JEREMIA 7:9 - PATHIEN LEKHABU THIENGTHO (BSI)

⁹ Gucha kawm in, tuolthat in, zawlsai leh lepchieh a kihâksiel in Baal kawma gimlim hâl in pathien dang na hêtkhâk loh uh na ho u a.

JEREMIA 7:9 ပူးပေါင်းရင်းမြစ်များ

JEREMIA 7:6

Nam dang mite, pa neilote meithaite na bawlsiet loh u a, zie mun ahi mi dik thisan na suoh loh u a na sietna ding u a pathien dangte na delh diek loh u chun,

PAWTDAWKNA 20:3

“Kei lo chuh Pathien dang himhim na neih ding uh ahi puoi.

JEREMIA 11:17

“Sepaihte Lalpa nangmah hun phutpa chun, Israel inkuon leh Juda inkuon te gitlohna, Baal kawma gimlim hâla, ei suklungnat nau thil, amau sepdawk chunga thil phalo ding thu chuh a phuongdawk tai.”

JEREMIA 11:13

Aw Juda, na pathiente chuh na khawpi zah hielin a tam u a, thil zahchâk um tak, Baal kawma gimlim hâlna ding maichâm Jerusalem kawtthêl zah hiel na zahchâkna dinguh na siem tau a.

THUPHUON 22:15

Himahlele, khawpi pawlam achun, uichate, dawithiemte, kideihchak nuomte, tuolthatte, milim hote leh, a thu leh a thilhih uh a lepchiehte um un au.

1 LENGTE 18:21

Chun, Elijah chun mipi haw chuh a va naih a, “Lung-awpkai a bang chan a na um ding uh? Lalpa chuh Pathien a hih chun zui unla, chun, Baal chu Pathien a hih chun amah chu zui un,” a ti a. Mipite chun kam khat cha’n le a dâwng puou a.

THUPHUON 21:8

Himahlele, mi dawilawkte, gingchalote, kihdakumte, tuolthat te, mideihchak nuomte dawithiem te, milim hote, leh lepchieh chengcheng te chan ding chuh, mei leh kât a kâng dîl achun um ina; zie chuh thih nihna chuh ahi,” a ti a.

ROME 2:2

Khutibang thilhih sekte chunga Pathien thutanna chuh a dik hi tih I he ngâl u a.

MALAKI 3:5

Vaihawm dingin hung kit vak ding ka hi, dawithiemte, zawlsaite, lepchieh a kipautiemte chung leh, meithai leh chagah leh kithalakte lawh suchavai a, bawlsiete leh, gamdang mi nawhmangte leh, ei kihcha lote chung achun hetpihtu diktak hi ding ka hi, tih hi Bangkim hihthei Lalpa kamsuok ahi.

ZEPHANIA 1:5

A inchung a kaldawk a, nisa te, tha te, aksi hote chuh sumangthai vek ding ka hi. Kei ei ho a, ginum taka um dinga thutiem bawl a, himahlele, zie nunga chuh Milkom min a kihâksielna neite chule sumangthai vek ing ka.

EZEKIEL 18:18

A pa chu vang, nunsie taka mi a pawngbawl a, thagum a a suohpih pa a suom a, a mite laka thil gilo chuh a hih ziekin, ngaitie, a gitlohna zieka chuh thi ding ahi.

JEREMIA 44:3

Amau leh nang u leh na suonteu un le, pathien dang te a het khâkloh uh nasem ding leh, a kawm u a gimlim hâla ei sulungna dingin a thulimlohna teu a hih tâk ziekun.

JEREMIA 32:29

Chun, zie khawpi do ding Kaldai te chuh hung untin uh, zie khawpi hi hung hâl un tin, Baal a dinga gimlim a inchung a a hâl sek nau chuh katum ina; pathien dangte kawma dâwn ding thillat a butdawk sekna in u chule katum in a, ei suklungnatna ding un.

JEREMIA 13:10

Zie nam gilo, ka thu te ngaitha nuom lo a, amau haw lunggil tâk na bang a pathien dangte nasem leh ho dinga delh zuite hih zie kâwnggak bangmah a pang thei talo tawbang hi hung hi ding ahiu hi.

VAIHAWMTE 5:8

Israel te chun pathien dang a hun neih phet un, Gamsung achun kidona a hung um ta a; Israel mi sang sawmli lak achun phaw leh tiengcha chawi a um mawng um?

