JEREMIA 7:24 - PATHIEN LEKHABU THIENGTHO (BSI)

²⁴ Mahleh, a ngaitha puou a, a bil u le a dawh diek puou a; a lungthim gilo uh sukkhauh in amau thu thu’n a um zaw tau a, malam zawt sangin a nungchawn zaw tau hi.

JEREMIA 7:24 ပူးပေါင်းရင်းမြစ်များ

JEREMIA 8:5

“Bang zieka zie mipite hi kumlekhuo a nungchawn dinga kipuk den ahi tau hi? Thepna a tuchak kêi u a, vaihkit a nuom puou hi,

JEREMIA 7:26

Himahleh, ei ngaitha diek puou a, a bil u le a dawh diek puou a; a lunggil uh a sukhauh u a, a pileputeu sang khan a gilo zaw tau hi.

DAN NIHNA 29:19

Zie tawbang mi chun zie kihâksiel khum thuthun thu haw hi a het tieng leh amah leh amah kihamphat intin, ‘Ka ut dân dân in, lochal takin, um zing leng le bangmah ti puo’ng ka,’ ti’n, ngaihtuoh ina. Zie chun na bawn u a hun susie ding ahi, mi pha le mi phalo le.

EZEKIEL 20:13

Himahleh, Israel insung mite chuh thalek a khan ka chungah a hel u a, ka dân siem haw chuh a zui puou a, ka thutanna haw, min a zuih a a hinlawh ding hawu chuh a musit u a, Sabbath haw le nasa takin a bawhsieu a; khutichun, thalek achun amau hih mangthai dingin ka lungnatna chuh a chung u ah ka sungtha mai die aw, ka ti a.

JEREMIA 32:33

A mai lam uh hilo in a nung lam uh ei ngat u a; hailo in amau haw sinsak mahleng sinsakna lasawn dingin a ngaitha nuom puou hi.

HOSEA 4:16

Israel mipite chuh sabiltung genhak tawbang in a genhak u a, bangti’n a belamno hampa phatna muna um tawbanga ka vak theih ding?

EZEKIEL 20:21

Ahih ziekin a chateu chuh ka chungah a hel u a. ka dân siem haw chuh a hawh puou a, ka thutanna haw, mi’n a zuih a a hinlawh ding hawu chuh zui dingin a vawp diek puou a; ka chawlhni haw chuh a bawhsie zaw tau a; khutichun ‘a chung u ah ka lungnatna chuh buntha’ng ka ting, thalek ahin a chung u a ka lungnat dân takin sawisa di’ng ka’, ka na ti hiel a.

EZEKIEL 20:8

“Ahih ziekin ka chungah a hel u a ei limsak puou a. Mitin in thil tenum a etlah hawu chuh a paihmang puou a, Aigupta milim haw chuh a kiheimangsan diek puou hi. ‘A chung u a ka lungnatna butthaka, Aigupta gamsung ngeia chuh ka lungnat dân taka sawisak ding ahi tam’, ka na ti hiela.

JEREMIA 15:6

Nangin nei paih tha a, na nungtawlh zel a tih hi Lalpa kamsuok ahi. Khutichun, na chungah ka khut ka tha a, ka hun sumangthai a, kisik hi ka chim tai.

JEREMIA 3:17

Zie tieng chuleh Jerusalem chuh Lalpa lalchutphah min vawh untin, zie chun nam chengcheng chuh Lalpa min in Jerusalem achun hung khawm untin, a lunggil uh lung khauh na bang chun chieh ta puo’n au.

JEREMIA 2:27

Thingbul kawmah, “Ka pa na hi,” a tiu a. Suong tum kawmah, “Ei hingpa na hi,” a tiu a. Ei nungngat u a, himahleh, a buoi tieng u leh, tho inla ei hukdam in, tin au.

NEHEMIA 9:29

Chun, na dân lama na puihkit theih na ding in na hilhgaih seka; himahleh, chapo takin thil a bawl u a, na thupiek chuh a zui puou a, na vaihawmna kalh in thil gilo ahih u a (mi’n a hih leh a chîn den ding chuh) a chapo u a, a kisuluhlul u a, a ngaitha nuom puou hi.

EZEKIEL 20:16

ka thutanna haw a muhsit u a, ka dân siem haw a zuih loh u a, ka Sabbath haw a bawhsiet zawk ziekun; a lungthim un a milim pathien hawu a lunggulh ngâl u a.

JEREMIA 23:17

Lalpa thu musitte kawm achun, Nanga dingin pha’na, a ti sek ui, amau deih lam lochal taka hih hâm hâmte kawm achun, Thil phalo bangmah na chungah hungtung puo’n a,” a tiu a.

