JEREMIA 7:20 - PATHIEN LEKHABU THIENGTHO (BSI)

²⁰ Zieziekchun Lalpa Pathien in hiti hin a tii: ‘Ngaitiem u, zie mun ahin ka lungnat na leh ka lauh umna sungtha’ng ka ting, mihiem chung leh gamsa chungah gam laka thing leh leichung a theigah chung haw nasan ah, tichun ka’n tin, mit kit ta puo’n a.’

JEREMIA 7:20 ပူးပေါင်းရင်းမြစ်များ

JEREMIA 42:18

“Sepaihte Lalpa Israel Pathien chun hiti hin a tii; Jerusalem a chêngte chunga ka lungnatna ka sunthak mah bangin, Aigupta gama na lut tieng u leh na chung u ah ka lungnatna sungtha’ng ka; hansiedawl leh maksak leh mi mûk chuonna leh gensiet hin na tin uh, zie mun hih mu kit ta hiel puo’n lau”.

JEREMIA 17:27

Himahleh, chawlhni nit thiengtho ding leh, chawlhni a puokgik puo lo a Jerusalem kulh kawtkhak a lutpih loh ding thu a ei ngaihthak loh u chun, a kulh kawtkhak haw chuh mei in ka’n tin, Jerusalem a leng In te chuh katum zo intin, mit ngei ta puo’n a.

ISAI 42:25

Zieziekchun, a lungnatna thilhih theihna chuh I chungu ah a um ta a; Kidona tizat-um tak I thuok tau a; A lungnatna chuh Israel te lak ah mei guolin a hung kuong zak ta a, himahleh, bang ahim tih le I he puou a; bangmah le I het dawk lawh diek puou hi.

NAHUM 1:6

A lungnat tieng leh kuo a ding zo ding? A lungnatna nasa tak chuh kuo a thuok zo ding? A lungnatna mei chuh a thahdawk a, Suongpite chuh A masanga chun a phel zo tai.

EZEKIEL 22:22

Hâltuina thuk a tangkaguo a tui guolin nang u le zie tak achun hung tui in lau, kei, Lalpa hin na chung u a ka hachangthakna ka sunthak ahi tih hun he ta’n lau,” a ti a.

SUNNA LA 4:11

Lalpa’n a lungnatna lauh-um tak chu a suguitung a, a lungnatna tizat-um tak chu a sungbuo a; Zion achun mei a chawhkuong a, zie chun, a suongphum haw nasan a katum tai.

JEREMIA 44:6

Zieziekchun ka lungnat na leh ka thangtawm na chuh Juda khawpi haw leh Jerusalem kawtthêl haw achun ka sungtha a, a kuong ta a, tuni a a um guol hin a hawm a um in luoh loh in a um tai.

ISAI 66:24

“Tichun, chiehdawk sek un tin, ka chunga kiphinte luong chuh mu sek un tin, a than u chuh thi ngei puo’n tin, a mei chule mit ngei puo’n tin; mi chengcheng mitmuh achun thil kihdak-um tak hi ta’n au,” ti’n.

2 LENGTE 22:17

Ei hengilh u a, pathien dangte kawmah gimlim a hâl u a, a khutsuok u a ei suklungnat ziekun, zie muna hin ka lungnatna so sang ding ahi a, mit thei mai ding ahi puoi.

THUPHUON 14:10

Pathien lungnatna uain, a thangtawmna khawn bangmah tawh helloh a hun sundawk chuh dâwn untin, chun, vânsâwlchâk thiengthote leh Belam No mitmuh ah mei leh kât a gawt a um ding ahi, ti’n aw ngeih tak in a kiko a.

MALAKI 4:1

Ngaitiem u, ni chuh hungtung ding ahi, “Mi kiletsakte leh mi gilote chengcheng buhpawl banga a kâktum ni hungtung ding ahi tai! Zie ni chuleh, katum vek in tin a zung leh a bâkte le sit hiel puo’n a, Bangkim hihthei Lalpa chun a tii.

DANIEL 9:11

Ahi, Israel te chengcheng chun na dante bawhsie’n, na thugente chuh a ngaitha nuom puou ui. Na chungah ka na gilo tau a khutichun, na suok Mosi dana kizik hansiete chuh ka chung u ah na hun tun sak ta a.

JEREMIA 14:16

Chuleh, a thu gen uh a na dawng namte chule kiel leh chemzâm in Jerusalem kawtthêl achun paih dawk in um un tin, amau haw leh a ziteu, a chanuteu leh a chapateu pum in a vui ding umlo khawp in um un au. A nunsiet nau chuh a chung u a sungtha ding ka hi ngâla.

