JEREMIA 7:6 - PATHIEN LEKHABU THIENGTHO (BSI)

⁶ Nam dang mite, pa neilote meithaite na bawlsiet loh u a, zie mun ahi mi dik thisan na suoh loh u a na sietna ding u a pathien dangte na delh diek loh u chun,

JEREMIA 7:6 ပူးပေါင်းရင်းမြစ်များ

JEREMIA 13:10

Zie nam gilo, ka thu te ngaitha nuom lo a, amau haw lunggil tâk na bang a pathien dangte nasem leh ho dinga delh zuite hih zie kâwnggak bangmah a pang thei talo tawbang hi hung hi ding ahiu hi.

DAN NIHNA 8:19

Chun, hiti hi hi’n tin, Lalpa na Pathien chuh na hetngilh u a, pathien dang haw na zuih u a, a nau na sep u a, na ho himhim u chun mangthai ngêi ngêi ding na hiu hi tih tuni hin ka hun hetsak na hiu hi.

DAN NIHNA 11:28

Lalpa na Pathien thupiek uh haw hi na zuih loh u a, na hêtkhâk loh uh pathien danghaw na ho u a, chun, ka hun thupiek hi na petmangsan u chun chuh, nanguh a dingin gâusapna hiding ahi.

JEREMIA 2:34

Na puonchen nasan ah mi gimthei, thilsie bawllo te hinna thisan a bek hi. A hun buluh te na thah le hi sâm lo in,

JAKOB 1:27

I Pathien uh leh, Pa mitmuha sakhuo ho dân thieng leh kisubuoklo chuh ziehi ahi: nauchagah leh meithai a liengvaih lai uh a veh a, amah ngêi zie khawvel sietna lak apat a kisubuok lo a kikiengkawih hi ahi.

MALAKI 3:5

Vaihawm dingin hung kit vak ding ka hi, dawithiemte, zawlsaite, lepchieh a kipautiemte chung leh, meithai leh chagah leh kithalakte lawh suchavai a, bawlsiete leh, gamdang mi nawhmangte leh, ei kihcha lote chung achun hetpihtu diktak hi ding ka hi, tih hi Bangkim hihthei Lalpa kamsuok ahi.

JEREMIA 19:4

Kei ei kiheimangsan u a, zie mun hi a subuok u a, amau leh a suonteu leh Juda leng te’n le a hêtkhâk loh uh pathien dangte kawmah gimlim a hâl ziekun leh zie mun hi pawi khawih lo thisan a a sukdim tâk ziek un.

ISAI 59:7

A kengteu chuh thil phalo lam zuonin a suon u a; kin takin gitlohna neilote thisan a suoh sek ui. A ngaihtuohnau chuh manlohna lungthim ahi seka; a lampiu achun chigapna leh sietna aum hi.

DAN NIHNA 27:19

“ ‘Gam chuom mite, nauchagahte, meithaite chunga diklo taka vaihawm chuh gausap in um hen,’ ti’n tin un. “Chun, mipite chengcheng chun, ‘Amen,’ ana tih dinguh ahi.

DAN NIHNA 24:17

“Gam chuom mite leh nauchagahte chuh diklo takin vaihawm khum kiu inla, meithai puon chuh bat gâkna a na lak dinguh ahi puoi;

MATTHAI 27:25

Tichun, mipi chengcheng chun, “A thisan mawh chuh keihaw leh ka chateu chungah um hen,” ti’n a dâwng uh a.

MATTHAI 27:4

“Mi diktat thisan ka matsak kha thil ka hihkhiel ahi,” a ti a. Amau chun la, “Zie chuh kei uh dingin banga khawk? Nangin na lawh lawh kilawh ah,” a tih san u a.

EZEKIEL 18:6

lo-le-âi bawl muna a nek loh a, Israel inkuonte milim lam a ngat loh a, a invengte zi a sukbuok loh a, numei nîkbuok nei a naih loh a,

SUNNA LA 4:13

A thiemgaute leh thiempute gitlohna ziekin ahi a sung achun bangmah hihsie lote thisan chu a suoh ta a.

JEREMIA 26:23

Tichun, Aigupta gam apat in Uria chuh a puidawk u a. leng Jehoiakim kawmah a hun pui u a, amah chun chemzâm in a na that a, a luong chuh mi vantâng thân ah a vui tau hi.

JEREMIA 26:15

Kei nei suklup u leh vang nang u leh zie khawpi leh mipite chungah mi dik thisan phuba tunsak ngêi ding na hiu tih kihet un; diktak in zie thu haw hi na zak u a gen dingin Lalpa’n na kawm u a ei sawl ka hi ngâl a,” a ti a.

JEREMIA 7:5

“Na umdan u leh na thilhih teu chuh na siemphat tak tak u a, khat leh khat kikal diktaka na vaihawm u a,

JEREMIA 2:30

Na chateu ka zêp a la a phachuom puoh a; a phatpih diek puou hi. Sakeibaknei gawlham tak bang mai in na chemzâm teu in thiemgau te a that zo ta a.

SAM LEHKHABU THE PSALMS 106:38

Sietna neilote thisan, a chanuteu leh a chapateu thisan ngêi chuh a suoh tau a, Ziehaw chun Kanaan gama milimte kawmah a kithawi u a; Zie gam chuh thisan in a hung buok ta a.

2 LENGTE 24:4

pawikhawihlo thisan a suoh a, Jerusalem chu pawikhawih lo te thisan a a sukdim ziekin Lalpa’n a ngaihdam nuom loh ahi.

2 LENGTE 21:6

Chun, a chapate chuh mei ah a chieh pai saka, phunsân leh dawite a sin a, aisânthiemte leh, dawithiem te a guoi seka. Lalpa mitmuh a thil phalo huoisie tak, a lungnatna chawktho ding a hih seka.

THIEMPUDANTE 25:17

Na kithep dinguh ahi puoh a, himahleh, na Pathien chuh na kihchak ding ahi; a ziek chuh, kei hi Lalpa na Pathien uh ka hi ngâla.

JEREMIA 5:28

A hung thau u a, a hung zawl u a. Ahi, a nunsietna thilhih teu chun chintawk a he puou. Pa neilote lamzan na dingin dikna’n vai a hawm puou a, mi gimtheite te dinmun chuh a venbit sak puou hi.

JEREMIA 7:9

Gucha kawm in, tuolthat in, zawlsai leh lepchieh a kihâksiel in Baal kawma gimlim hâl in pathien dang na hêtkhâk loh uh na ho u a.

JEREMIA 35:15

Ka nasem thiemgaute chuh chawllo in na kawm u ah ka hun sawl a: na umdan gilo u apat in hung kihei kit unla; na lampiteu chuh hei zang unla, pathien dangte na sem kiu in; tichun na pileputeu kawma gam ka piek achun cheng un lau, ti’n; Himahleh na ngaihsak puou a, na zui diek puou hi.

EZEKIEL 22:7

Na sunga chun nu leh pate a musit u a, na sunga chun malzin a zawhthawh bawl u a, na sunga chun nauchagahte leh meithaite chuh a bawlsieu hi.

THIEMPUDANTE 19:33

“Chun, gamdang mi, na gam u a a chên u chun, na bawlsiet dinguh ahi puoi.

THUCHINGTE 23:10

Malai gamgi chuh chawnmang ki’n la, pa neilote lo achun le lut diek ki’n.