JEREMIA 7:13 - PATHIEN LEKHABU THIENGTHO (BSI)

¹³ Tuhin, zie thil haw cheng hi na hih u a, chawllo a na kawm u a thu ka gen te hi na ngaih takloh u a, ka hun sap a le nei dâwn loh ziek u hin Lalpa’n a tii.

JEREMIA 7:13 ပူးပေါင်းရင်းမြစ်များ

ISAI 65:12

Ka hun sap lai in nei dâwng puou a, ka hun hopih lai in le nei ngaihsak puou a, ka mitmuh in thil gilo chuh na hih u a, ka kipahpih loh thil na tel zawk ziekun chemzâm a thah in um un na tin; na bawn un zie thihna masang achun kûn un lau.

JEREMIA 7:25

Na pileputeu Aigupta gama ka puihdawk ni apat tuni tieng hin ka nasem thiemgau te nichenga chawllo a, na kawm u a ka hun sawl sek kha.

THUCHINGTE 1:24

Ka hun sama, na ngaitha nuom puou a, ka khut ka zaka kuoma’n na ngaihsak nuom puou hi.

MATTHAI 23:37

“Aw Jerusalem, Jerusalem, thiemgau haw that, na kawma Pathien in thupuo a hun sawlte that a, suong a sep lum! Akpi’n a note a tha nuoia a awp khawm guolin, na chate bang zat vei a awp khawm ka guot khah! Himahlele, na ut ngâl puou a.

ZEKARIA 7:13

Chun, hiti hi hung hi’n tin, ka sap lai a ei ngaihthak loh guol mah un, ken le a ei sap tieng u leh ngaitha lo ding ka hi, Lalpa’n a tii.

HOSEA 11:7

Ka mite chun ei kihei mangsan guo zing u a. A chung u a namkawl kibat ziek chun Chungnung pên pa chuh sam untin, mahleh kuoma’n lakthak sak puo’n a.

HOSEA 11:2

Himahleh, ka hah sap phawt leh, kei apat in a taimang gamla zaw deuh a. Baal kawmah a kithawi u a, milim siemkawmte kawmah gimlimte a hâl u a.

JEREMIA 44:4

Khutisa chun le, ka nasem thiemgaute chuh na kawm u ah chawllo in ka hun sawl a, a kieng u ah, ‘Zie thil kihdak um, ka hawt lam tak hi chuh hih ta kiu,’ ti’n.

JEREMIA 35:17

Zieziekchun, Sepaihte Lalpa Israel Pathien chun hiti hin a tii; Ngaitiem u, Juda leh Jerusalem a chêngte chunga thil phalo hung tung ding a ka genlawk sate kha hun tun sak ing ka; a kawm u ah thu ka gen a, a ngaitha ngâl puou hi,” ti’n.

JEREMIA 35:15

Ka nasem thiemgaute chuh chawllo in na kawm u ah ka hun sawl a: na umdan gilo u apat in hung kihei kit unla; na lampiteu chuh hei zang unla, pathien dangte na sem kiu in; tichun na pileputeu kawma gam ka piek achun cheng un lau, ti’n; Himahleh na ngaihsak puou a, na zui diek puou hi.

JEREMIA 25:3

“Kum sawmnih leh kum thum sung zet, Judate leng Amon chapa Josia vaihawm, kum sawm leh kum thumna apat tu tiengin, Lalpa thu chuh a hungtung a, chawllo in na kawm u ah ka gen sek a, himahleh, na ngaitha puou a.

JEREMIA 11:7

Nanguh hun suonte Aigupta gam apat a ka puihdawk ni apat tuni tieng hin ka pau kamsuok zawp un, ti’n zingpi a tho in amau haw chuh phachuomngai takin ka hilh seka.