DAN NIHNA 32:17

Pathien hilo thitha haw kawmah, a kithawi ui, a het khâk loh uh pathien te kawmah, Tu naicha a hung um chauh pathien thak, Na pileputeu lauh khâk loh haw kawmah,

ISAI 1:13

“Na thilpiek hun chawih teu leh na thil gimlim chuh kei dingin kihdak-um ahi. Tha thakte, sabbath te, gilo kawma khawmpi guntak neih a kisapkhawm haw maimai chuh ka thuok thei ta puoi.

ISAI 58:2

Amau haw chun ni chengin ei ho sek u a, Ka lampi thute le het a nuom sek u a; diktat taka hih leh, a Pathien uh vaihawmna haihsan ngeilo namte bangin ka kawmah vaihawmna diktak ei ngên sek u a, Pathien hun naih le a utcha sek ui.

JEREMIA 1:16

Ei taihsan u a, pathien dangte kawmah gimlim a hâl u a; amau haw khutsuok ngêi a ho u a, a gitloh na hawu chengcheng chunga ka lunggel haw chuh phuong ing ka.

JEREMIA 5:7

Bangti’n ka hun ngaidam thei die? Na chate chun ei taihsan u a, pathien tak hilote sâm in a kipautiem u a; tai taka ka vak lai in le zawl a sai u a; nawhchizuok haw in ah a hawn hawn in a kikhawm sek ui.

JEREMIA 18:15

Himahleh, ka mite chun vang ei hengilh tau a, milim pathien haw masangah gimlim a hâl tau a. Ziehaw chun a chieh na lampi hawu achun a kisuih sak a, lampi lui u chuh zui lo in, lampi neu haw achun a chieh tau hi.

JEREMIA 19:4

Kei ei kiheimangsan u a, zie mun hi a subuok u a, amau leh a suonteu leh Juda leng te’n le a hêtkhâk loh uh pathien dangte kawmah gimlim a hâl ziekun leh zie mun hi pawi khawih lo thisan a a sukdim tâk ziek un.

JEREMIA 44:8

Na va chênnau Aigupta gama pathiente kawma gimlim hâl in, khawvel a nam cheng laka khenthak leh hansie dawl leh gensiet na hih na ding u leh, gawt chimit na hih na ding u a bang zieka na khut nasep ngêi u a nei suklungnat uh ahim?

JEREMIA 44:9

Na pileputeu nunsiet na leh a mipite thulimlohna leh na zi teu thulimlohna, Juda gam leh Jerusalem kawtthêl haw a a hih u haw kha na hengilh tau a ahim?

JEREMIA 48:35

Moab gamsung a kithawih na gancha thilpiekte leh pathiente a dinga gimlim hâlte haw chuh, sukmangthai sak ding ka hi Lalpa’n a tii.

EZEKIEL 5:11

“Khutichun, Lalpa Pathien chun ziehi a tii: Na buokna haw leh na tenumna hawa ka Ho-In na sukbuok ziekin, a hi’n a ka hin sung chuh, hun vat chap lemlum ing ka ting, sit hun nei lo hiela na chunga zahngaihna neilo ding ka hi.

EZEKIEL 23:39

A milim hawu dinga a chate a thah niu mah mah chun ka mun thiengtho subuok dingin a lut sek ngâl u a; ahi, khutichun ka in sung ngêi ah a hih sek u ahi.

HOSEA 2:13

Kei ei hengilh a, Baal kawma gimlim a hâl ziek leh, sana kicheinate a kithuoma a deihchakte a zuih zawk ziek chun gawt ding ka hi, tih hi Lalpa kamsuok ahi.

HOSEA 6:9

Suomhat te’n lampi a mi suom gu dinga chan sek bangun thiempu lawite chun Sekem lampi ah mi a that sek u a, ahi, thil gilo ahih tau hi.

AMOS 4:5

Chun, kipah thugenna kithawihnate chuh lân unla, nawp thu a thillat te chuh gen unla, phuong un: Aw Israel chate haw, ziehi na bawl nuom ngâl u a,” Lalpa Pathien chun a tii.

JEREMIA 5:2

Amau chun Lalpa chuh a hin zing bangin a ti nau a, lepchieh a kihâksiel ahiu hi.

EZEKIEL 20:30

Khutichun Israel inkawte kawm achun gen inla, Lalpa Pathien chun hiti hin a tii: Na pileputeu guola nangmau kisubuok in a tenumna lampi hawu a chuh petmang na hi tau maw?