JEREMIA 7:11 - PATHIEN LEKHABU THIENGTHO (BSI)

¹¹ Zie In ka min puo ngêi hi na mitmuh un suommangte in tawbang ahim? Ngaitiem u, kei ngêi in ka mu a puo Lalpa’n a tii.

JEREMIA 7:11 ပူးပေါင်းရင်းမြစ်များ

ISAI 56:7

“Amau haw ngêi chuh ka tâng Thiengtho Zion achun pui ing ka ting, Ka pauchamna In achun kipâk takin um un au; hâlmanga a thillat teu leh, a kithawihnateu chuh, ka maichâm achun ana pawm ing ka; Ka In chuh mitin a dingin pauchamna In tih hi ding ahi ngâl a,” ti’n.

MATTHAI 21:13

“Ka In chuh, pauchamna In ti’n au tih zik ahi ngâla; himahleh, nanghaw’n la suommangte kisêlna In in na siem zawu in,” a ti a.

MARK 11:17

Tichun, a kawm u achun, “Ka In chuh namtin dingin ‘Pauchamna In ti’n au,’ tih zik hilo ahim? Himahlele, nang haw’n guchate kisêlna In in na siem zawu a,” ti’n a sinsak ta a.

2 KHANGTHUBU 6:33

nangin na umna van a pat in na ngaitha’n la, nam dangte’n a hun sap dân bang tak un a chung u ah hihin; tichun na mi Israel te mah bang in khawvel a namtin in na min hun heu intin uh, hun kihchau intin, zie Ho-In ka sak hin na min a chuong hi tih he’n au.

JOHAN 2:16

vakhu zuokte kawm a chun, “Zie thil haw hi tak apat hin chieh mang pih un, ka Pa In hi sumkawlveina In in siem kiu,” a ti a.

JEREMIA 23:24

Ka muh theih loh dinga mun thip a kisel thei a um dinga ahim? tih hi Lalpa kamsuok ahi. Lei leh van ahin ka dim hilo ahim? tih hi Lalpa kamsuok ahi.

HEBRAI 4:13

Thil kisiem, amah mitmuh a kilanglo bangmah a um puoi; I chanchin uh I tutna ding pau mitmuh achun, bangakai hi, ngawnchang leh kihawngsa a um ahi ngâl a.

JEREMIA 29:23

Israel gam achun thil ngawlhuoi tak a hih uh a, a invengteu zite tawh zawl a sai uh a, ka min a ka thupiek loh pi a, thu a gen ziekun, Kei a he pa leh, a hetpihpa ka hi,” tih hi Lalpa kamsuok a hi!

JEREMIA 2:34

Na puonchen nasan ah mi gimthei, thilsie bawllo te hinna thisan a bek hi. A hun buluh te na thah le hi sâm lo in,

JEREMIA 7:10

Tichun, zie In, keimah min kivawh ahin ka masang a dingin, zie thil tenum tin cheng hi hih kawm zelin, ‘Hukdam ka hi tai,’ ti ding na hiu maw?

EZEKIEL 35:13

Khutichun ka chungah na kisulien in na ki-uong a, ka chungah na thutuitam a, ka he suok kêi ahi.”

ISAI 1:12

Ka masanga na hung kilat ding u leh ziehaw hi hun chawi dinga kuo a hun ngek? Ka Ho-In huongsung hung tawh kit ta kiu!

DANIEL 9:18

Aw ka Pathien, na bil dawh in la, ngaitha tie; na mit hak inla, ka haksat zieu leh khawpi na min vawh a um hi entie; ka ngetna teu chuh ka diktatnau ziekin na ma a ka lat uh ahi puoh ngâla, na zahngaihna lopi tak ziekin ahi zawi.