JEREMIA 8:4 - PATHIEN LEKHABU THIENGTHO (BSI)

⁴ Zielo chule, a kawm u ah hiti a hi na gen ding ahi, Lalpa’n hiti hin a tii: “Mi a kipuk leh thokit lo ding ahim? A gamman u leh hung vaikit lo ding ahiu em?”

JEREMIA 8:4 ပူးပေါင်းရင်းမြစ်များ

THUCHINGTE 24:16

Mi diktat chuh sagih vei puk mahlele a tho kit zel sek; mi gilote vang chuh sietna’n a sumangthai sek hi.

MIKA 7:8

Aw ka melma, ei eu lau mai ki’n, puk mahleng le thokit ing ka; Thim laka chu mahleng le Lalpa’n vak ei pie kit ding ahi.

HOSEA 6:1

“Hung tiem u, Lalpa lam ah vaikit hitiu: ama’n ei bawttel ta mahleh ei sudam kit ding ahi ngâla. Ei na suliem ta mah leh ei tuom kit ding ahi ngâl a.

JEREMIA 3:1

“Mi’n a zi ma hen la, amah taihsan in pasal dang nei leh; a pasal masa chun a na pawm kit dem? A gam chuh buok lawh hiel lo ding ahim? Nang chuh tamtak kawmah nawhchizuok bangin na khawsa a; khutisa chun ka kawmah na hung vaikit die? tih hi Lalpa kamsuok ahi.

ISAI 55:7

Migilo chun a umdan chuh haihsan hen la, mi diktatlo inle a ngaihtuohna chuh haihsan henla; Lalpa I Pathien kawm uh ah vaikit hen, tichun, amah chun lungsiet intin; a na ngaidam mah mah ding ahi ngâla.

AMOS 5:2

Israel, nungak thiengtho a puk tai; dingdawk kit ta puon a: a gam chungah paih thak ahi tai; amah tungdawk dingin kuomah a um puou hi.

HOSEA 14:1

Aw Israel, Lalpa na Pathien uh lam ah hung vaikit un! Na manlohna ziekin na kisui a, na puk ta ngâla.

HOSEA 7:10

Israel mite chapona chun amau mah a do a. Himahleh, khutisa chun le Kei, Lalpa a Pathien uh lam hi a hun nga diek puou a, amah chuh a hawl diek puou hi.

EZEKIEL 18:23

Migilo thihna ahin kipahna ka nei a ahim? A umdan te a kiheimangsan a, a hin leh nuomsa hizaw lo ka him?” Lalpa Pathien in a tii.

ISAI 44:22

Na bawhsietna teu chuh meipi sah lieiluoi bangin ka mût mang ta a; ka kawmah hungkit un, nang haw hun Tandawkpa ka hi ngâl a,” ti’n.

1 LENGTE 8:38

Bang tawbang pauchamna leh ngetna hitaleh, mi khat pauchamna ahim, na mipi Israel te pauchamna hitaleh, kuo hileh a lunggil a natna nei a kihe a, zie In lam hi ngaa khut zak a a hung paucham tieng.

JEREMIA 36:3

Zie tieng chuleh Juda inkawte chunga thil phalo hih ka guot haw cheng chuh hun hedawk untin, mitin chuh a thil hihkhelh nau apat in a hung kihei kit kha mawh ding u, a manlohnau leh a gitlohnau ka ngaihdam theihna dingin,” a ti a.

JEREMIA 23:14

Jerusalem thiemgaute chunga le, thil zahhuoi tak ka mûi. Zawl a sai uh a, lepchieh in a khuosau a; thil gilo hihte khut chuh a suhat uh a, mite’n a nunsietnau a kisik loh lawh tau a, Kei dingin Sodom khuo a mite bang a hung hi vek tau hi! A khuo sunga mite cheng le Gomorah khuo mite bang a hung hi vek tau!

JEREMIA 4:1

Aw Israel, na vaihkit chun kei kawm ngeia na hung vaihkit ding ahi Lalpa’n a tii. Na kihdak-um nate ka mitmuh a na kawih mang leh nang chuh sukmangthai hi puo’n la.

JEREMIA 3:22

Aw nang haw nungchawn hatte haw, hung vaikit unla, na nung chawnnau apat in hun na sudam ing ka. Ngaitie, na kawmah ka hung ui, nang chuh Lalpa ka Pathien uh na hi ngâla.