JEREMIA 7:23 - PATHIEN LEKHABU THIENGTHO (BSI)

²³ Ka aw ngaithau inla, na Pathien uh hing ka ting, nang u le ka mite hin lau. Na Pathien a dingun na umdan dinguh ka hun hilh cheng hi zawp un, khutileh, nanguh a dinga pha ding ahi, ti a thu ka piek zawk ahi.

JEREMIA 7:23 ပူးပေါင်းရင်းမြစ်များ

PAWTDAWKNA 15:26

“Lalpa na Pathien u aw hi guntaka na ngaihthak u a, a mitmuha pha a sak dante na hih u a, a thupiekte na ngaihsan u a, a thuguot chengcheng na zawp u chun, Aigupta mite chunga hipi ka len sak haw bang khah nang haw chung ahin lênsak hiel puo’ng ka: kei Jehovah Rafa ka hi ngâla,” a ti a.

DAN NIHNA 5:33

Na valuoh dinguh gama chuh na um u a, na hung lamzan u a, na dam sawt theihna dingun, Lalpa na Pathien un thu a hun piek chengcheng chuh na zuih suok kêi dinguh ahi.

JEREMIA 42:6

Asie hileh apha hileh ka hun sawl nau Lalpa ka Pathien uh kamsuok chuh zui tei tei ing ka ting uh; ka Pathien uh kamsuok ka zuih u chun kei u a ding in phat theih na ding ahi,” a tiu a.

HEBRAI 5:9

Tichun, bukim taka a um nung in, a thu zawpte chengcheng dingin, hukdamna bulpi a hung hi tai.

DAN NIHNA 6:3

Zieziekchun, Aw Israel mite haw, na hung lamzan u a, na pileputeu Lalpa Pathien in a hun na tiem guola khuoizu leh bâwngnawi luonna gama chuh nasa taka na hung pun theihna dingun ngaithau inla, gunchuh taka zui dingin chingthei un.

DAN NIHNA 30:20

Lalpa na Pathien u hehpih a, a aw ngaitha a, amah tudeta na um theihna dingun; amah chuh na hinnau, na damsawtnau ahi ngâla; khutichun na puteu Abraham leh Isak leh Jakob te kawma kihâksiela piek a tiem gam achun um ding na hiu hi,” a ti a.

DAN NIHNA 13:4

Lalpa na Pathien u chuh na zuih u a, amah chuh na lauh u a, thupiek haw chuh na zuih u a, a thugen haw chuh na pawm u a, a na na sep u a, amah chuh na tûk det zing dinguh ahi.

JEREMIA 11:4

Zie chuh na pileputeu Aigupta gama thik hâltuina mei apat a ka puih dawk ni a ka kamsuok ahi, ka thu zawp unla, ka thupiek chengcheng chuh zawp un, ti a ka thupiek chuh ahi. tichun ka mite hi’n na tin un, keile nang u dingin Pathien hi’ng ka.

DAN NIHNA 5:29

Zie bang lungthim chuh pu sek leu aw, ei lau intin un, ka thupiek haw chuh zui zing intin un, amau leh a chateu haw le kumkhuo a lamzang ding ahiu a!

2 KORINTH 10:5

Pathien hetna kalh lam a dodalna hung pawt taphawtte chuh ka hihchim sek uh a; ngaihtuohna tincheng chuh Krista thu awihna lam ah ka pui sek uh a.

DAN NIHNA 30:2

Lalpa na Pathien lam uh na vaihkit u a, tu a thu ka hun piek guola hi nang u leh na chateu in na lungthim chengcheng u leh na lunggil chengcheng u a a aw na zuih tieng u leh,

JEREMIA 11:7

Nanguh hun suonte Aigupta gam apat a ka puihdawk ni apat tuni tieng hin ka pau kamsuok zawp un, ti’n zingpi a tho in amau haw chuh phachuomngai takin ka hilh seka.

DAN NIHNA 30:8

Ahih ziekin, na hung kihei kit u a, Lalpa thupiek chuh na zuih kit u a, tunia thu ka hun piek a thupiek chengcheng hi na zuih kit dinguh ahi.

ROME 16:26

Tuhin, zie thudik tak kiselgu chuh, kumsawt Pathien thupiek dungzui in, thiemgaute’n, a na zik hawu chuh hung kihawm zak in, mitin in a ginchak u a, a zawp theihna dingun namtin kawmah hetsak ahi tai.

DAN NIHNA 4:10

chun, Horeb tânga Lalpa na Pathien uh masanga na din u a, Lalpa’n ka kawma, ‘Mipite chuh ei sap khawm sak in, lei chunga a um sung cheng u a ei lauh dân a het theihna dingun leh a chateu a sinsak theihna dingun ka thu haw a na hetsak ing ka,’ ei tih ni kha le hengilh kha’n lau.

JEREMIA 31:33

Chun, ziehaw zawh nunga Israel inkawte tawh thugawlh thak ka siem ding chuh ziehi ahi, Lalpa’n a tii: A lunggil u ah ka thupiek kawih ing ka ting, a lunggil uh a le zik ing ka. Kei hi a Pathien uh hi’ng ka ting, amau haw chuh ka mite hita’n au.

DAN NIHNA 11:27

Lalpa na Pathien u thupiek tu a ka hun piek haw hi na zuih u chun, nanguh a dingin vangsakna hi’n tin;

DAN NIHNA 5:16

“ ‘Lalpa na Pathien in thu a hun piek guolin na nu leh na pa zahbawl in; khutichun, Lalpa’n gam a hun piek ahin lamzang in na tin, dam sawt ding na hi.

