JEREMIA 8:7 - PATHIEN LEKHABU THIENGTHO (BSI)

⁷ Ahi, tuivakang in amah hunbi a kihet a, vakhu leh pielpate, tuivate chuh a hun tak in a hung tung sek u a; ka mite’n vang Lalpa thuguot chuh a he puou hi.

JEREMIA 8:7 ပူးပေါင်းရင်းမြစ်များ

ISAI 1:3

Bâwngchal in a pu a he a, sabiltung inle a pu an piekna a he a; himahleh, Israel te hin vang chuh a he puou a, ka mite hin chuh a helo himhim uh ahi,” a ti a.

ISAI 5:12

Kingkang leh pekgitte, khuong leh châmngaite tawh uain a a guolvaknau a um sekte; Lalpa thilhih ngaihsak sek lote leh a khut nasep mu thei sek lote chung chuh a gik hi.

SOLOMON LA 2:12

Lei chungah pakchate a hung kilang a, vachate hâm hun a hungtung ta a, I gam uh ahin vakhu hâm zak ahi tai;

ISAI 27:11

Thing bawkte chuh hung vuoi tha’n tin, bawng intin, tichun, numeite’n meia tih dingin chawm khawm un au. Mipite chun bangmah het theihna mawng mawng a nei puou a, a siempau Pathien in lungsietna leh a chung u a zahngaihna himhim latsak ta puo’n a.

ZEKARIA 5:9

Ka vak dâk dawk kit leh, numei nih kei lam zuona hattak a hung leng hi ka mu a. A thau achun huih a um a; a tha chuh vacha tha tawbang ahi a, chun ephah chuh lei leh van kal ah a khaidawk u a, a lênmangpih tau hi.

JEREMIA 4:22

Ka mite chuh a ngawl bêk u a, ei he ngâl puou a; naupang ngawl hetna neilo bang mai ahiu hi. Thil gilo hih a thiem u a, thilpha hih dân vang a thiem puou hi.

JEREMIA 5:6

Zieziekchun, gammânga sakeibaknei in amau chuh pet intin, gamgaw a ngei haw chun amau chuh ne zo ina. Keite chun a khawpiteu chuh chang intin; a hung pawtdawk tak u leh bawttel ina. A bawhsiet nau chuh a tama, a nungchawnnau haw a nasat ziekin.

HABAKKUK 1:4

Zieziekchun, dân chuh ngaihkhawk ahi ta puoh a, mattakloh a suok tai! Thudik a vaihawmna a um ta puoh a. Mi gilote chun mi diktat te chan changin, thu dik chuh heikawi ahi tai!