JEREMIA 7:34 - PATHIEN LEKHABU THIENGTHO (BSI)

³⁴ Tichun, Juda khawpi haw leh Jerusalem kawtthêl haw achun kipahna husate, lawpna thawmte, moneipa aw te, mo aw te chuh sudai ing ka ting, a gam chuh a hawma um ding ahi ngâla.

JEREMIA 7:34 ပူးပေါင်းရင်းမြစ်များ

THUPHUON 18:23

Thaumei vak le na sung ah vak ta puo’n tin; mo leh moneipa husa himhim le, na sung ah zak hi diek ta puo’n a. Na sumkawlveite chuh khawvel a mi thilhih thei pente ahiu a; na dawi thilhih in khawvel a mi chengcheng chuh na thêm sek ngâl a!

HOSEA 2:11

A lawpna chengte, a kut hunbi te, tha thakte, a chawlhni te leh a guol vak hunbi umsate chu suktawp sak ding ka hi.

EZEKIEL 26:13

Na lasak git haw suthip ing ka ting, Na kingkang git le het hita puo’n a.

JEREMIA 25:10

Tichun, amau a kipat lawpna thawm leh a lak u a kipahna thawmte. moneipa leh mo aw te, buh gawih thawm leh thaumei vakte la mang ing ka.

JEREMIA 16:9

Sepaihte Lalpa Israel Pathien chun hiti hin a ti ngâl a: Ngaitiem u, na mitmuh un, na damsung u hin mo aw te, moneipa aw te, kipah thawmte, lawpna thawmgi te chuh zie mun ahin suhai ing ka.

ISAI 1:7

Na gam u chuh a hawm zo ta a; na khawpiteu chuh mei in a katum zo a, na mit muh ngêi un na gam u chuh gamdang mite’n a la zo u a, a hihsie zo tau hi.

THIEMPUDANTE 26:33

Chun, nam dangte lak ah hun thehzak ing ka ting, ahun delh dingin chemzâm chuh zûk dawk ing ka; tichun, na gam u chuh a hawm in um intin, na khawpiteu chuh suksiet sa a nutsieh in um ina.

MIKA 7:13

Himahlele, lei chuh, a chunga mi nunsiete ziek chun a hawm a nutsieh a um ding ahi.

JEREMIA 4:27

Lalpa’n hiti hin a tii, Gam sung pumpi chuh hung hawm suok intin, mahleh sukmangthai vek hi puo’n a.

ISAI 3:26

A kulh kawtkhakteu achun a âwm uh kichup in kap untin; khawpi chuh hawmngawn a um in, leituol ah chu’n a.

JEREMIA 33:10

Lalpa chun hiti hin a tii: zie mun, Juda khawpi, mi leh sa um talo a hawm na tih nau mun, Jerusalem khawlai ning tin, nutsieh san leh a sunga mi leh sa umlohna ahin.

ISAI 6:11

Tichun, ken a kawmah, “Bang chan ahi die Lalpa?” ka ti a. Amah chun ei dâwng a, “Khawpite hi mihing umlo hiela a hung hawma, Inte hi a cheng ding umlo khawpa, gam pumpi suksiet dimdem a a um a, a hawma nutsieh ahih ma cheng.

SAM LEHKHABU THE PSALMS 78:63

A tangval teu chuh mei in a katum a; A nungak teu chun kichênna la mawng mawng a nei ta puou hi.

JEREMIA 22:6

Lalpa chun Juda lengte inkuon chungchâng chuh hiti hin a gen a; Kei a dingin nang chuh Gilead tawbang leh Lebanon tângsip tawbang na hi. Himahlele gamgaw hun suoh sak ing ka ting, a luoh ding umlo tawbang hiel in hun siem ding ka hi.

JEREMIA 27:17

Amau haw chuh ngaitha hiel kiu in, Babulon lengpa na sem un la, tichun hing un lau; bang zieka zie khawpi hi a hawma um ding ahim?

JEREMIA 44:6

Zieziekchun ka lungnat na leh ka thangtawm na chuh Juda khawpi haw leh Jerusalem kawtthêl haw achun ka sungtha a, a kuong ta a, tuni a a um guol hin a hawm a um in luoh loh in a um tai.

SUNNA LA 5:14

Khawpi kawtkhak achun upate a chu ta puou a; Tangvalte’n le a lasak uh a haihsan tau hi.

JOB LEHKHABU THE BOOK OF JOB 3:7

Ahi, zie zan chuh zan thawmhau hung hi hen la, Kipaka kiko aw zak hi kihen.

JEREMIA 4:26

Ka vak en a, chun ngaitie, gam gahsuoh haw chuh gamgaw a suok zo ta a; khawpi cheng le Lalpa masang achun a chim zo ta a, a lungnat na tizat-um tak masang achun.

JEREMIA 33:11

Lawpna aw te moneipa aw te, mo aw te tawh, Lalpa In a kipahthu genna thilpiek hun chawi kawm in “Sepaihte Lalpa chuh pakchau un, Lalpa chuh apha ngâla, A zahngaihna chuh kumlekhuo’n um ding ahi ngâla” ti a hun gen ding ahiu a, A tunga a um bang bang in gam chuh tungdawk kit ding ka hi ngâla, tih hi Lalpa kamsuok ahi.

EZEKIEL 7:11

Kipawngbawlna chuh nunsietna mawlh a suok ta a; kuomah um ta puo’n au, a thawm ahim, a neihzawh nau ahim le kuoma’n it puo’n au.

HOSEA 2:13

Kei ei hengilh a, Baal kawma gimlim a hâl ziek leh, sana kicheinate a kithuoma a deihchakte a zuih zawk ziek chun gawt ding ka hi, tih hi Lalpa kamsuok ahi.