ISAI 66:4

Ka sap lai khan kuoma’n ei dâwng puou a, a kawm u a thu ka gen laia kha bil a a zak loh u a, ka mitmuh a thil gilo chuh a bawl zawk u a, ka kipah loh lam thil chuh a tel ziekun, ken le amau haw thepna ding chuh tel sak ing ka ting, a lauh zawng u haw chuh a chung u ah tunsak ing ka” ti’n.

ISAI 50:2

“Ka mite hukdawk dinga ka chieh laia kha bang zieka ei ngaihsak loh uh a? Ka sap laia kha bang zieka ei dâwnglo ahiu u? Amau haw hukdawk theilo dingin ka bân hi sukchawm in a um a ahim? Ahihloh leh, hukbit dingin hihtheihna ka nei puoh a ahim? Ngaitie, thupiek chauh in tuipite ka sukang a, tuipite thalek ka suok saka, khutichun, tui um loh ziekin a sunga nga chengcheng chuh dangchâk in a thiu a; a uih zo vek tau hi.

JEREMIA 13:11

Kawnggak chuh mi kâwng a a kigak zing bang hin, Israel inkuon pumpi leh Juda inkuon pumpi hi ka mite leh ka minphatna leh ka hawihna leh ka lopina a hung hih theihna dingun ka kawma um dinga ka siem ahiu; himahleh, ka thu a zawp ta puou hi.

JEREMIA 26:5

Zingkal mataka tho a ka suok thiemgaute na kawm u a ka sawl hi a thuu na ngaihsak loh u chun, himahleh, na na ngaihsak ta puoh ngâl u a.

JEREMIA 32:33

A mai lam uh hilo in a nung lam uh ei ngat u a; hailo in amau haw sinsak mahleng sinsakna lasawn dingin a ngaitha nuom puou hi.

JEREMIA 35:14

Rekab chapa Jonadab in a chapate thu a piek uain dâwn loh ding thu chuh tuni tieng hin a zawp u a. amau haw laka khat cha’n le uain a dâwn puou hi. Amau chun a pau thupiek chuh a zuih zing ziekun; kei vang in na kieng u ah zingpi a tho in ka gen zinga, ahih ziekin ka thugen na ngaihsak puou hi.

JEREMIA 44:23

Gimlim na hâl u a, Lalpa chungah na gilo u a, Lalpa kamsuok na zui puou a, a dân leh a thuguot leh a thu hetsak haw chule na zuih diek loh ziekun, thil phalo haw hi tu a a um bang hin na chung u ah a hung tung tai,” a ti a.

JEREMIA 5:21

Aw hetthiemna neilo, mingawlte haw, mit nei ngâla mulote; bil nei ngâla za lote haw, zie thu hih ngaitha tiem u.

JEREMIA 6:10

A hettheih ding un kuo a ka hopih ding, kuo a ka sap ding? Ngaitie, bilvih loh ahiu a, a za thei puou a, Lalpa thu chuh amau dingin nuihzat um ahi a, kipahna himhim a nei ta puou hi.

JEREMIA 11:8

Mahleh a zui puou a, a bil u le a dawh diek puou a: mitin chuh amah lunggil gitloh na dungzui in a um zaw tau hi. Zieziekchun, zie thugawlh thu a zuih ding u a ka piek hi a zawp nuom puou a, ziehaw chuh a chung u a ka hun tun sak ahi tai,” a ti a.

JEREMIA 13:10

Zie nam gilo, ka thu te ngaitha nuom lo a, amau haw lunggil tâk na bang a pathien dangte nasem leh ho dinga delh zuite hih zie kâwnggak bangmah a pang thei talo tawbang hi hung hi ding ahiu hi.

JEREMIA 29:19

Zingkal a vaima taka tho a, ka suok thiemgau manga ka thugente na khawksak uh a, na ngaihthak nawp loh ziekun tih hi Lalpa kamsuok ahi.”

HOSEA 9:17

Ka Pathien chun a mite chuh nawlh intin; amah a bengkhawn loh ziekun. Tichun, amau haw chuh nam dangte laka chun vakchavai un au.