JEREMIA 8:2 - PATHIEN LEKHABU THIENGTHO (BSI)

² Nisa leh thapi leh van a lopina haw chengcheng hehpih a, a na a sep u a, a delh u leh a hawl u a chibai a bûk sekteu masang achun thehzak un tin, lâkkhâwm hita puou untin, vuih le hi diek puo’n au; leichung a êk khuk ding chauh hung hi’nau.

JEREMIA 8:2 ပူးပေါင်းရင်းမြစ်များ

2 LENGTE 23:5

Chun, milim hote thiempu haw, Juda lengte’n, Juda gam khawpi milim hona mun leh, Jerusalem tuoma gimlim hâl dinga a na guotteu chu a haihsak a; Baal ding, nisa ding, thapi ding, aksi lien haw ding leh, van a um cheng chengte dinga gimlim hâla pang te chu tawh a haihsak vek a.

NASEPTE 7:42

Khutichun, Pathien in a nungngat a, van a aksihaw a chibai theihna dingun amau haw a haihsan ta a; thiemgau lehkhabu a: ‘Israel chate haw, gamthip a khan kum sawmli sungin sa that leh gan that in kei nei ho um?

JEREMIA 9:22

Lalpa’n hiti hin a tii; mithi luong chuh mun âwng haw achun leining tang guol in kilik lem lum intin, buh âtte buhphal muh khelh bang mai in; kuoma’n lakhawm puo’n au,” ti’n.

DAN NIHNA 4:19

Ahihloh leh, na mit u a van lam a dâk to in, nisa ahim, thapi ahim, aksi haw leh vanthamzawl a thilsiem chuom chuom te, Lalpa na Pathien un van nuoia nam chuom chuom te dinga a guotsak haw ahim chuh na muh tieng u leh hun hîp mang in, hun ho in, a nau hun sem kha’n lau.

ZEPHANIA 1:5

A inchung a kaldawk a, nisa te, tha te, aksi hote chuh sumangthai vek ding ka hi. Kei ei ho a, ginum taka um dinga thutiem bawl a, himahlele, zie nunga chuh Milkom min a kihâksielna neite chule sumangthai vek ing ka.

EZEKIEL 8:16

Khutichun, Lalpa In huongsung sungnung zaw achun ei puilut a, ngaitie, Lalpa In thiengtho kawt a chun, hulliep leh maichâm kikal ah, mi sawmnih leh nga Lalpa In thiengtho lam nungngat in, a mai uh suohlam nga’n ana um u a, suohlam a nisa chuh ana ho u a.

JEREMIA 36:30

Zieziekchun, Juda leng Jehoiakim chung châng achun Lalpa’n hiti hin a tii: David lalchutphah a chu ding mi nei puo’n tin, chuleh, amah luong ngêi chule sun nisa’n a kâk ding leh leh zan dâitui in chap chek dingin paih dawk in um in a.

JEREMIA 22:19

Jerusalem kulh pawlama kaihdawk leh delhdawk in um in tin, sabiltung vuih a vuih in um in a.

JEREMIA 19:13

Jerusalem in haw leh Juda lengte in haw chuleh a chunga van lam thilte kawma gimlim na hâlna chengcheng leh, pathien dangte kawma dâwn ding thillat sundawk sekna haw cheng chuh Topheth bang mai in sukbuok hi’n a,” ti’n.

JEREMIA 16:4

Hipi’n thiu un tin, kuomah vuih loh leh kuomah sun loh in um un au; leichung a êk khuk bang phet hung hin au. Chemzâm te, kielte’n mangthai un tin, a luong hawu chuh leichung a chung leng vachate leh gamsate an ding hi tan au.”

SAM LEHKHABU THE PSALMS 83:10

Ziehaw chu Endor khuo ah a beimang u a; Amau haw chu lei a dingin êk tawbang phet ana hiu kha.

2 LENGTE 21:3

A pa Hezekia’n a hihsietsa, milim hona munte chuh a tungdawk kit a; Israel leng Ahab hih bangin, Baal hona ding maichâmte a tungdawk a, Asher pathiente lim a siem a, Manasseh chun van a aksite khu a ho a, a nau a sepsak a.

