JEREMIA 6:16 - PATHIEN LEKHABU THIENGTHO (BSI)

¹⁶ Lalpa chun hiti hin a tii, “Lampi pang haw achun ding unla en un. Lampi pha umna lamluite chuh dawng un la, zie tak achun chieh unla, na thagau u a dingin chawlhna mu’n lau,” ti’n. Himahleh, amau in vang, “Zie lampi chuh hawh puo’ng kau,” a tiu a.

JEREMIA 6:16 ပူးပေါင်းရင်းမြစ်များ

ISAI 30:21

Chuleh, changlam ahim, veilam ahim a na petmang tieng u leh, na nung lam u a thu kigen na bil in za’n tin, “Zie lam hi lampi dik ahi, zui un” a tihna aw za zel un lau.

JEREMIA 18:15

Himahleh, ka mite chun vang ei hengilh tau a, milim pathien haw masangah gimlim a hâl tau a. Ziehaw chun a chieh na lampi hawu achun a kisuih sak a, lampi lui u chuh zui lo in, lampi neu haw achun a chieh tau hi.

DAN NIHNA 32:7

“Tuona tânga nite chuh hezing inla, khang liemsa haw chuh ngaihtuoh in. Na pa dawng in, hun hilh intin, Na upahawu le dawng in, hun hilhchien in au.

JEREMIA 7:23

Ka aw ngaithau inla, na Pathien uh hing ka ting, nang u le ka mite hin lau. Na Pathien a dingun na umdan dinguh ka hun hilh cheng hi zawp un, khutileh, nanguh a dinga pha ding ahi, ti a thu ka piek zawk ahi.

KOLOSSA 2:6

Krista Isu chuh Lalpa a na pawm tâk ziekun, amah tawh kipumkhat in hing tau un.

ISAI 2:5

Aw Jakob suonte haw, hung un la, Lalpa vak achun leng hitiu.

JOHAN 12:35

Chun, Isu’n a kawm u ah, “Vak hi chawmkhat na kawm u ah um tadih ina. Vak na neih sung u hin na thilhih teu hih zawm zel un, thim in a hun dal lohna dingin; kuole thima leng chun a chiehna chin a he sek puoi.

JEREMIA 18:12

Himahlele, amau chun, kinep a um puoi, ka lemguot dân chiet un um ka ting un, mitin amah lunggil gitlohna bangin bawl ung kau,” ti’n au.

JEREMIA 22:21

Na lawhtit ni’n na kieng ah thu ka gen a. Nang chun la ngaitha puo’ng ka, na ti a. Ka aw na ngaithak loh hih na khangdawng lai apat ziehi na umdan ahi.

JEREMIA 44:16

“Lalpa min a ka kawm u a na thugen haw kha vang hung ngaitha puo’ng kau.

HEBRAI 11:2

Zie thu haw ahin malaia mite khan Pathien pahchak a na lawh sek ui.

JOHAN 13:17

Zie tawbang thudik na het u chuh hih leu chin, bang tienga kipâkin na um ta phet ding um maw!

MALAKI 4:4

“Israel chate chengcheng zawp dinga Sinai tânga ka piek Dan leh thupiekte ka suokpa Mosi’n a hun sinsakte kha hezing un!

HEBRAI 6:12

Chun, thadah lo a, taksanna leh thuokhatna vanga Pathien thutiem mute hizaw dingin ka hun deih uh na hiu hi.

ISAI 8:20

Amau haw chuh hiti hin dâwng un, “Lalpa hun sinsakna hi ngaithau in! Dawithiemte chuh dawng kiu in, a thugen u chuh bangmah phatchuomna bei ahi,” ti’n dâwng un.

LUKE 16:29

Abraham chun lah, ‘Na suohpihte chun Mosi leh thiemgaute amau haw hilh dingin a nei uh hilo maw! na suohpihte chun ziete thu chuh ngai u hen,’ a ti a.

ISAI 28:12

“Zie tak hi chawlhdamna mun ahi, thachawlte chuh chawlhdam sak un; zie tak hi kisukhalhna mun” ti’n a kawm u ah gen mahleh, a ngaihsak nuom puou hi.

