JEREMIA 9:10 - PATHIEN LEKHABU THIENGTHO (BSI)

¹⁰ “Tang te chuh sun ing ka ting, gamthip a hampa phatna mun te ziek chun kap ing ka. Kuomah hawh loh dinga a siet tâk ziekin; gan hawn thawm kuoma’n za ta puou in tin; chung leng vacha leh gamsate le a taisieu a; a chieh mang tau hi,” ti’n.

JEREMIA 9:10 ပူးပေါင်းရင်းမြစ်များ

JEREMIA 12:4

Gam chun bang chan a a sun ding? A sunga chêngte gitloh zieka gamsung a thaichi te chuh vuoi mai ding maw? Gamsate chuh a mangthai zo u a, chung leng vachate le; mite chun I hun nunung lam u chuh mu puo’n au, a tih ziekun.

HOSEA 4:3

Zieziekchun, gam sungin a su’na: a sunga cheng te cheng le a lungkham zo tau hi. Gamsate, chung leng vachate leh tuisuohgiet a ngate chanin lak mang hi’n au.

EZEKIEL 33:28

Chun, gam chule huoisie taka hawmngawn leh matna beiin siem ing ka ting, a kisuonpih uh a hatna chuh sutawp ing ka ting, chun, Israel tâng haw a hawm in um in tin, kuomah vakviel ta puo’n au.

EZEKIEL 29:11

Mihing keng in tawh khata puo’n tin, sa hawn le hawh khata puo’n au; kum sawmli sungin le luoh in um ta puo’n a.

EZEKIEL 14:15

“A gam u chuh gamsa hâng haw ka chawhleng saka, gam chuh a suksiet u a, gamsa hâng haw zieka chuh kuomah a hawh pai ding um lo khawpa gam chuh thawmhauh-um a a um chun,

JEREMIA 12:10

Belampu tamtak te chun ka grep huon a susieu a, ka chanvo chuh keng in a tawhden u a, ka chanvo deihum tak mai chuh thalek gamgaw a suok sak tau hi.

JEREMIA 7:29

“Na sam tan inla paihmang in, Aw Jerusalem, munsang haw achun kahla sa’n la, kap in; Lalpa’n a lungnat na chawktho suon te chuh a paih tha a, a nungngat san ta ngâla.

SUNNA LA 2:11

Ka mitte chu kahna’n a chauzo tau a; ka lunggil a gimthei a. Ka mite chanu sietna ziek chun lungkham in ka chautha tai. Naupangte leh nawichep laite chu chau in khawpi achun a puktha zo tau hi.

SUNNA LA 1:16

Ziehaw ziek chun ka kap a, ka mit chu mitthi tui in achup ta a; Ka hinna suhalh ding thamuontu kei apat a gamla ta a. Melmate’n ei zawh tâk ziekun ka chate chu amau maia nutsieh in a um tau hi.

JEREMIA 23:10

Gam chuh zawlsaite’n a dim ta a, hansie ziekin zie gam chun a sûn a. Gamthip gam hingte chuh a gaw zo ta a! A lampiu chuh a pha puoh a, a hetnateu chule a dik puoi.

JEREMIA 14:6

Gam sabiltungte chuh tâng gawchak achun a ding u a, si-âl guolin huih a hîp u a, hampa hing nek ding a umloh ziek in a mit uh a thim zo tai.

JEREMIA 8:18

Aw ka lungkhamna hi kithamuon thei leng chuh aw! Sunggil lam ah hin ka lunggil a chau zo tai.

JEREMIA 2:6

Aigupta gama pata ei puidawk a, gamthip gamgaw kawkhuk leh thihna lim leh gamgaw mun, kuomah chen loh na mun apat a ei puidawk pa Lalpa kha khawia um ahi ta? a ti diek puou hi.

ISAI 49:19

“Na gam chuh suksiet leh nutsieh in a um ta a; himahleh, a cheng dinga hungte dingin tuhin neu taluo ding ahi tai. Nanguh hun susiete kha gamla taka chawnmanga um ding ahi ta ngâl u a.

ISAI 41:15

Buh hêkna khawl thak leh, ha hiem tak, bangin hun siem ing ka ting, Tangte chuh chilgawp in, sumangthai unlau; tichun, tângte chuh leivui bangin nêl dim diem ina.

JEREMIA 50:3

“Mâllam a kipatin amah chuh nam khatin a hun sim a, zie chun a gam chuh suhawm intin, zie tak achun kuomah cheng ta puo’n au! Mihing leh gamsa haw chuh tai mang untin, zie tak achun kuomah cheng ta puo’n au!

EZEKIEL 27:2

“Nang, mihing chapa, Tura khuo sûnna la phuok inla,

JOEL 1:13

Nang haw thiempute haw, kawlladip puon cheng unla kap un! Pathien Ho-In achun chieh unla, zan khuo vakin sûn un; Na Pathien u In apat chun changbuong lat leh dâwn ding lat chuh khap ahi ta ngâla!

JOEL 1:19

Aw Lalpa, ka hun sam hi, gamsung a hamhing mun haw chuh mei in a katum zo ta a; meikuong chun gam laka thing haw cheng chuh a kâng thieng tai.

AMOS 5:1

Aw Israel insung mite haw, zie nanguh dodalna thu ka gen, sûnna thu hi ngai un.

AMOS 5:16

Zieziekchun, Lalpa, Sepaihte Pathien, Lalpa chun hiti hin a tii: “Khawlai mun âwng chengcheng ah kah vengvung na um intin; kawtthêl chengah, A khawk na e! tiu intin; lungkham dingin lo nei mite leh, kap dingin kahla sa thiemte sam un au.

MIKA 2:4

Zie tawbang hun chuh a hungtun tieng leh, na chanchin u chuh mite’n sietna tehkalna’n mang un tin uh; na thil tuok chungchâng thuu achun zie la thasiet-um tak hi hun sa’nau: “Sukchimit in I um tau a! Lalpa’n I gam uh lamang in, Sala ei mante kawmah a pie tai!” ti’n.

JEREMIA 2:15

Sakeibaknei vanglai te chun a ngîk u a, ngeih tak in a chung ah a kitum u a; a gam chuh a susie zo tau a, a khawpi te le a luoh ding umlo in a kâng tum zo tai.

JEREMIA 12:11

Gam hawm a suok sak zo tau a, ka masang achun hawmngawn in a um ta a. A gamsung pumpi chuh a thawmhau a, mahleh kuoma’n a ngaihsak puou hi.

SUNNA LA 5:18

Zion tâng chu thawmhau taka nutsieh a hih tâk ziekin, si-âlte chu a chungah a vakviel viel tau hi.

EZEKIEL 6:6

Na chênna mun chengcheng u a khawpi haw chuh suksiet hi’n tin, na milim hona mun sang hawu chuh sukchim in um in au; na maichâm hawu chuh suksiet leh sukchim ahih theihna ding leh na milim hawu chuh khet gawp ahih u a sukbeih ahih theihna dingun leh na gimlim maichâm hawu chuh satthâk ahih u a, na thil siemkawm hawu chengcheng chuh a manthai theihna dingin.

MIKA 3:12

Zieziekchun, nang haw ziekin Zion chuh lo lei guola kalh hi’n tin; Jerusalem chuh thilsie kawihkhâwm guolin um ina. Chun, Ho-In umna tâng chuh gammâng hungsuok ina.