ZEPHANIA 1:17

Lalpa chun, “Mihingte chungah gimtheihna tun sak ka ting, mitdûk bang mai in kimai viel dut dut un au. Ka chunga a gitloh tâk ziekun a thisan u chuh tui bangin sung tha’ng ka ting, a thi luongteu chuh tuol ah muot zeng zung in a.”

THUGENPA 6:3

Mi’n, cha zakhat hiel hing hen la, kum tam tak dam hen la, a damsung kumte chuh tam ten mahleh, a damsunga nawpchen lo a; phataka vuih a lawh diek loh chun, thisa a pien le pha ka sa zawi.

2 LENGTE 21:5

Ho-In huongsung mun nih achun, aksite hona dingin, maichâm a siem a.

2 LENGTE 17:16

Chun, Lalpa a Pathien uh thupiek chengcheng chu a lehngatsan u a, bâwngno lim kisung nih a siem u a, Asher pathien lim a kisiem u a, van a aksite khu a ho u a, Baal pathien na a sem sek tau a.

DAN NIHNA 17:3

Thu ka hun piek kalh a pathien dangte na a sep a, nisa ahim, thapi ahim, van lam thilte ho a;

SAM LEHKHABU THE PSALMS 53:5

Lauhna himhim um lohna achun lauh atih in a lau u a, zie tawbang chun kuomah a lau kha puou hi. Pathien in pathien kihchalote guh chuh thehzak ding ahi; Pathien in amau haw chuh a paih thak ziekin na suzahhuoi ta a.

JEREMIA 14:16

Chuleh, a thu gen uh a na dawng namte chule kiel leh chemzâm in Jerusalem kawtthêl achun paih dawk in um un tin, amau haw leh a ziteu, a chanuteu leh a chapateu pum in a vui ding umlo khawp in um un au. A nunsiet nau chuh a chung u a sungtha ding ka hi ngâla.

JEREMIA 16:11

Hiti hin na gen ding ahi. “Nanguh hun suon ten ei taihsan ziekun ahi, pathien dang le a ho u a, a na a sem u a, a ho u a, ei taihsan u a, ka dân a zâwp puou hi.

JEREMIA 31:40

Mithi luong leh vut paihna guom pumpi leh, phul lak haw cheng, Kidron lui tiengin, suohlam panga sakawl kawtkhak ning tieng chu Lalpa a dinga thiengtho hi’n tin; zie chuh bangmah tikin sukchim leh suksiet hita puo’n a.”

EZEKIEL 6:5

Israel chate luong haw chuh a milim hawu ma achun kawih ing ka ting, na guh hawu chuh na maichâm kimvel u a chun thehzak ing ka.

EZEKIEL 29:5

Thaleka hun nusieh ding ka hi, nang leh na luipi a nga chengcheng chuh gam talailak ah puk in na tin, na luong phawt hi puo’n tin, vuih hi hiel puo’n la; gamsa haw leh chung leng vachate kawmah a an dingun hun pie’ng ka.

SAM LEHKHABU THE PSALMS 83:11

A milien hawu chuh Oreb leh Zeeb guol khan siem inla; Ahi, a lal hawu chengcheng chuh Zebah leh Zalmuna bang in bawl in.

JEREMIA 9:20

“Nanguh numeihaw Lalpa thu hi a na ngaithau inla; A kama thu hung pawt hi a na ngaithau in. Na chanuteu chuh kah dân sinsak unla, mitin in a inveng nu kawmah sun dân hilh hen.

JEREMIA 9:21

I tukvan hawu ah thih na a hung lut a, I leng In hawu achun a lut ta a; pawlam apat a naupang te sumang ding leh kawtthêl apat a tangval haw sumang dingin.

JEREMIA 16:6

Zie gam ahin mi thupi leh mineute le thi ding ahiu hi; vuih hi puou un tin, kuoma’n sun puo’n au, amau leh amau ki-ât puou untin, a luchang u le hietkawlh diek puo’n au.

JEREMIA 25:33

Zie ni a Lalpa’n a thahte chun, lei mawng khat apat leh lam tâwp tiengin dâp suok untin uh, sun loh leh, chawm khawm loh, vuih loh in um un tin uh, lei chunga êk tawbang phet hi’nau!

EZEKIEL 39:5

Gamtalai-lak ah thi ding na hi tih ka gen ta ngâl a, tih hi, Lalpa Pathien thugen ahi.