JEREMIA 7:31 - PATHIEN LEKHABU THIENGTHO (BSI)

³¹ A chanuteu leh a chapa teu hâl dingin Hinom guom achun Topheth mun sang haw chuh a siem u a, ziehaw chuh ka thupiek ahi puoh a, ka lungthim ale a um kha puoi.

JEREMIA 7:31 ပူးပေါင်းရင်းမြစ်များ

2 LENGTE 23:10

Chun, leng Josia chun, kuoma’n a chapau ahim, a chanuu ahim, Molek pathien kawma kithawihna dinga a piek lohna dingun, Ben-hinnom guoma milim pathien hona, Topheth chu a hihbuok sak a.

JEREMIA 32:35

Chun, Ben-Hinom guom ah Baal munsangte chuh a sau a, a chanuteu leh a chapateu Molek kienga, mei a chieh pai a a paih theihna dingun; ziehi ka thupiek le ahi puoh a, ka lungthim ale ka gel kha diek puoi, Judate thil gilo bawl sak a nawp ziekuh ahi.”

2 LENGTE 17:17

Chun, a chanuteu leh a chapateu chu, milim pathien kawma hâlmanga kithawihna dingin a pieu a, aisânthiemte leh vang ente a dawng u a; Lalpa mitmuh a thil gilo hihin a kimangzo tau a, tichun, a lungnatna chu a chawktho tau hi.

THIEMPUDANTE 18:21

Molek pathien hona dinga na chate na piek loh ding ahi; zie chun, Lalpa na Pathien min susie ding ahi ngâl a. Kei hi Lalpa chuh ka hi.

EZEKIEL 16:20

“Zielo chun le, na chanute na chapate nei hin sak haw chule kithawihna a mat zawh dingin a kawm u ah na pie a. Na hûkna hi thil namai ahi a ahim,

2 KHANGTHUBU 33:6

Hinnom chapa luiphai achun a chapa te chu hâlmanga kithawihna dingin a pie; a Phunsân te a chîng a, dawite a mang a. Khutlam-ente leh dawithiemte a guoi sek a. Lalpa deihloh lam gitloh na nasa tak hih in a sulungna ta a.

2 KHANGTHUBU 28:3

Hinom luiphai ah gimlim te a hâla, Lalpa’n Israel te masanga a nawhdawk tâk nam te’n thil kihdak-um tak a hih sek bangun a chate chu hâlmang thillat in a pie a.

DAN NIHNA 12:31

Amau in a pathienteu a ho dân u a Lalpa na Pathien u chuh na ho dinguh ei puoi; a pathienteu a ho tieng u leh Lalpa ngaih a thil tenum tincheng leh a hawt lam tak haw chuh a hih sek u a; a chapateu a chanuteu ngêi chuh a pathienteu dinga meia a hâl sek ziekun.

DAN NIHNA 17:3

Thu ka hun piek kalh a pathien dangte na a sep a, nisa ahim, thapi ahim, van lam thilte ho a;

2 LENGTE 23:20

Tichun, zie taka milim thiempute chu, a nasepnau maichâm chung chiet achun a that a, maichâm chung chiet achun mihiem guhte chu a hâl a. Tichun, Jerusalem ah a chieh kit ta a.

JEREMIA 19:2

Harsith kawtkhak lutna bula Ben-hinnom guom achun chieh in la, zie tak achun na kawma thu ka hun hilh ding hi phuong in.

JOSHUA 15:8

Chun, gamgi chuh Hinnom chapa phaicham Jebus te gam sik simlam (zie chuh Jerusalem ahi) tiengin a chieh to a; chun, gamgi chuh Hinnom tumlam pang phaicham a um tângsip ah a chieh to a, zie chuh Rephaim mâllam pang phaicham tâwp kei ahi.

ISAI 30:33

Tuma lam apat in Asuria leng meia hâlna ding chuh guonggalh khawlsa a hi ta ngâl a. Thuk tak leh lien tak leh, thing kisieh vum velvul a hi a. Lalpa’n zie hâlna ding chun a kawm apat in mei thahdawk in a.

ISAI 57:5

Gangpi bul tin leh thing hing nuoi tin ah na kipawlthanghuoi u a; phaicham leh suongpi kek kal haw achun na chateu kithawihna dingin na pie sek u a.

JEREMIA 2:23

Ka kisubuok puoh a, Baal pathien le ka delh puoi, bang ti a ti thei na him? Phaicham a na nung chang chuh en inla, na thilhih sa haw chuh kihet in. Sangawngsau tuoi hûk tai viel viel tawbang phet na hi.

EZEKIEL 20:26

Kithawihna a cha lutîl mei laka paih luta amau leh amau kisubuok in ka um sak ta a, lauhna a a hung dim u a, a tâwp leh Lalpa chuh ka hi tih a hun het theihna dingun.

EZEKIEL 20:31

Thilpiekte na piek u a na chateu meia na paih lut tieng u leh tuni chan hin na milim hawu achu nangmau leh nangmau kisubuok na hi ngâl u a. Nang haw’n thudawt a neih dinguh ka hi a ahim, Aw Israel insung mite haw? A hin a ka hin sung chuh nang haw dawt in um puo’ng ka, Lalpa Pathien chun a tii.

MIKA 6:7

Belam sang khat ahim, olive thau luong kang lo khawp chawih in, Lalpa chuh a kipâk dinga ahim? Ka gitloh tatna dingin ka cha lutîl chuh pie’n, ka thagau sukkhelh ziekin ka taksa gah chuh pie ding ka him?

DAN NIHNA 18:10

Na lak u a kuole, a chapa ahim, a chanu ahim kithawihna a meia hâllup chîngte, aisân chîngte, phunsân chîngte,

JEREMIA 32:34

Ka min chuonna In chuh subuok ding a thil kihdak-um teu chuh a kawih zawu a.