JEREMIA 8:14 - PATHIEN LEKHABU THIENGTHO (BSI)

¹⁴ “Bang zieka chu hiet hiet I hiu hi? Hung kikhawm unla kulh nei khawpi haw achun lut hitiu; tichun, zie chun mangthai khawm vek hitiu Lalpa chunga I gitloh tâk ziekun, Lalpa I Pathien un thihna gu ei dâwn sak in, thihna ah ei kawih tai.

JEREMIA 8:14 ပူးပေါင်းရင်းမြစ်များ

JEREMIA 23:15

“Zieziekchun, thiemgaute chungchâng thu achun, Lalpa sepaihte Lalpa chun hiti hin a tii: Ngaitiem u! gamsai in hun vak ing ka ting, tui kha hun dâwn sak ding ka hi; Jerusalem thiemgaute kawm apat chun, gamsung pumpi ah Pathien khawksak lohna chuh a pawt ta ngâl a!”

JEREMIA 9:15

Zieziekchun, Sepaihte Lalpa, Israel Pathien chun hiti hin a tii; Ngaitiem u, ka mite chuh gamsai in vak ing ka ting, tui kha dâwn sak ing ka.

SUNNA LA 3:19

Ka thuokgimna leh thil kha ka dâwn haw hetdawk kit chuh, keia dingin gu tawbang ahi.

JEREMIA 35:11

Chun, hiti hi a hung hi a, Babulon leng Nebuknezar in gam a hun do lai khan, keihaw chun, Kaldai sepaihte leh Suria sepaihte lauh ziekin Jerusalem ah chieh hitiu, ka tiu a. Tichun, Jerusalem ahin ka na cheng tau hi,” a tiu a.

MATTHAI 27:34

Isu chuh uain thuk, thil kha tawh kihel a dâwn dingin a pieu a; himahlele, a tep phetin, a dâwn nuom ta puoh a.

SAM LEHKHABU THE PSALMS 69:21

Ka an dingin gu ei pieu a; Ka dangchâk lai in lah uain thuk dâwn ding ei pieu a.

2 SAMUEL 20:6

Tichun David chun Abishai kawmah, “Bikri chapa Sheba in Absalom sangin I sietna diu khawih ding ahi hi la: na pu mihaw hi pui inla, delh tiem u; khutilochun khuo kulh nei haw achun lut man khan tin, I muh phakloh u ah thahsuok khâi tiu,” a ti a.

DAN NIHNA 29:18

Khutilochun, na lak u ah pasal ahim, numei ahim, inkuon ahim, phung ahim zie nam pathiente ho ding chun a lunggil un tuhin Lalpa I Pathien u chuh kiheisan in, na lak u ah thil kha leh gamsai kehdawkna bulhaw hung um khapalh kha’n lau.

ZEKARIA 2:13

Mi cheng chengte haw, Lalpa ma achun thipkêi in um un. Amah chuh amun thiengtho a kipatin a hung kipan ta ngâla, ti’n va gen in, a ti a.

HABAKKUK 2:20

Himahleh, Lalpa chuh vang a Mun thiengtho ah a um a, a masang achun leisiet pumpi hi thipkêi in um hen!

AMOS 6:10

Mithi te inkawte, kivuihna a mawhpuo pa chun, a In apat in mithi guh chuh ladawk intin. A inkawte chun, nutsieh a um taphawtte chuh sun un tin uh, “Na kawmah mi dang a um nalai hi?” ti’n. Aw chun dâwng intin, “A um ta puoi,” ti’n dâwng ina. Chun, a inkawte chun, “Thipkêi in um ah, Lalpa min chuh I suoh loh dinguh ahi ngâla,” ti’n au.

JEREMIA 14:20

Aw Lalpa, ka pileputeu nunsiet zie teu hi ka phuong u a, na chungah ka hihkhiel ta ngâl u a.

SAM LEHKHABU THE PSALMS 39:2

Khutichun thipkêi in pau lo in ka uma, Phachuom lo hielin thipkêi in ka um a; Himahlele, ka lungkhamna chuh chawhthawh in a um zaw bawn a

DAN NIHNA 32:32

A grepgui u chuh Sodom grepgui leh Gomorra gama hung kipan ahi: A grep gah u chuh gu a dim ahi a, A gah bawk haw chuh khatna’n a dim a.

THIEMPUDANTE 10:3

Ziephet chun, Mosi’n Aron kawmah, “Ziehi Lalpa’n ana gen kha ahi, ‘Kuole, ei naih taphawt te kawm achun thiengtho in kilang ing ka ting, tichun, mipite masang achun limbawl a um ding ka hi,’” a ti a. Himahleh, Aron chuh thipkêi in a um a.

ISAI 47:5

Lalpa’n Babulon kawm achun, “Thipkei in thim lak ah chu’n la; namtin lengnu hun ti talo ding a hi ngâl u a!

JEREMIA 3:25

Zakcha’n kuol hitiu ie, I zahhuoi nau in ei khuh hen; Lalpa Pathien chung ah thil I hihkhiel u a, eihaw leh ei suon teu in I khangdawng lai u apat in tuni tieng hin Lalpa Pathien kamsuok I awih loh ziekun.

JEREMIA 14:7

Ka manlohnau chun ei phawlchil mahleh, na min ziekin Aw Lalpa, hung sem in; ka nungchawnnau a tam ta ngâl a; na chung ngêi ah thil ka hihkhiel ui, a tiu a.

JEREMIA 9:14

Himahleh, lochal tak leh amau deih bang taka a suonteu in a sinsak Baal chuh a delh zui zawk tâk ziekun.