JEREMIA 8:5 - PATHIEN LEKHABU THIENGTHO (BSI)

⁵ “Bang zieka zie mipite hi kumlekhuo a nungchawn dinga kipuk den ahi tau hi? Thepna a tuchak kêi u a, vaihkit a nuom puou hi,

JEREMIA 8:5 ပူးပေါင်းရင်းမြစ်များ

JEREMIA 9:6

Na chênna chuh kithepna lak ahi a, kithepna ziekin ka mite’n kei ei he nuom puou hi, tih hi Lalpa kamsuok ahi.

JEREMIA 5:3

Aw Lalpa, thutak chuh na muh nawp lam hilo ahim? amau chuh na zêp a, mahleh a lungkham diek puou; amau haw chuh a ne zo u a, thununna chuh a pawm nuom diek puou hi. A mai u chuh suongpi sanga tak zaw’n ahih u a, a kisik nuom diek puou hi.

ZEKARIA 7:11

“Himahleh, ka mite chun a ngaitha nuom puou a, a lochal u a a zak theih lohna dingun, a bil uh ahim u a.

HEBRAI 12:25

Thugenpa chuh a na deih lo kha’n lau, chingthei un! Lei a amau haw hilhgaihna thugen ana ngai lote bawn a suohchak loh uh chun, van apat a I kawm u a thu hun gen pa nungngatte hih, suokcha mawh zawsem hitiu!

JOHAN 5:40

Himahleh, hinna nei dingin ka kawmah na hung nuom puoh ngâl u a.

HOSEA 11:7

Ka mite chun ei kihei mangsan guo zing u a. A chung u a namkawl kibat ziek chun Chungnung pên pa chuh sam untin, mahleh kuoma’n lakthak sak puo’n a.

JEREMIA 5:27

Bawma vacha a dim bang mai in a in u haw chuh thepna’n a dima; zieziekchun a hung lien u a, a hung hausa tau hi.

ISAI 44:20

A vutte chuh na ne a, na ngawl dân chuh, na ngawl taluo a, panpih theih nei puoi. “Ka khuta milim pathien ka chawih hi pathien ei hiel puoi,” na ti nuom diek puoi.

ISAI 30:10

Thiemgaute kawmah, “Thil dikte chuh ei hilhlawk kiu in, thil nuom lam ngen ka kawm u ah gen un, thepna thu genlawk un;

THUPHUON 2:25

Himahlele, ka hung masang sieh in, na neihsau vang khah tudet un.

1 THESSALONIKA 5:21

Thil bang cheng chuh phawchien zawu inla, a phata pawm det un la;

HOSEA 4:16

Israel mipite chuh sabiltung genhak tawbang in a genhak u a, bangti’n a belamno hampa phatna muna um tawbanga ka vak theih ding?

JEREMIA 2:32

Nungak in a kicheina haw a hengilh in, mo thak in a kithuomna a hengilh thei em? Ka mite’n vang ei hetngilh niu hi simsen ding guol ahi ta puoi.

ISAI 1:20

Himahlele, na nawp loh uh a, na kiphin u chun, chemzâm in hun that zo un au; kei Lalpa chun zie chuh ka gen ahi tai,” a ti a.

THUCHINGTE 4:13

Kithu-hilhna chuh tudet kei inla, thahsuok hiel ki’n. Vawp chak kêi inla, na hinna ahi ngâl a.

JEREMIA 5:6

Zieziekchun, gammânga sakeibaknei in amau chuh pet intin, gamgaw a ngei haw chun amau chuh ne zo ina. Keite chun a khawpiteu chuh chang intin; a hung pawtdawk tak u leh bawttel ina. A bawhsiet nau chuh a tama, a nungchawnnau haw a nasat ziekin.

JEREMIA 14:7

Ka manlohnau chun ei phawlchil mahleh, na min ziekin Aw Lalpa, hung sem in; ka nungchawnnau a tam ta ngâl a; na chung ngêi ah thil ka hihkhiel ui, a tiu a.

DANIEL 9:11

Ahi, Israel te chengcheng chun na dante bawhsie’n, na thugente chuh a ngaitha nuom puou ui. Na chungah ka na gilo tau a khutichun, na suok Mosi dana kizik hansiete chuh ka chung u ah na hun tun sak ta a.

JEREMIA 3:5

Kumkhuo’n a lungna dinga ahim? A tâwp tiengin a vawp zing dem? Ngaitie, khutibang chun na gen ngeia, mahleh, a gilo thei bang pên in thil na hih a.”

JEREMIA 6:17

Chun, nanguh a dingin gâlvengte ka kawih a, “Pêngkun gi chuh ngaithau in,” ti’n. Amau chun la, “Ngaitha puo’ng kau,” a tiu a.

JEREMIA 6:19

Aw leisiet a na ngaitha’n zie mite chung ahin sietna hun tun ding ka hi. A ngaihtuoh na hawu gah ngêi chuh, ka thute chuh a ngaihsak puou a; ka dân te chula a paih tha kei u a.

HOSEA 11:5

“Himahleh, a kihei kit nawp loh ziekun, Aigupta lam ah vaikit untin; Asuria te chun a chung u ah vaihawm un au.

HOSEA 13:2

Tichun, tuhin gitlohna a bawl beh beh nalai u a, milim pathiente a kisun kawm u a; a dangkaguo teu chuh khutthiemte chun milim in a sung u a, a bawnin khutthiemte nasep vek ahi a; “Amah kawm ahin kithawi un,” a tiu a. Mite chun bâwngno lim chuh a châwp u a.