JEREMIA 7:7 - PATHIEN LEKHABU THIENGTHO (BSI)

⁷ Malai apat a na pileputeu kawma ka piek na gam ahin kumlekhuo’n hun chen sak ding ka hi.

JEREMIA 7:7 ပူးပေါင်းရင်းမြစ်များ

DAN NIHNA 4:40

Zieziekchun, kumkhuo a dinga Lalpa na Pathien un a hun piek gama chuh nang u leh na suonteu na hung lamzan u a na chên sawt theihna dingun a dân haw leh a thupiek haw, tu a ka hun piek hi na zuih dinguh ahi,” tih hi.

JEREMIA 25:5

Zie thiemgaute chun, mi tin, amah gitlohna apat in hung vaikit u hen la, Lalpa’n na kawm u leh, nanguh hun suonte kawma malai apat a kumlekhuo a dinga a piek gam ahin cheng tau in;

JEREMIA 3:18

Zie nihaw achun Juda inkuon te chuh Israel inkuon te tawh umkhawm untin, mâllam apat in nanguh hun suonte kawmah goluoh dinga ka piek gam achun hung pawt khawm tan nau.”

2 KHANGTHUBU 33:8

thu ka piek chengcheng leh dân chengcheng te, thu guotte, thilhih ding te Mosi manga ka piek kha a zawp phawt u chun, a pileputeu ka pieksa gam apat chun Israel te nawhdawk phal puo’ng ka,” a na tihna Ho-In a chun amah siem, milim siemkawm a kawih a.

PAWTDAWKNA 22:22

Meithai ahim, naupang pa neilo ahim chuh na sukgimtheih ding ahi puoi.

JEREMIA 4:1

Aw Israel, na vaihkit chun kei kawm ngeia na hung vaihkit ding ahi Lalpa’n a tii. Na kihdak-um nate ka mitmuh a na kawih mang leh nang chuh sukmangthai hi puo’n la.

JEREMIA 35:15

Ka nasem thiemgaute chuh chawllo in na kawm u ah ka hun sawl a: na umdan gilo u apat in hung kihei kit unla; na lampiteu chuh hei zang unla, pathien dangte na sem kiu in; tichun na pileputeu kawma gam ka piek achun cheng un lau, ti’n; Himahleh na ngaihsak puou a, na zui diek puou hi.

ZEPHANIA 3:7

Tichun, ka mite chun ei limbawl tau un tin, ka thununna thute chuh pawm tau un tin; ka thuhilhna thute chuh hengilh ta puo’n au,” ka ti a. Himahleh, a umdan ngêi mah un a hung um kit pai tau hi!

ISAI 1:19

Thu-awi tak leh gen ngai taka na um u chun, na gam u a thilpha haw hi ne ding na hiu hi.

JEREMIA 26:13

“Zieziekchun, tuhin na lampiteu leh na thilhih teu siemphau unla, Lalpa na Pathien u chuh a thu zawp un; tichun, Lalpa’n na chung u a thil phalo hih dinga a gen sa chuh lunghei kit ding ahi.