JEREMIA 12:4

Gam chun bang chan a a sun ding? A sunga chêngte gitloh zieka gamsung a thaichi te chuh vuoi mai ding maw? Gamsate chuh a mangthai zo u a, chung leng vachate le; mite chun I hun nunung lam u chuh mu puo’n au, a tih ziekun.

MATTHAI 3:12

A khut in a leipuk a chawi a, a phuol zap thieng kei intin, buhpanga chun a buh khum in tin, a si vang chuh mei mittheilo in hâl tum ina,” a ti a.

ISAI 10:17

Meikuong chuh Israel te thienthona Pathien ngêi chuh ahi; zie chun ni khat thu’n hamlingnei leh khau leh thil chengcheng chuh katum ina.

JEREMIA 6:11

Zieziekchun, Lalpa lungnat na’n ka dima, kidêk zing hi ka chim tai. “Khawlai a naupang haw chungah chun sungtha’n la, tangval um khawm haw chung ale; a zi pum in pasal chuh lak hi’n tin, upate leh teksie te le.

JEREMIA 6:12

A in u haw chuh midang kawma piek hi’n tin, a lo u leh a ziteu tawh. Zie gama chêngte chung achun ka khuttha ding ka hi ngâla, Lalpa’n a tii.

JEREMIA 8:13

“Chun, amau haw sumangthai vek ing ka ting, grep guite chuh gah puo’n tin, theipi te’n le gahsuoh puou in tin, a nah haw le vuoi intin a kawm u a thil ka piek haw chuh amau apat in mangthai ina, tih hi Lalpa kamsuok ahi.

JEREMIA 11:16

Lalpa chun na min dingin. olive thing hing, ‘gah pha hawih tak’ a hun sa a. A chung achun huihpi guola gi lullul in mei tik intin, a bâkte chuh katum zo ding ahi.

JEREMIA 17:4

Tichun, na chanvo ding ka hun piek khah chan in na tin, na gam het khâkloh gam achun melmate na hun sep sak ing ka. Ka lungnatna mei, kumlekhuo a kuong ding chuh na mût kuong ta ngâl a.

JEREMIA 18:23

Himahleh, nangin aw Lalpa, ei that dinga a kisak na hawu cheng na he a, a manlohnau ngaidam ki’n la. Na mitmuh apat in a gitlohnau thaimang diek ki’n. Na masang achun paih thak in um u hen la, na lungnat ni chun amau chuh paih thak in um u henla, a chungchâng uh ngaihtuoh in.”

JEREMIA 21:12

Aw David inkuonte haw Lalpa chun hiti hin a tii: “Zingkal in diktakin vaihawm unla, mi sugimtheite khut apat in sukgimtheih a umte chuh hukdawk un la, khutilochun, na thil gilo hih ziek u hin ka lungnatna chuh mei guola kuong in, kuomah phelh theih loh in hung kuong khan a”

ZEPHANIA 1:2

“Lei chunga thil chengcheng hi a bawnin sumangthai vek ding ka hi, Lalpa’n a tii.

THIEMPUDANTE 26:28

ka lungnatna hun taksuoh ka ting, na chung u a ka lungnatna chuh a huoisie zawsem in sagih vei behlap ding ka hi.

EZEKIEL 7:12

Hun chuh a hung tung ta a, ni chuh a nai huoi huoi tai: a chawte le kipâk kiu henla, a zuokte le lungkham kiu hen: lungnatna chuh a bawn u a chungah a tung ngâla.

EZEKIEL 7:14

Pêngkun chuh mût u henla, thil cheng chengah kisazo ta mahleu, kuomah galdo dingin chieh puo’n au; ka lungnatna chuh a bawn u a chungah a um ngâla.

ZEPHANIA 1:3

Mihing leh ganhingte chuh sumangthai ing ka ting, vanthamzawl a vachate leh tuipi a ngate le sumangthai vek ing ka ting. Minunsie te puksietna ding chuh hih ding ka hi. Mihing chengcheng chuh sumangthai ing ka, Lalpa’n a tii.

ZEKARIA 7:12

Ahi thiemgau masate kawma ka thugen leh ka dân thute chuh a limsak lohna dingun a lunggil u chuh suong bangin a sutak u a; Zieziekchun, lungnatna huoisie tak chuh Lalpa, Sepaihte Lalpa kawm apat hungtung ahi.