JEREMIA 7:25 - PATHIEN LEKHABU THIENGTHO (BSI)

²⁵ Na pileputeu Aigupta gama ka puihdawk ni apat tuni tieng hin ka nasem thiemgau te nichenga chawllo a, na kawm u a ka hun sawl sek kha.

JEREMIA 7:25 ပူးပေါင်းရင်းမြစ်များ

JEREMIA 25:4

Lalpa’n na kawm u ah a nasem thiemgaute a sawl sek a, zingkal vaima taka tho in a hun sawl a, himahleh, na ngaitha puou a, za dingin na bil u le na dawh diek puou hi!

2 KHANGTHUBU 36:15

Lalpa a pileputeu Pathien chun amau haw leh Ho-In chu humbit a nawp ziekin, a hilhgaih dingin thiemgau te a sawl zel a.

EZEKIEL 2:3

Chun, ka kawmah, “Mihing chapa, kiphin hât Israel chate, ka chunga hel sekte kawm achun ka hun sawl na hi: amau leh a pileputeu in le tuni chan gei hin ka chungah a bawhsie sek u ahi.

JEREMIA 7:13

Tuhin, zie thil haw cheng hi na hih u a, chawllo a na kawm u a thu ka gen te hi na ngaih takloh u a, ka hun sap a le nei dâwn loh ziek u hin Lalpa’n a tii.

NEHEMIA 9:26

“Himahlele, thu awilo in na chungah a kiphin u a; na dân a nungngat u a, nang lam a hun puihkit guo thiemgaute chuh a that u a, lungnat um takin thil a hih u a.

NEHEMIA 9:30

Himahleh, kum tamtak amau haw na ngaitha a, na thagau in thiemgaute mang in na hilh seka; himahlele, a nakhang uh a sungawng u a, zieziekchun, a gama mite khut achun amau chuh na pie ta a.

EZRA 9:7

Ka pileputeu hun apat a tuni tieng hin ka gitloh nau chuh a nasa mah mah hi. Ka gitloh ziek un ka leng teu leh ka thiemputeu pum in gamdang mite khuta piek ka hiu a, chemzâma satlup leh sala puih leh gâllâk a lak leh zahhuoi na ka tuok tau hi, tunia ka um bang u hin.

DAN NIHNA 9:7

“Gamthip a Lalpa na suklungnat sek dân u kha hezing unla, hengilh kiu in; Aigupta gam apat na pawt niu apat a zie mun hi na hung tun chan u khan Lalpa chungah na hel zing ngâl u a.

LUKE 11:49

Zieziekchun, Pathien Thupil inle: ‘A kawm u ah thiemgaute leh thupuo te sawl ing ka ting, khenkhat chuh that untin, khenkhat chuh a na sugimthei un au,’

2 KHANGTHUBU 24:19

Himahleh Lalpa’n a kawma puikit dingin a kawm u ah thiemgaute a sawl a, a dikloh zieu a hetsak u a, himahleh a bil uh a dawh nuom diek puou hi.

ISAI 5:4

Ka grep huon a hin ka hihsa tihloh banga hih beh naklai ding? Grep gah phatak gah dinga ka kinep mai zên tawh, bang zieka grep lêm ngen hung gah mai ahi ta?

JEREMIA 11:7

Nanguh hun suonte Aigupta gam apat a ka puihdawk ni apat tuni tieng hin ka pau kamsuok zawp un, ti’n zingpi a tho in amau haw chuh phachuomngai takin ka hilh seka.

JEREMIA 25:3

“Kum sawmnih leh kum thum sung zet, Judate leng Amon chapa Josia vaihawm, kum sawm leh kum thumna apat tu tiengin, Lalpa thu chuh a hungtung a, chawllo in na kawm u ah ka gen sek a, himahleh, na ngaitha puou a.

JEREMIA 29:19

Zingkal a vaima taka tho a, ka suok thiemgau manga ka thugente na khawksak uh a, na ngaihthak nawp loh ziekun tih hi Lalpa kamsuok ahi.”

JEREMIA 35:14

Rekab chapa Jonadab in a chapate thu a piek uain dâwn loh ding thu chuh tuni tieng hin a zawp u a. amau haw laka khat cha’n le uain a dâwn puou hi. Amau chun a pau thupiek chuh a zuih zing ziekun; kei vang in na kieng u ah zingpi a tho in ka gen zinga, ahih ziekin ka thugen na ngaihsak puou hi.

JEREMIA 35:15

Ka nasem thiemgaute chuh chawllo in na kawm u ah ka hun sawl a: na umdan gilo u apat in hung kihei kit unla; na lampiteu chuh hei zang unla, pathien dangte na sem kiu in; tichun na pileputeu kawma gam ka piek achun cheng un lau, ti’n; Himahleh na ngaihsak puou a, na zui diek puou hi.

JEREMIA 44:4

Khutisa chun le, ka nasem thiemgaute chuh na kawm u ah chawllo in ka hun sawl a, a kieng u ah, ‘Zie thil kihdak um, ka hawt lam tak hi chuh hih ta kiu,’ ti’n.

HOSEA 12:10

“Thiemgaute kawm ale thu ka gen sek a, kilâkna tamtak le ka muh sak sek a. Thiemgaute mang in ka mite vaulawkna ka nei sek ahi.

AMOS 2:11

Chun, na chateu laka khenkhat chuh thiemgau hi ding leh khenkhat Nazarit-mi hi dingin na tangvalteu laka khenkhat chule ka siem a. Aw Israel chate haw! khutibang chu hilo ahim? Lalpa’n a tii.

MALAKI 3:7

Nanguh hun suonte hun a kipat khan, ka thuguot te na kiheimangsan u a, zuih le na zui kha puou ui! Ka kawmah hung vaikit un la, tichun, Keile na kawm u ah hung vaikit ing ka, Bangkim hihthei Lalpa’n a tii. Nang haw chun la, ‘Bang haw ahin ahim ka hung vaihkit ding uh?’ na tiu a.

HOSEA 11:7

Ka mite chun ei kihei mangsan guo zing u a. A chung u a namkawl kibat ziek chun Chungnung pên pa chuh sam untin, mahleh kuoma’n lakthak sak puo’n a.