JEREMIA 9:11 - PATHIEN LEKHABU THIENGTHO (BSI)

¹¹ “Chun, Jerusalem chuh thilsie kawihkhâwm bang mai in siem ing ka ting; si-âlte chênna mun hi’n a. Juda khawpite chuh luoh loh in suhawm ing ka,” a ti a.

JEREMIA 9:11 ပူးပေါင်းရင်းမြစ်များ

ISAI 25:2

Khawpite chuh leisai kawih vum maimai na suoh saka; kulhpi nei khuo le khuo sie nung na suok sak veka; gamdang mite leng In le bangmah lo na suok saka, bangmah tika sakkit hita puo’n a.

JEREMIA 51:37

Chun, Babulon chuh thilsie paih khawm na, si-âlte chênna mun, maksak huoi huoi leh chekkhum, a luoh um loh na mun hung hi’n a.

JEREMIA 10:22

Ngaitiem u, thuthang thawm chu a hung tunga, mâllam apat a buoina nasa tak mai chuh, Juda khawpite sugam a, si-âlte kuo suok sak dingin,” ti’n.

ISAI 34:13

Chun, a leng In teu achun hamlingneite kek intin, a kulhpiu sunghaw achun thakhai leh lingte kek dim intin; si-âlte leh simbute a sunga chun cheng un au.

ISAI 13:22

A insangteu leh leng In teu sung chuh si-âl leh ngei hâm chun thawng gi zung zung ina. Babulon gawtna hun a hungtung ta a, A nite chuh a tâwp ding kuon ahi ta ngâl a”.

MIKA 3:12

Zieziekchun, nang haw ziekin Zion chuh lo lei guola kalh hi’n tin; Jerusalem chuh thilsie kawihkhâwm guolin um ina. Chun, Ho-In umna tâng chuh gammâng hungsuok ina.

SUNNA LA 3:47

Lauh-umna leh thâng in ei dal u a; sietna leh manthaina ah ka um tau hi.

SUNNA LA 2:2

Lalpa’n lungsietna neilo hielin, Jakob chênna cheng chu a sumang ta a; A lungnatna chun Juda chanu kulh dettak te chu a suchim a. A vaihawmte leh a lenggam u chu a hihniem ta a.

JEREMIA 34:22

Ngaitiem u, zie khawpi a hi hung vaikit ding thu pie’ng ka ting, tih hi Lalpa kamsuok ahi. Tichun, zie khuo hi hun do untin, mei in hâl un au, ti chun, a luoh ding umlo in Juda khawpite chuh a hawm in um sak ding ka hi.”

JEREMIA 26:18

“Moraseth mi Mika chun Juda leng Hezekia lal lai khan, Juda mi chengcheng te kawma chun, Sepaihte Lalpa chun hiti hin a tii: ‘Zion chuh lo guol a kaih hi’n tin, Jerusalem chuh thilsie kipaih khawm hi’n a. A In umna tâng chuh gamlak munsang tawbang hi’n a,’ ti’n a genlawk a.

JEREMIA 25:11

Tichun, zie gam pumpi hi a hawm in um in tin, tizat-um takin um ina. Khutichun, zie namte chun Babulon lengpa na chuh kum sawmsagih sem un au!

SAM LEHKHABU THE PSALMS 79:1

Aw Pathien, namte chuh na goluoh ding ahin a lut u a; Na Ho-In thiengtho hi a subuok u a;

MIKA 6:16

Leng Omri leh a chapa leng Ahab thilhih sekte na zuih ziekun, zie thil haw hi na chungu ah hungtung ina. A lemguot hawu chuh na sunzawm u a, zieziekchun, na chungu ah sietna hun tunsak ka ting; tichun, mi chengin hun musit un tin; muntin a mite chun musit takin hun bawl un au!” Chun, ka mite minsiet na chuh puo’n la, ti’n.

MIKA 1:6

Zieziekchun, Samari chuh thilsie kawihkhâwm bangin siem ing ka ting, grep phuhna ding mun bang mai in, chun, zie muna suonghaw chuh guom lam achun lik tha’ng ka ting, suongphumte chuh dawk sak vek ing ka!

JEREMIA 26:9

Bangati a Lalpa min a zie In hi Shiloh hung bang in tin, zie khawpi hi a luoh ding umlo in a hawm in um ina, ti a na genlawk ahi?” a tiu a. Chun, mipite chun Lalpa In a Jeremia um chuh a ûmkimvel tau a.