JEREMIA 9:14

Himahleh, lochal tak leh amau deih bang taka a suonteu in a sinsak Baal chuh a delh zui zawk tâk ziekun.

JEREMIA 13:11

Kawnggak chuh mi kâwng a a kigak zing bang hin, Israel inkuon pumpi leh Juda inkuon pumpi hi ka mite leh ka minphatna leh ka hawihna leh ka lopina a hung hih theihna dingun ka kawma um dinga ka siem ahiu; himahleh, ka thu a zawp ta puou hi.

JEREMIA 16:12

Chun, nangun na pileputeu sanga phalo zaw’n na bawl u a. Ngaitiem u, mitin in amah lunggil tak na bang zel a um in, kei thu na ngaitha puou ui.

JEREMIA 17:23

Himahlele, amau in a ngaitha puou a, a bil uh le a dawh diek puou a; thununna thu chuh a muh uh a, a het lohna dingun a lunggil uh a sukhauh zaw ngâl uh a.

JEREMIA 18:10

Ka kamsuok ngaitha lo a, ka mitmuh a thil phalo ahih u chun amau dinga thilpha hih ka guot chuh haihsan ing ka.

JEREMIA 18:12

Himahlele, amau chun, kinep a um puoi, ka lemguot dân chiet un um ka ting un, mitin amah lunggil gitlohna bangin bawl ung kau,” ti’n au.

JEREMIA 35:15

Ka nasem thiemgaute chuh chawllo in na kawm u ah ka hun sawl a: na umdan gilo u apat in hung kihei kit unla; na lampiteu chuh hei zang unla, pathien dangte na sem kiu in; tichun na pileputeu kawma gam ka piek achun cheng un lau, ti’n; Himahleh na ngaihsak puou a, na zui diek puou hi.

HOSEA 10:6

Amah ngêi chule lengpa Jareb kawma piek dingin Asuria gama chiehmang pih hi’n a: Ephraim chuh sukzahchak hi’n tin, Israel chun amah thu pun ngêi chuh zahpih ina.

MIKA 6:16

Leng Omri leh a chapa leng Ahab thilhih sekte na zuih ziekun, zie thil haw hi na chungu ah hungtung ina. A lemguot hawu chuh na sunzawm u a, zieziekchun, na chungu ah sietna hun tunsak ka ting; tichun, mi chengin hun musit un tin; muntin a mite chun musit takin hun bawl un au!” Chun, ka mite minsiet na chuh puo’n la, ti’n.

SAM LEHKHABU THE PSALMS 81:13

Aw, ka mite hin ka thu ngaithau henla, Israel hi ka lampi ah chieh maizen le chu aw!

JEREMIA 3:13

Lalpa na Pathien chunga na kiphin nate, thingbawk nuoi tin chenga gamdang mite a dinga na kiphal nate leh ka kamsuok na zawp loh na haw chuh thupha chawiin Lalpa’n a tii.

JEREMIA 6:16

Lalpa chun hiti hin a tii, “Lampi pang haw achun ding unla en un. Lampi pha umna lamluite chuh dawng un la, zie tak achun chieh unla, na thagau u a dingin chawlhna mu’n lau,” ti’n. Himahleh, amau in vang, “Zie lampi chuh hawh puo’ng kau,” a tiu a.

JEREMIA 13:10

Zie nam gilo, ka thu te ngaitha nuom lo a, amau haw lunggil tâk na bang a pathien dangte nasem leh ho dinga delh zuite hih zie kâwnggak bangmah a pang thei talo tawbang hi hung hi ding ahiu hi.

JEREMIA 17:9

“Lunggil hi thil chengcheng sanga thep hatpen, sie tâwp khawk a hi a; kuo a hethiem thei ding?

JEREMIA 22:21

Na lawhtit ni’n na kieng ah thu ka gen a. Nang chun la ngaitha puo’ng ka, na ti a. Ka aw na ngaithak loh hih na khangdawng lai apat ziehi na umdan ahi.

JEREMIA 32:23

A hunglut u a a luoh tau a; himahleh, na kamsuok a nit puou a, na dân le a zui diek puou a, hih dinga na thupiek haw le a hih puou a, zieziekchun, zie thil phalo haw cheng hi a chung u a na tunsak ahi hi.

DANIEL 9:6

Na suok thiemgaute’n, ka lengteu leh ka lawiupateu kawm leh nam mipite kawma na min a a thugenteu chu ka na ngaitha ta puou a.

ZEKARIA 7:11

“Himahleh, ka mite chun a ngaitha nuom puou a, a lochal u a a zak theih lohna dingun, a bil uh ahim u a.