JEREMIA 7:19 - PATHIEN LEKHABU THIENGTHO (BSI)

¹⁹ Kei ka hi ei suklungnat uh, Lalpa’n a tii. Amau haw zahchâkna dingin amau haw hizaw lo maw?

JEREMIA 7:19 ပူးပေါင်းရင်းမြစ်များ

1 KORINTH 10:22

A hihloh leh, Lalpa chuh itthik dinga chawhtho I guot uh ahi maw? Amah sangin I hatzawu a ahi?

JEREMIA 20:11

Himahleh, Lalpa chuh mi hangsan lauh-um tak bangin ka kawmah a um zing a. Zieziekchun, ei dote chuh puk untin, ei zo puo’n au. Zahhuoi takin um untin, a lawhtit loh ding ziekun. A kumkhuo minsietnau chuh hetngilh in um ngei puo’n a.

JEREMIA 9:19

Zion apat chun kahlemau thawm a kiza a, “I siet nau huoisiet zie chuh; I lungzîng mah mah u a. Gam chuh I taihsan ziek u leh, I chênnau apat a paih dawk I hih ziekun.”

JEREMIA 2:19

Na gitloh na ngêi chun hun thawk sak intin, na nungchawn sek na haw chun hun hilhgaih ina; ei kihchak na neilo a Lalpa na Pathien na taihsan hih thil gilo tak leh kha tak ahi, tih hi hun hedawk in muchien inla tih hi, Lalpa Sepaihte Lalpa kamsuok ahi.

ISAI 45:16

Milim pathien kisiemte chuh hung zakchau un tin, a bawn un buoina achun lut khawm vek un au!

ISAI 1:24

Zieziekchun, Bangkim hihthei Lalpa Israel Mihat thugen hi ngaithau in: “Nang, ka melma pa chunga hin phuba la’ng ka ting, ei subuoi kit ta puo’n la.

ISAI 1:20

Himahlele, na nawp loh uh a, na kiphin u chun, chemzâm in hun that zo un au; kei Lalpa chun zie chuh ka gen ahi tai,” a ti a.

JOB LEHKHABU THE BOOK OF JOB 35:6

Thil na sukkhelh inle, amah dingin banga khawk, Na sukkhelhna a pun inle, amah dingin banga khawk diek?

EZRA 9:7

Ka pileputeu hun apat a tuni tieng hin ka gitloh nau chuh a nasa mah mah hi. Ka gitloh ziek un ka leng teu leh ka thiemputeu pum in gamdang mite khuta piek ka hiu a, chemzâma satlup leh sala puih leh gâllâk a lak leh zahhuoi na ka tuok tau hi, tunia ka um bang u hin.

DAN NIHNA 32:16

Gam dang pathiente’n a mitthîpna a chawktho u a; A milim tenum hawu in a châwk lungnau hi.

JEREMIA 2:17

Lalpa na Pathien chun lampi a a hun puih laia na taihmang san ziekin, zie chuh na chunga na tunsak hilo ahim?

JEREMIA 8:19

Gamsung dung leh vaia ka chanu ka mite kah thawm chuh ngaitiem u! Zion achun Lalpa a um puoh ahim? A sunga chun a Leng umlo ahim? Bang zieka a milim siem kawm teu leh a gamdang pathien teu a ei sulungna ahiu em?

JEREMIA 15:9

Cha sagih hing nu chuh a chau ta a, a thagau a thah ta a; sun ahih lai in nisa chuh a tum ta a. A zahhuoi in a min a sie a. Chun, a dang cheng chuh a melmateu in chemzâma a thah dingun pie’ng ka,” tih hi Lalpa kamsuok ahi,

JEREMIA 22:22

Na belampute cheng chuh huih in mût mang intin, nang hun hehpihte chuh sal in tâng untin, zie tieng chuleh nang le na gitlohna haw chengcheng ziekin, zahhuoi tak leh lungkham takin hung um tei ding na hi.

JEREMIA 25:7

Himahleh, nanguh dinga phalo ding leh, na khut nasep uh a ei sulungna dingin nei ngaitha sek puou hi. Lalpa’n a tii.

JEREMIA 44:3

Amau leh nang u leh na suonteu un le, pathien dang te a het khâkloh uh nasem ding leh, a kawm u a gimlim hâla ei sulungna dingin a thulimlohna teu a hih tâk ziekun.

EZEKIEL 16:26

Aigupta mi, na inveng mihûkte chu tawh hûkna thil in na kipawl tau a; ei chawk lungna dingin na hûkna chuh na supung ta a.

JEREMIA 3:25

Zakcha’n kuol hitiu ie, I zahhuoi nau in ei khuh hen; Lalpa Pathien chung ah thil I hihkhiel u a, eihaw leh ei suon teu in I khangdawng lai u apat in tuni tieng hin Lalpa Pathien kamsuok I awih loh ziekun.