JEREMIA 6:7 - PATHIEN LEKHABU THIENGTHO (BSI)

⁷ Tuilaihdawk in tui thieng a piekdawk bangin, a nunsietnau chuh a thak zing hi. A sung achun kipawngbawlna leh kisuksiet tuoh na a um hi tih het ahi a, lunggimna leh kisukliem nate chuh ka masang ah a um zing hi.

JEREMIA 6:7 ပူးပေါင်းရင်းမြစ်များ

EZEKIEL 7:23

“Thik kikuoi mat diet diet in siem un, gamsung chuh thisan suohna gitlohna’n a dim ta a, khawpi chuh thagum suohna’n a dim ta ngâla.

EZEKIEL 7:11

Kipawngbawlna chuh nunsietna mawlh a suok ta a; kuomah um ta puo’n au, a thawm ahim, a neihzawh nau ahim le kuoma’n it puo’n au.

JEREMIA 20:8

Thu ka gen cheng leh ka kap dawk seka, “Kipawngbawlna leh suksietna” ti’n ka kiko dawk a. Lalpa thu chuh kei a dingin sun ni tum a dem leh muhsit lawhna mai ahih ziekin.

ISAI 57:20

Himahlele, mi nunsie te chuh tuisuohgiet kinawk viel viel, um hiet hiet theilo tawbang ahiu a, a tui kinawkte chun ninpa leh buonthuok a nawhdawk sek hi, ti’n.

EZEKIEL 24:7

A thisan suoh chuh amah sung ah a um ngâla, leivui in a khuh theihna dinga leituol a sunthak sangin suongpi gaw chungah a sungtha zaw a.

THUCHINGTE 4:23

Thil dang cheng sangin na lunggil vengpha’n, zie chuh hinna tuinak kipat na ahi ngâla.

ISAI 59:6

A mawmgâng puon teu chuh silhlechen in pang puo’n tin, mite chuh a thilsiem hawu achun le kivan puo’n au; a thilhih teu chuh manlohna thilhih a gûk a huham taka a thilhih teu chuh a khut u achun a um hi.

JEREMIA 30:12

Lalpa chun a mipite kawmah, “Na liemna chuh sukdam theih ding guol a hi puoi, na meima chuh a nasa mah mah ngâl a.

JEREMIA 30:13

Nang hun panpih thei ding kuomah a um puou a, tuom saka na um theihna ding leh, na damna dingin lo leh âi a um diek puoi!

JEREMIA 32:31

Zie khawpi hi a sak tûng u apat tuni tieng hin ei sulungna leh ei suthangtawmtu a hizing ngâl a. ka masanga pata ka sukbeih na ding in.

EZEKIEL 45:9

Lalpa Pathien chun hiti hin a gen a, “Nang haw, Israel leng chate leh vaihawmte, Na thagum suohnau leh pawngbawlnate chuh haihsan tau un. Thil dik leh, vaihawmna diktak chuh hih zawu un. Ka mite chuh a gam u apat nawhdawk kit ta kiu in, Lalpa’n, a tii.

ISAI 1:6

Kengtaw apat in lusip tiengin damna mawng mawng a um puoh a; liem na mate, zêp thidupna te, meima nai khuot ngen ahi. Ziehaw chuh a mêk dawk puou a, tuom le a tuom puou a, thau le a nuh diek puou hi.

JEREMIA 8:22

Gilead achun thingnai damdawi umlo ahim? Zie tak achun hihdampa umlo ahim? Bang zieka ka mi, ka chanu chuh sukdam hilo ahim?

JEREMIA 30:15

Bang dinga na liem zieka kap na hi? Na gitlohna nasat bêk ziekin, a liemna chuh sukdam ding guol ei puoi! Na gitlohna a pun bêk ziekin, zie thil haw hi na chunga ka hih ahi.

EZEKIEL 21:29

Chemzâm chuh migilo thih ngam a liem haw, a gawtna niu tawpkhawk hung tungte, ngâwng a ngak ding ahi ti’n nang dingin kilâkna diklo muu henla, lepchieh chieh in phun san mahleu.

ZEPHANIA 3:1

Kipawngnekna leh kiphin hat khawpi, mipite diklo taka bawl sek, khawpi chuh a chung a gik hi!