a a um ziek u chun ka mitthi hi luipi tui bangin a luong dawk a.

AMOS 5:16

Zieziekchun, Lalpa, Sepaihte Pathien, Lalpa chun hiti hin a tii: “Khawlai mun âwng chengcheng ah kah vengvung na um intin; kawtthêl chengah, A khawk na e! tiu intin; lungkham dingin lo nei mite leh, kap dingin kahla sa thiemte sam un au.

JEREMIA 3:24

Mahleh, zie thil tenum tak I khangdawng lai u apat ei suonteu in a sepgimnau chuh a ne zo tai; a belam guol teu, a chanuteu leh a chapa teu haw chanin.

JEREMIA 3:25

Zakcha’n kuol hitiu ie, I zahhuoi nau in ei khuh hen; Lalpa Pathien chung ah thil I hihkhiel u a, eihaw leh ei suon teu in I khangdawng lai u apat in tuni tieng hin Lalpa Pathien kamsuok I awih loh ziekun.

JEREMIA 4:20

Sietna chungah sietna a hung tung tai, gamsung chuh suksiet a hita a, ka puon-In te chuh thakhat a suksiet ahiu a, ka puonzak haw chule mitphetlohkal in suksiet ahi tai.

SUNNA LA 2:13

Nang dinga hetpih dinga bang thila ka mat ding? Bang tawh ka hun tehkal die? Aw Jerusalem chanu ka hun thamuon theih na dingin bang tawh ka hun tehkal die? Aw Zion chanu thiengtho, na sietna chu tuipi guolin a lien a, Kuo a hun thamuon thei ding?