PAWTDAWKNA 16:32

Chun, Mosi’n “Ziehi ahi Lalpa’n, ‘Ziehi na suonteu chanin Omer khat vawpphau in; Aigupta gam apat a ka hun puihdawk lai a, gamthip a ka hun vak sek na chângthâk chuh a hun muh theihna ding un,’ ti a thu a piek chuh,” a ti a.

1 SAMUEL 15:22

Chun, Samuel chun, “Lalpa thu zuih a a kipah guolin hâlmang thilpiek leh kithawihna haw hi Lalpa’n a kipahpih a ahim? Ngaitie, kithawihna sangin thu-awih a phazaw a, belamchal thau sangin a thu awihna chu a phazawi.

SAM LEHKHABU THE PSALMS 40:6

Kithawihna leh thillat chunga hin kipahna himhim na nei puoh a; Ka nakhang haw hi nei hih hawn sak ta a: Hâlmang thilpiek leh gitloh dinga thilpiek chuh na ngek puoh a.

SAM LEHKHABU THE PSALMS 81:13

Aw, ka mite hin ka thu ngaithau henla, Israel hi ka lampi ah chieh maizen le chu aw!

ISAI 3:10

Mi diktat ding chun thil hung pha ding ahi a, a sep dawk gahteu chuh ne ding ahi ngâl u a.

JEREMIA 13:11

Kawnggak chuh mi kâwng a a kigak zing bang hin, Israel inkuon pumpi leh Juda inkuon pumpi hi ka mite leh ka minphatna leh ka hawihna leh ka lopina a hung hih theihna dingun ka kawma um dinga ka siem ahiu; himahleh, ka thu a zawp ta puou hi.

JEREMIA 22:3

Lalpa chun hiti hin a tii; Diktak leh thudik in vaihawm un la, sugimtheite khut a gimtheihna thuokte chuh hukdawk unla, chun, gamdang mite, pa neilote leh meithaite chungah diklohna ahim, hiemngam na ahim chîng kiu in; zie mun ahin mi diktat thisan le hun suoh diek kiu in.

JEREMIA 24:7

Tichun, Lalpa ka hi tih ei hetna dingun lungthim pie’ng ka ting, tichun, ka mite hiu intin, Kei a Pathien uh hi’ng ka ting; a lunggil tak tak uh pum in ka kawma hung vaikit ding ahi ngâl uh a.”

JEREMIA 38:20

Himahlele, Jeremia chun, “Amau haw khuta piek hilo ding na hi, na kawma ka gen, Lalpa aw hi ngai mai in, khuti leh nanga dingin pha’n tin, na hinna le hawih a um ding ahi,” a ti a.

ZEPHANIA 3:2

Lalpa thu a ngaitha nuom puoh a, a thamuonna a deih diek puou a. Lalpa chuh a taksang puou a, a Pathien lam a naih puou hi.

ZEKARIA 6:15

Chun, gamla taka umte chuh hung un tin, Lalpa Ho-In sak kit na achun hung panpih un au. Tichun, Bangkim hihthei Lalpa chun ei sawl ngêi ahi tih he ta’n lau. Chun, Lalpa na Pathien uh aw chuh guntaka na ngaihthak sek u chun zie thu hi hungtung ngêi ngêi ding ahi, a ti a.

ZEKARIA 7:7

Zie thu hi Jerusalem khawpi mipi’n a luoh dim lai u a, khawpi kimvel leh khawpi sung chauh le hilo a, simlam leh thanglam tâng bul tieng nasana mi a chen dim lai u a, thiemgau masate manga Lalpa thu phuon dawk chuh hilo ahim?

DAN NIHNA 4:40

Zieziekchun, kumkhuo a dinga Lalpa na Pathien un a hun piek gama chuh nang u leh na suonteu na hung lamzan u a na chên sawt theihna dingun a dân haw leh a thupiek haw, tu a ka hun piek hi na zuih dinguh ahi,” tih hi.

DAN NIHNA 13:5

Chun, zie thiemgau ahim, mang leh thei ahim chuh suklup ding ahi. Aigupta gam apat hun puidawk a, suok apat hun tandawk Lalpa na Pathien un hawh ding thu a hun piek lampi apat chuh hun petmang sak dinga Lalpa na Pathien u chunga helna thu a gen ziekin. Zie tawbanga chuh na laku a thil phalo chuh na sukmang dinguh ahi.

JOB LEHKHABU THE BOOK OF JOB 36:11

A ngaihthak u a, a na a sep u chun, A niteu chuh lamzang takin mang zo untin, A damsung niteu chuh kipahna’n mang zo in au.

SAM LEHKHABU THE PSALMS 119:3

Ahi, amau chun diktatlohna himhim ahih puou a; A lampi achun a chieh sek u a.

JEREMIA 22:21

Na lawhtit ni’n na kieng ah thu ka gen a. Nang chun la ngaitha puo’ng ka, na ti a. Ka aw na ngaithak loh hih na khangdawng lai apat ziehi na umdan ahi.

JEREMIA 32:23

A hunglut u a a luoh tau a; himahleh, na kamsuok a nit puou a, na dân le a zui diek puou a, hih dinga na thupiek haw le a hih puou a, zieziekchun, zie thil phalo haw cheng hi a chung u a na tunsak ahi hi.