JEREMIA 7:18 - PATHIEN LEKHABU THIENGTHO (BSI)

¹⁸ Naupang ten thing a chawm u a, a pateu in mei a tik u a numei te’n vanlengnu kawma lat ding chângthâk a mêk u a, pathien dang te a dingin dâwn ding thillat a sung dawk u a, ei suklungnat na ding chauh un.

JEREMIA 7:18 ပူးပေါင်းရင်းမြစ်များ

JEREMIA 19:13

Jerusalem in haw leh Juda lengte in haw chuleh a chunga van lam thilte kawma gimlim na hâlna chengcheng leh, pathien dangte kawma dâwn ding thillat sundawk sekna haw cheng chuh Topheth bang mai in sukbuok hi’n a,” ti’n.

1 KORINTH 10:22

A hihloh leh, Lalpa chuh itthik dinga chawhtho I guot uh ahi maw? Amah sangin I hatzawu a ahi?

1 LENGTE 14:9

Nang hin vang na masanga mite chengcheng sangin thil na hihkhiel nasa chuom a. Nei suklungnatna dingin pathien dangte leh milim kisung te na siem a, nei kiheisan ta a.

JEREMIA 32:29

Chun, zie khawpi do ding Kaldai te chuh hung untin uh, zie khawpi hi hung hâl un tin, Baal a dinga gimlim a inchung a a hâl sek nau chuh katum ina; pathien dangte kawma dâwn ding thillat a butdawk sekna in u chule katum in a, ei suklungnatna ding un.

JEREMIA 25:7

Himahleh, nanguh dinga phalo ding leh, na khut nasep uh a ei sulungna dingin nei ngaitha sek puou hi. Lalpa’n a tii.

JEREMIA 11:17

“Sepaihte Lalpa nangmah hun phutpa chun, Israel inkuon leh Juda inkuon te gitlohna, Baal kawma gimlim hâla, ei suklungnat nau thil, amau sepdawk chunga thil phalo ding thu chuh a phuongdawk tai.”

ISAI 3:8

A lopina mit tunsak dingin, a kamsuok u leh a thilhih u chuh Lalpa deihloh lam ahih ziekin Jerusalem chuh a sie zo a, Judate chuh a puk zo ta ngâl a.

1 LENGTE 16:2

“Leivui a kipatin ka hun ladawk a, ka hun chawisanga; ka mipi Israel te chungah leng dingin ka hun siem a; chun, nang in Jeroboam guol in thil na hih gilo a, ka mipi Israel te chuh na gitloh sak a, a gitlohna hawu chun ei suklungnat sak a;

DAN NIHNA 32:21

Pathien hilo thil in ei chawk thikthusieu a, A milim pannabei hawu in ei chawk lungnau hi. Nam le ting lote mang in a thikthuu susie’ng ka ting; Nam ngawl tak mang in chawk lungna’ng ka.

DAN NIHNA 32:16

Gam dang pathiente’n a mitthîpna a chawktho u a; A milim tenum hawu in a châwk lungnau hi.

DAN NIHNA 4:19

Ahihloh leh, na mit u a van lam a dâk to in, nisa ahim, thapi ahim, aksi haw leh vanthamzawl a thilsiem chuom chuom te, Lalpa na Pathien un van nuoia nam chuom chuom te dinga a guotsak haw ahim chuh na muh tieng u leh hun hîp mang in, hun ho in, a nau hun sem kha’n lau.

EZEKIEL 20:28

Khut zak hiela amau ka tiem gama hi ka puih lut phetin, tâng sang leh thingbawk pha a muhna taphawt u ah kithawihna a siem u a, a thilpiekteu lungnat-um tak haw chuh a pieu a. A gimlim thilpiek hawu chuh a pieu a, a dâwn ding thilpiek hawu chuh a sungtha ngâl u a’, ti’n.”

JEREMIA 44:25

Sepaihte Lalpa Israel Pathien chun hiti hin a tii: Nang u leh na ziteu chun van lengnu kawma gimlim hâl leh dâwn ding thilpiek sundawk te chuh ka na kitiem bangun hih ngêi ngêi ung kau, ti’n na kam un na gen tau a; na khut un le na subuting tau a, na thutiem u chuh sudet unla, na thutiem teu chuh supiting ngâl un.

ISAI 65:11

Himahlele, nang haw Lalpa nungngat a, ka tâng thiengtho Zion ngaihsak lo a, vang-etna pathien Gad leh Mini hona dawhkhâng bawla, a tupna a tun dem tih hetna dinga dawhkan a uain chawkhel a khawna sung dim sek te haw;

ISAI 65:3

Ka masang ngêi ah ei sulungna zing uh a, huon thiengtho te achun a kithawi u a; milim pathien maichâmte achun gimlim a hâl zing uh a.

ISAI 57:6

Phaicham a suong zawl deuh chuh na kilak u a, ziehaw chun vang na en sek u a; amau a ding chun dâwn ding thillat te na sung u a; na thillat teu chuh na hun puok sak u a. Ziehaw achun kipahna nei dingin nei gingchau em?

SAM LEHKHABU THE PSALMS 16:4

Pathien dang telte chuh, a lungkham nau hung pung ina: A dâwn ding thisan latteu chuh sungtha puo’ng ka ting, a min u le ka kam in suoh diek puo’ng ka.

JEREMIA 7:17

Juda khawpi haw leh Jerusalem kawtthêl haw a a thilhih u chuh mulo na him?

JEREMIA 17:2

Thing hing bul tin leh, tâng sang chunghaw achun a chateu in a maichâmteu leh Asher te chuh a hezing ngâl uh a.

SUNNA LA 5:13

Ka tangvalteu chu suongsumhei hêk dingin nawh in a um u a; Pasal naupangte chu thing lawm nuoi achun a lawn duoi duoi u a.

EZEKIEL 8:17

Khutichun, amah chun ka kawmah, “Aw, mihing chapa, ziehi na mu? Thil tenum a hih uh, zie a a hih u hi Juda inkawte dingin thil maimai ahim? Gam sung chuh kipawngbawlna’n a sudim u a, ei sulungna dingin a hungkit u a, a nak uh theubawk in a huk u a.

EZEKIEL 16:26

Aigupta mi, na inveng mihûkte chu tawh hûkna thil in na kipawl tau a; ei chawk lungna dingin na hûkna chuh na supung ta a.

JEREMIA 1:16

Ei taihsan u a, pathien dangte kawmah gimlim a hâl u a; amau haw khutsuok ngêi a ho u a, a gitloh na hawu chengcheng chunga ka lunggel haw chuh phuong ing ka.

JEREMIA 44:4

Khutisa chun le, ka nasem thiemgaute chuh na kawm u ah chawllo in ka hun sawl a, a kieng u ah, ‘Zie thil kihdak um, ka hawt lam tak hi chuh hih ta kiu,’ ti’n.

EZEKIEL 8:16

Khutichun, Lalpa In huongsung sungnung zaw achun ei puilut a, ngaitie, Lalpa In thiengtho kawt a chun, hulliep leh maichâm kikal ah, mi sawmnih leh nga Lalpa In thiengtho lam nungngat in, a mai uh suohlam nga’n ana um u a, suohlam a nisa chuh ana ho u a.