JEREMIA 9:16 - PATHIEN LEKHABU THIENGTHO (BSI)

¹⁶ Amau haw leh a suon teu in a het khâkloh uh nam lak ah thehdalh ing ka ting; ka sukchimit ma chengin chemzâm delhzui sak ing ka.”

JEREMIA 9:16 ပူးပေါင်းရင်းမြစ်များ

EZEKIEL 5:12

Mipite mun thuma khena mun khat chuh hipi ahim, kiel ahim in na sung ah thiu intin un; mun thuma khena mun khat dang chuh na kimvel ah chemzâm in thiu intin un; mun thuma khena mun khat kit chuh thehzak ing ka ting, amau chuh chemzâma delhzui nalai ding ka hi.

EZEKIEL 5:2

Mun thuma khena mun khat chuh huola a um sung nite a bukim tieng leh khawpi laia meia na hâl ding ahi a, mun thuma khena mun khat dang chuh lân na tin, khawpi kimvela chemzâma na sat nêl ding ahi; chun, mun thuma khena mun khat kit chuh huih tawhmang dinga na thehzak ding ahi a, zie nung chuleh ken chemzâm in delh zui ing ka.

DAN NIHNA 28:64

“Chun, Lalpa chun kâwlmawng langkhat apat a kâwlmawng lehlam chanin namtin lak ah hun thehzak intin, zie chun nang u leh na pileputeu in le na hêtkhâk loh uh thing leh suong pathien dang haw na va sem inlau.

THIEMPUDANTE 26:33

Chun, nam dangte lak ah hun thehzak ing ka ting, ahun delh dingin chemzâm chuh zûk dawk ing ka; tichun, na gam u chuh a hawm in um intin, na khawpiteu chuh suksiet sa a nutsieh in um ina.

JEREMIA 44:27

Ngaitiem u, a phat na dinguh hilo, a sietna dingun amau ka châng zing hi. Tichun Juda mi Aigupta gama cheng haw cheng chuh chemzâm leh kiel haw a sukmangthai hi’nau, a manthai vek macheng un.

JEREMIA 13:24

Gamgaw apat a huih in buhsi a mût mang guol in, amau haw chuh thehzak ding ka hi.

JAKOB 1:1

Jakob, Pathien leh Lalpa Isu Krista sawntawlawi apat: Nam sawm leh nam nih, khawvel a vakchekte kawm achun chibai.

ZEKARIA 7:14

Khutichun, amau chuh gamdang mi a hêtkhâk loh teu lak achun chinpeia thehdalh ding ka hi. Tichun, gam chu a hawm in taihsan un tin; kuomah a lut leh pawt um talo in, gam nuom tak chu thawmhau tak leh kuomah luoh loh a nutsieh a hung um ding ahi ngâl a,” ti’n.

EZEKIEL 20:23

Jentel te lak ah thehzak ing ka ting, gamtin ah nawhzak ing ka, khut zak hiela kihâksiel in thalek a khan a kawm u ah ka na ti a,

EZEKIEL 14:17

“Ahihloh leh, zie gam chunga chuh chemzâm ka leh a, ‘Chemzâm, che tie leh’ ka tih a, zie gama mi leh sa cheng chuh ka thah chun,

EZEKIEL 12:15

Namtin laka ka nawhzak a, gamtin a ka thehzak tieng chuleh Lalpa chuh ka hi, tih he tan au.

EZEKIEL 11:17

Zieziekchun Lalpa chun hiti hih a tii: Nam dang haw lak apat chun hun puikit ing ka ting, na kithehzâk nau gam u apat chun hun puikhawm kit ing ka ting, Israel gam chuh hun pie’ng ka.

JEREMIA 29:17

“Sepaihte Lalpa chun hiti hin a tii: Ngaitiem u, a chunguh achun chemzâm te, kiel te, hipite hun tun sak ing ka ting, theipi hût, a siet takluot zieka nek theih loh bang mai in siem ing ka.

JEREMIA 25:27

Chun, a kawm u ah, “Sepaihte Lalpa, Israel Pathien chun hiti hin a tii: ‘Dâwn unla, kham unla, luou unla, puk unla, thokit ta kiu in; na lak uh a chemzâm ka lên sak ding ziek chun,’ ti’n.

JEREMIA 24:10

Amau leh a suonteu kawma ka piek gamsung a kipat hin sukchimit a hih macheng un, a laku ah Chemzâmte, kielte, hipi te sawl ding ka hi.”

SAM LEHKHABU THE PSALMS 106:27

A suonteu chuh namte laka thehzak ding leh, Gam haw a thehchekna ding in.

NEHEMIA 1:8

Na suok Mosi kawma, ‘Na gitloh u chun namtin laka hun theh zak ding ka hi, ti a na thupiek chuh hezing dingin ka hun ngên hi.

DAN NIHNA 32:26

‘Nawhzak vek ing ka ting, Mihing laka amau hetzingna subei kêi ding ka hi,’ ti mai ding hi veng,

DAN NIHNA 28:36

“Nang u leh na pileputeu in le a hêtkhâk loh uh, nam kawm achun nang u leh na lengpau ngêi chuh Lalpa’n hun nawhlut intin, zie chun thing leh suong a kisiem pathien dang haw na va sem inlau.

DAN NIHNA 28:25

“Lalpa chun na melmateu zawh dingin hun siem intin; amau va do dingin lampi khat hawh in kuon in na tin un, a mau ah lampi sagih ah taizak inlau; lei chunga gam tin cheng ah thehzak in um inlau.

DAN NIHNA 4:27

Lalpa chun namtin lak ah hun thehzak intin, Lalpa’n a hun thehzakna nam haw lak achun tawmcha chauh hingdawk inlau.

JEREMIA 8:19

Gamsung dung leh vaia ka chanu ka mite kah thawm chuh ngaitiem u! Zion achun Lalpa a um puoh ahim? A sunga chun a Leng umlo ahim? Bang zieka a milim siem kawm teu leh a gamdang pathien teu a ei sulungna ahiu em?

THUGENPA 12:5

Ahi, chung sang chuh lau in natin, lampi ah lauhna a um a, nanga dingin vakviel chuh lauhthawng um hung hita’n tin, na sam hung kâng intin, nang mah kidokhang haksa hun sa ta’n na tin, na utchakna chengcheng chuh bei ta’n a. Mi chuh a kumsawt In zuon a chieh in; kawtthêl haw ahin lusûnte chuh vakviel ta’n au.

JEREMIA 7:29

“Na sam tan inla paihmang in, Aw Jerusalem, munsang haw achun kahla sa’n la, kap in; Lalpa’n a lungnat na chawktho suon te chuh a paih tha a, a nungngat san ta ngâla.

EZEKIEL 27:2

“Nang, mihing chapa, Tura khuo sûnna la phuok inla,

AMOS 5:16

Zieziekchun, Lalpa, Sepaihte Pathien, Lalpa chun hiti hin a tii: “Khawlai mun âwng chengcheng ah kah vengvung na um intin; kawtthêl chengah, A khawk na e! tiu intin; lungkham dingin lo nei mite leh, kap dingin kahla sa thiemte sam un au.

MIKA 2:4

Zie tawbang hun chuh a hungtun tieng leh, na chanchin u chuh mite’n sietna tehkalna’n mang un tin uh; na thil tuok chungchâng thuu achun zie la thasiet-um tak hi hun sa’nau: “Sukchimit in I um tau a! Lalpa’n I gam uh lamang in, Sala ei mante kawmah a pie tai!” ti’n.