JEREMIA 8:11 - PATHIEN LEKHABU THIENGTHO (BSI)

¹¹ Ka chanu ka mite liemna chuh ngaihsam takin, ‘Muonna, Muonna,’ ti’n a sudam u a, muonna a um hiel puoh ngâla.

JEREMIA 8:11 ပူးပေါင်းရင်းမြစ်များ

JEREMIA 6:14

Amau chun ka mite liemna chuh ngaihsam takin, ‘Muonna, Muonna,’ ti’n a gen u a, thamuonna a um hiel puoh ngâla.

SUNNA LA 2:14

Na thiemgaute kilâkna muh chu nanga dingin athawn leh ngawlhuoi thil ahi a. Nangmah hun siempha kit dingin na gitlohnate a sulang puou hi. Nanga dingin puokgik leh puihmang na diklote a hun muhsak ui.

MIKA 2:11

‘Uain leh zu luong ina,’ ti a zuou gen thiemgau vakvielte chuh zie mite thiemgau hi dinga kilawm phet ahiu hi.

EZEKIEL 13:22

“Mi diktat te lungthim chuh diklo takin na sulungkham u a, ahi’n, kei suklungkham chuh hilo ahi.Chun, a hinna humbit dinga gitlohna lampi apat a vaihkit lohna dingin migilote chuh na tîlkhoh zaw a.

1 LENGTE 22:13

Chun, thiemgau Mikaiah va sam dinga a sawlpau chun a kawmah, “Ngaitie, thiemgaute chun lungkiguol takin a phalam in leng kawma hin thu a gen chiet u a; a gen bang bang u chu hun gen inla, a phalam in hun gen in aw,” tin a gen a.

1 LENGTE 22:6

Khutichun, Ahab chun Thiemgau zali hiel a sam khawm a, a kawm u ah, “Ramoth-gilead do dinga va kuon ding ka him, va kuon lo ding?” a ti a. Amau chun, “Va kuon in, Lalpa’n leng khut ah pie ding ahi,” a tiu a.

1 THESSALONIKA 5:3

“Muonna leh bitna” ti a a gen lai tak uh leh, numei nauhanat bangin, phulo-halo in, manthaina a chungu ah hungtung intin; suokcha hiel puo’n au.

JEREMIA 8:15

Muonna I hawl u a, mahleh thilpha bang mah a hung tung puoi, ngaitie sukdam na hun ding le lungkhamna mai ahi.

JEREMIA 14:13

Chun, kei chun “E, Lalpa Pathien, ngaitie, a kawm u ah thiemgau ten, chemzâm tuok puo’n lau, kiel le thuok puo’n lau, zie mun ahin lungmuonna diktak hun pie zawng kau, a ti sek ui,” ka ti a.

JEREMIA 23:17

Lalpa thu musitte kawm achun, Nanga dingin pha’na, a ti sek ui, amau deih lam lochal taka hih hâm hâmte kawm achun, Thil phalo bangmah na chungah hungtung puo’n a,” a tiu a.