JEREMIA 8:6 - PATHIEN LEKHABU THIENGTHO (BSI)

⁶ Bil dawh in ka ngaitha a, kuoma’n thudik a gen ta puou a; kuoma’n bang ahim ka na hih, ti’n a gitlohnau a kisik diek puou hi. Mitin amau lampi chiet ah a chieh u a, kidona muna sakawl kikhawh viel puotpuot guol in.

JEREMIA 8:6 ပူးပေါင်းရင်းမြစ်များ

SAM LEHKHABU THE PSALMS 14:2

Hethiem a Pathien hawl himhim a um ui mawh, ti’n, Lalpa chun van apat hin mihiem te hi a zuk en a.

EZEKIEL 18:28

A kingaihtuoh a, bawhsietna ana hihsa chengcheng chuh a kiheimangsan ziek chun hing in tin; thilo ding ahi.

2 PETER 3:9

Mi khenkhat in, Lalpa chuh muong a sak bangun, a thutiem hih ding chun a muong hiel puoi. Kuomah manthai deihlo a, mi chengcheng, a gitlohnau apat lunghei dinga deih zaw’n, nangmau haw zieka lungdieh a hi zaw ie.

MALAKI 3:16

Tichun, Lalpa kihchate chuh a kihotuoh u a: Lalpa chun I thugenteu a ngaitha a, a na za a, Lalpa kihchate leh amah limbawlte a ding chun hetzing na lehkhabu chuh a masang ah zik ahi ta a.

MIKA 7:2

Pathien mite chuh leichung a hin a mangthai u a, mi diktat kuomah a um ta puoh a; thisan suoh ding mai ngaihtuoh in a chângthau a; mitin in amah suohpihte chuh len a mat a guo chiet tau hi.

THUPHUON 9:20

Chun, mihiem, zie gawtna a suklup mâwkte chun, thithate leh, sana milimte, dangka milim te, sumeng milimte, suong milim te, thing milim te, bangmah mu thei lote leh za theilo, chieh thei diek lote a ho tâk lohna dingun, amau haw khut mâwnga a thil siemteu chuh a tâng diek puou hi.

HAGGAI 1:7

Sepaihte Lalpa chun hiti hin a tii: Na lampi teu chuh guntak in ngaihtuoh un.

HAGGAI 1:5

Tuhin chu vang Sepaihte Lalpa chun hiti hin a tii. Na lampi teu chuh guntak in ngaihtuoh un?

EZEKIEL 22:30

Chun, gam chuh ka suksiet lohna dinga bâng chuh sapha ding leh a chipna muna gam thathenga ka masanga ding ding amau haw lak achun ka hawla; himahleh, khatchale ka mu puoh a.

JEREMIA 5:1

Jerusalem kawtthêl achun a suk ato in taiviel unla, en un, melchik unla, a lamlien ningkawi tin chuh hawl un, thil dik bawla thudik hawl mi khat bêk na muh u leh Jerusalem chuh ngaidam ing ka.

ISAI 59:16

Sukgimtheih a umte panpihtu ding um loh chuh mak a sa mah mah a. Zieziekchun, a thilhih theihna chuh hun suoh in tin; amau haw chuh hun hukdawk in a.

ISAI 30:18

Himahleh, Lalpa’n hun lungsiet in, hun ngak intin, nang haw hun lungsiet dingin a kisazo zing a, thil dik a hih sek ziekin; Lalpa chun diktaka vai a hawm sek ziekin amah ngakte cheng chuh mi hampha ahiu hi.

JOB LEHKHABU THE BOOK OF JOB 10:2

Pathien kawmah hiti hin gen ing ka: Ei thiemmawh ki’n, nei deihlohna ei hilh zaw’n.

JEREMIA 23:25

Ka mangmat hi, ka mangmat hi, ti a ka min a zuou gen thiemgaute a genlawk chuh ka za tai.

JOB LEHKHABU THE BOOK OF JOB 34:31

Mi’n Pathien kawm achun, “Thununna chuh ka thuok ta a, gawtna ka thuok nalai set a,

JOB LEHKHABU THE BOOK OF JOB 34:32

Ka muh loh chuh ei sinsak inla, Manlohna ka hih in le, Hih kit ta puo’ng ka,” a ti kha a ahim?

ISAI 57:17

A gitloh ziek u leh, a huoiham ziekun a chungu ah ka lungna a, ka gawt a, ka kiheisan ta a. Himahleh, genhak takin a um u a, amau lampi chiet ah a kiheimang tau hi.

JEREMIA 3:5

Kumkhuo’n a lungna dinga ahim? A tâwp tiengin a vawp zing dem? Ngaitie, khutibang chun na gen ngeia, mahleh, a gilo thei bang pên in thil na hih a.”

DANIEL 9:11

Ahi, Israel te chengcheng chun na dante bawhsie’n, na thugente chuh a ngaitha nuom puou ui. Na chungah ka na gilo tau a khutichun, na suok Mosi dana kizik hansiete chuh ka chung u ah na hun tun sak ta a.

ZEPHANIA 3:7

Tichun, ka mite chun ei limbawl tau un tin, ka thununna thute chuh pawm tau un tin; ka thuhilhna thute chuh hengilh ta puo’n au,” ka ti a. Himahleh, a umdan ngêi mah un a hung um kit pai tau hi!