JEREMIA 25:18

Ziehaw chuh Jerusalem leh Juda khawpite, zie tak muna lengte leh miliente chuh hawmngawn leh, maksak leh chekkhum leh, hansiedawl ding leh, tulai a a umdan bang uh ahi um dinga nutsieh in a um tau hi!.

ISAI 44:26

Himahleh, ka suokte chun thu a genlawk uh a, ka thil guonggalh genlawk dinga mi ka sawl chun, ka thil guonggalh leh a genlawkteu chuh ka hih guitung sek hi. Jerusalem chuh mite hun luoh kit ding leh, Juda khawpite tun dawk kit ding ka gen a, zie khawpite chuh a sietna apat a tundawk kit dingin.

NEHEMIA 4:2

Tichun, a suohpih te leh Samari sepaihte masang achun hiti hin a gen ta a, “Zie a Juda zawngkhalte hin bang ahim a hih uh? Kulh a kisiem theih ding uh a ahim? Ni khat in a hih piting ding uh a ahim? A kithawi ding um? A katumsa hi mu zing in ninpa kisung khawm a pat in suong tiengkhawm kit ding ahiu em?” a ti a.

THUPHUON 18:2

Amah chun aw ngeih tak in, “Babulon khawpi lopi chuh a chim tai! a chim tai! Thithate umna leh, thagau buok leh muhdahum tin chengte umna a hung hi tai!

THIEMPUDANTE 26:32

Na gam u chuh a hawm in um sak ka ting, tichun, na melmateu, a gam luohte chun a muh tieng u leh mak a sak hiel dingun hih sie’ng ka.

SAM LEHKHABU THE PSALMS 44:19

Nangin Si-âl haw umna ah nei sawisa ek a, Thihna lima nei khuh na dingin.

JEREMIA 1:15

Ngaitie, mâllam a lalgam a nam chengcheng te chuh sam ding ka hi ngâla, Lalpa’n a tii. Hung kikhawm untin, Jerusalem a lutna kawtkhak haw cheng leh kulhbang kimvelhaw leh Juda khawpi chengcheng a chun a lalchutphah uh hun kawih chiet un au.

JEREMIA 4:27

Lalpa’n hiti hin a tii, Gam sung pumpi chuh hung hawm suok intin, mahleh sukmangthai vek hi puo’n a.

JEREMIA 44:2

“Sepaihte Lalpa, Israel Pathien in hiti hin a tii: Jerusalem leh Juda khawpite chunga thil phalo ka hun tun sak haw cheng chuh na mu tau a; chun, ngaitiem u, tuhin a hawmngawn ahi ta a, kuomah a cheng ta puou hi, ti’n.

JEREMIA 49:33

Chun, Hazor chuh si-âlte chênna mun hi’n tin, kumlekhuo’n sie den ta’n a. Zie tak achun kuomah cheng ta puou un tin uh, mihing chate himhim cheng ta puo’n au.”

JEREMIA 50:3

“Mâllam a kipatin amah chuh nam khatin a hun sim a, zie chun a gam chuh suhawm intin, zie tak achun kuomah cheng ta puo’n au! Mihing leh gamsa haw chuh tai mang untin, zie tak achun kuomah cheng ta puo’n au!

SUNNA LA 1:4

Zion zawtna lampi chu a ngui zo ta a, Kut lopitak haw achun kuomah a hung ta puou hi. Nungak thiengthote chun a thuok tau a, thiempute chu a beidawng u a. Kulh kawtkhakte chu a sie zo ta a, Zion chu lungkham in a um tai.

DAN NIHNA 29:23

Gam pumpi chuh chi leh kât a dim, bangmah kichîn lohna, bangmah cha keh lohna leh hampa nasan le a keh lohna hi’n a. Gam chuh Lalpa’n lungna leh hachangthaka a suksiet Sodom leh Gomorra leh Admah leh Zeboiim khawpi haw tawbanga kha suksiet hi’n a.

SAM LEHKHABU THE PSALMS 107:43

Kuole a pil tapoh in ziehaw chuh vawp phan tin, Lalpa chitna ngaihtuoh un au.

JEREMIA 8:22

Gilead achun thingnai damdawi umlo ahim? Zie tak achun hihdampa umlo ahim? Bang zieka ka mi, ka chanu chuh sukdam hilo ahim?

JEREMIA 16:10

“Zie thu haw cheng hi zie mite kawma hi na gen tieng leh amau in, Bang ziekin ahim Lalpa’n ka chung u a hiti lâwm lâwma thil phalo a hung gendawk? Bang ahim ka gitlohnau? Lalpa ka Pathien uh chung a ka thilhihkhelh u chuh bang a?” a tih u chun,