JEREMIA 8:3 - PATHIEN LEKHABU THIENGTHO (BSI)

³ Chun, zie inkuon gilo tak apat a suokcha sunte, ka nawhdawk na muna um chengte chun hin sangin thih tel zaw’n au tih hi Lalpa kamsuok ahi.”

JEREMIA 8:3 ပူးပေါင်းရင်းမြစ်များ

THUPHUON 9:6

Zie ni tieng chuleh mi’n thihna hawl un tin uh, himahleh, mu hiel puo’n au, thih ut un tin uh, himahleh, thihna chun amau haw taihsan ina.

JEREMIA 29:14

Tichun, nang haw muhin um ing ka, Lalpa’n a tii. Na umdan uh theng ing ka ting, nam chengcheng laka ka hun thehzakna mun apat in hun puikhawm kit ing ka tih hi, Lalpa kamsuok ahi. Sala ka hun tânsakna apat ngêi khan hun puikit ing ka.”

JEREMIA 23:8

Himahleh, mâllam gam leh, a delh zakna gam haw cheng apat a Israel inkuonte puidawk a puipa Lalpa chuh a hin zing bangin, ti zaw ta’n au, tichun, amau gam ngêi ah cheng un au.”

JEREMIA 23:3

Tichun, ka ganguol umsunte chuh ka delhzak na gam haw apat chun pui khawm kit ing ka ting, a huong sung u ah hâwi khawm ing ka ting, gah nuom takin um un tin uh, hung pung un au!

DAN NIHNA 30:4

Na lak u a van tâwp chana nawhdawk a um u lele Lalpa na Pathien un zie apat chun hun puikit intin, zie apat chun hun puidawk kit ina;

JONA 4:3

Zieziekchun Aw Lalpa, tuhin ka hinna hi ei lâksak dingin ka hun ngên hi. Kei dingin hin sangin thih a phazaw ngâl a,” a ti a.

DANIEL 9:7

Aw Lalpa, diktatna chuh nanga ahi a, kei hawn vang keimauhaw chung ngêi ah zahchâkna ka kitut tau ahi. Zie chuh Juda mite leh Jerusalem a chêngte leh Israel na nawhzakte, gamla leh naia umte chunga le a dik hi.

DAN NIHNA 30:1

“Chun, hiti hi hi’n tin, Lalpa’n a hun thehzak na nam dang laka na um lai u a zie vangsakna leh gâusapna tu a na kawm u a ka gen hi na chungu a a hung tun tieng leh; deih tel ding na neih u hi hezing un.

THUPHUON 6:16

Tichun, tângte leh suongpite kawm achun. “Ei delh khum unla, Lalchutphah a chu pa maikawk apat leh Belamno lungnatna apat ei lieh u!

JEREMIA 40:12

Juda mi haw cheng chuh a nawhzaknau gam haw apat chun a hung vaikit u a, Juda gama Mizpah khuo a Gedalia kawm a hung tung u a, uain leh nipi theigah haw chuh a deihkhawp un a lakhawm tau hi.

JEREMIA 29:28

Babulon gam ah, ka kawm u ah, ‘saltan sung chuh sawt ding a hi’n, inte sau inla, tak achun cheng unla, huonte bawl unla, a gahte chuh neu in,’ ti’n thu hi ei thak uh ka hi ngâl uh a!”

1 LENGTE 19:4

Himahleh, amah chu gamthip lam ah ni khat lam hiela gamla achun a chieh a, Juniper thing nuoi ahin a chu a; thih a ngên ta a, “Aw Lalpa, a hun tai; tuhin ka hinna hi la mai ta’n, ka pulepate sangin ka phazaw diek puoh ngâl a,” a ti a.

JEREMIA 6:9

Sepaihte Lalpa chun hiti hin a tii, “Israel um sunte chuh grep gui bangin lo thieng vek unla, grep gah lakhawm haw bang chun na khut in a bâkhaw chuh mai viel in.”

AMOS 3:1

Aw Israel chate haw, Aigupta gam apat ka puih dawk inkawte haw! Lalpa’n nanguh kalhna thu a gen hi ngaithau un:

MIKA 2:3

Zieziekchun, Lalpa’n hiti hin a tii: Ngaitie! zie inkuon chunga hin thil phalo ka ngaihtuoh ahi, zie apat chun suokcha puo’n na tin uh, uong takin le chieh diek ta puo’n lau, hun phalo hi ding ahi ngâl a.

THIEMPUDANTE 26:33

Chun, nam dangte lak ah hun thehzak ing ka ting, ahun delh dingin chemzâm chuh zûk dawk ing ka; tichun, na gam u chuh a hawm in um intin, na khawpiteu chuh suksiet sa a nutsieh in um ina.

JEREMIA 44:2

“Sepaihte Lalpa, Israel Pathien in hiti hin a tii: Jerusalem leh Juda khawpite chunga thil phalo ka hun tun sak haw cheng chuh na mu tau a; chun, ngaitiem u, tuhin a hawmngawn ahi ta a, kuomah a cheng ta puou hi, ti’n.

JEREMIA 44:6

Zieziekchun ka lungnat na leh ka thangtawm na chuh Juda khawpi haw leh Jerusalem kawtthêl haw achun ka sungtha a, a kuong ta a, tuni a a um guol hin a hawm a um in luoh loh in a um tai.