JEREMIA 7:21 - PATHIEN LEKHABU THIENGTHO (BSI)

²¹ “Sepaihte Lalpa Israel Pathien in hiti hin a tii. Na kithawihna hawu achun hâlmang kithawihna beh unla, a sa chuh neu un.

JEREMIA 7:21 ပူးပေါင်းရင်းမြစ်များ

HOSEA 8:13

Gancha’n kithawi u henla, a sa ne mahleu, ziehaw chuh ka kipahpih puoh ngâl a. A manlohnau ka hezing a, gawt ing ka ting, Aigupta lam ah vaikit un au.

JEREMIA 6:20

Bang ding a Sheba apat begaw te, gam gamla tak akipat in gilimte chuh ka kawma a hun chawih sek uh ahi? Na hâlmang kithawihnateu chuh pawmtâk ahi puoh a; na kithawihna hawu chun le ei sukipak diek puoi.

ISAI 43:23

Hâlmanga na thillat teu chun, belamno nei hun chawih sak ngei puou a; Na kithawihnateu chun la, nei limbawl diek puou hi. Thillat hun ngêk in, ka hun sugiksak ngei puoh a, Gimlim hâl dingin le ka hun suchawl kha diek puoi.

JEREMIA 14:12

Anngawl mahleu le a kiko u chuh ngaitha puo’ng ka ting, hâlmang thilpiek leh buh leh bâl thillat a piek tieng u leh le pawm puo’ng ka; Chemzâmte, kielte, hipite’n amau chuh sumangthai zaw’ng ka,” a ti a.

EZEKIEL 33:25

“Zieziekchun, a kawm u ah, Lalpa Pathien chun hiti hin a tii: Sa chuh a thisan tawh na nek khawm u a, na milim pathien teu na mitkat zing u a, thisan na suoh zing pum u a maw gam chuh na chan ding uh?

DAN NIHNA 12:27

chun Lalpa na Pathien u maichâm achun na hâlmang thilpiek u chuh a sa leh a thisan pie’n na tin un; chun, na kithawihnau thisan chuh Lalpa na Pathien u maichâm chung achun bunthau in na tin un, a sa chuh vang ne thei inlau.

SAM LEHKHABU THE PSALMS 50:8

Na kithawihna haw ziekin hun hilhgaih puo’ng ka; Na hâlmang kithawihna haw chuh ka masangah a um zing ngâla.