JOHAN 5:39

Pathien Lehkha thu na sim gunchuh sek ui. A sung ah kumkhuo hinna um ina tih na ginchak ziekun. Zie lehkha thu haw chuh ka chanchin hetsak pên chuh a hi ngâl a.

NASEPTE 17:11

Zie taka mihaw chuh Thessalonika khuo a mite sang chun a na pha zawu a. Khutichun, lungthim kipâk takin thu chuh a pawm u a, a thugen u chuh a dik leh dikloh hetna’n, ni chengin Pathien Lehkhabu ah a hawl sek u a.

ROME 4:12

Chun, zektan haw pa le ahi a. zektan haw pa chauh hilo in, I pau Abraham zektan loh a a um laia, taksanna a neih guola nei chengcheng te pa le ahi zawi.

JEREMIA 2:25

Na kenga kengtawbek butlo in um ki’n la, na dang le châk kihen. Nang chun la kinepna a um ta hiel puoi, gamdang mite delh ing ka, na ti a.

1 LENGTE 8:36

Nangin van apat in a na ngaitha’n la, na suok leh na mi Israel te gitlohna hi ngaidam inla; a chiehna dinguh lampi pha kâwkmuh inla, a goluoh ding u a na mite na piek na gam ahin guoh hun zuk sak kit in.

SAM LEHKHABU THE PSALMS 116:7

Aw ka hinna, na chawlhna achun vaikit in; Lalpa chun na chungah phatak in a hih ta ngâl a.

JEREMIA 12:16

Chun, hiti hi hung hi’n a, Baal kawma ka mite kihâksiel a sinsak bangun, ka min a, ‘Lalpa chuh a hin zing bang in,’ ti a kihâksiel a sin u a, ka mite umdan guntaka a sin u chun ka mite lak ah tung ding ing ka.

JEREMIA 31:21

Lampi melchikna kisiem inla, na taihsanna lampi, lam tuongpi ngêi chuh mudawk kit in. Aw nungak thiengtho Israel, hung vaikit in, zie na khawpi lam ngêi ahin.

JEREMIA 42:3

Lalpa na Pathien in ka chieh na dinguh lampi leh ka hih dinguh ei kawk muh theihna dingin,” a tiu a.

JEREMIA 50:5

Zion lam zuona a chiehna dinguh dawng un tin, “Hung tiem u, kumlekhuo a bawhsiet tâk loh dingin Lalpa kawmah thugawlh siem hitiu,” ti’n au.

VAIHAWMTE 2:17

Khutisa chun le a vaihawmteu thu chuh a pawm puou a, pathien dangte kawmah zawl a sai u a; a masang u ah a khun zaw tau a, a pileputeu in Lalpa thupiek te pawm a a hawh sek uh lampi chuh a petsan pai zieng tau a.

2 KHANGTHUBU 19:11

Chun, ngaiun, Lalpa lam thu taphawt achun thiempu lalpen Amaria chu na lawiupau ahi a; chun, gamsung vaihawmna lam thu cheng achun Judate inkuon chunga vaihawm Ishmael chapa Zebadiah a hi: Levi te le na lawiupau ahiu ui ti’n. Hangtak in hih unla, Lalpa’n miphate umpih ding ahi,” ti’n thu a pie a.

ISAI 46:9

Tuma lama thil ana umsa te kha hezing unla, Kei hi Pathien ka hi a, Kei tawbang hi kuomah a um puoi.

ISAI 57:2

Amah chuh muonna a lut ahi a, a zâlkhun u a chawldam ahi zawu a; mi diktatte chuh lam dik ah a chieh sek ui.

JEREMIA 7:3

Sepaihte Lalpa, Israel Pathien chun hiti hin a tii: “Na umdan u leh na lampiteu siempha inla, zie mun ahin hun chensak ing ka.

JEREMIA 7:24

Mahleh, a ngaitha puou a, a bil u le a dawh diek puou a; a lungthim gilo uh sukkhauh in amau thu thu’n a um zaw tau a, malam zawt sangin a nungchawn zaw tau hi.