JEREMIA 6:12 - PATHIEN LEKHABU THIENGTHO (BSI)

¹² A in u haw chuh midang kawma piek hi’n tin, a lo u leh a ziteu tawh. Zie gama chêngte chung achun ka khuttha ding ka hi ngâla, Lalpa’n a tii.

JEREMIA 6:12 ပူးပေါင်းရင်းမြစ်များ

JEREMIA 8:10

Zieziekchun, a ziteu chuh midang kawmah pie’ng ka ting, a lo hawu chule a hun luoh zo dingte khuta pie ding ka hi. A lienpen apat a a neupen tiengin mitin chuh awhchâk na’n a dim u a, thiemgaute leh thiempute tieng in mitin in lepchieh in na a sem ui.

ISAI 5:25

Zieziekchun, Lalpa lungnatna chuh a mite chungah a kuong dawk a, gawt dingin a khut chuh a chungu ah a tha a, amau haw chuh a zêp a, tichun, tângte chuh a kilîng dul dul a, a thi luongteu chuh khawlai dung vel achun ninpa bangin a um lemlum a. Khuti khawpa a bawlsa chun le, a lungnat chuh a hai diek puoh a, a khut a tha tei tei nalai hi.

ZEPHANIA 1:13

A thuomphuo teu chuh gukmang hung hi’n tin, a inteu chuh sie’n tin; ahi, inte sau intin, mahleh luoh diek puo’n au. Grep huonte bawl un tin, himahleh, uain chuh dâwn diek puo’n au.”

SUNNA LA 5:11

Zion numeite a pawngsuol u a; Juda khawpite a nungak thiengte le!

SUNNA LA 5:3

Nauchagah, pa bei ka hi tau a, ka nuteu chu meithai a suok zo tau hi.

SUNNA LA 3:3

Ni tum in ka sietna dingin khut a lama, kei ei kalh in ni tum in khut a lam takzet hi.

SUNNA LA 2:8

Lalpa’n Zion chanu kulhbang puksietna ding chu a guotsa ahi a; A tehna khau chu a zan a, susie lo dingin a khut a nung zuk puoh a, Zieziekchun tuhin a gâlven In te leh, a bângte chu a puk khawm tau a.

JEREMIA 38:22

Ngaitie, Juda lengte ina numei nutsieh a um cheng chuh, Babulon lengpa leh a chapate kieng ah puih in um un tin, zie numeite chun, ‘Na guolpha teu in a hun thêm u a; a hun zo tau a, tichun, na keng te nih le buonthuok lak ah a lut ta a, amau chun nang a hun kihei mangsan tau hi,’ ” a ti a.

ISAI 10:4

Kidona a thah ahim, a hihloh leh sala puih a him in um inla. Khuti khawpa a hihsa chun le Lalpa lungnat chuh a hai diek puo a, gawt dingin a khut a tha zing nalai hi.

ISAI 9:21

Manasseh mite leh Ephraim mite chuh kido un tin, a nih u chun Juda do khawm un au. Khuti khawpa a hihsa chun le, Lalpa lungnat chuh a hai diek puoh a, gawt dingin a khut a tha zing nalai hi.

ISAI 9:17

Zieziekchun, Lalpa chun, a tangvalteu chuh taihdawk sak puo’n tin, a nauchagahteu leh meithaiteu chule lungsiet diek puo’n a; a bawn u a Pathien zahlo mi leh thil phalo hihte a hih chiet ziekun, kam pau cheng chun la thu manloh a gen chiet ngâl u a. Khuti khawpa a hihsa chun le, a lungnat chuh a hai diek puo a, gawt dinga a khut thâk chuh a châwl diek puoi.

ISAI 9:12

Saklam panga Suria leh thanglam panga Philistia te chun Israel te ne zo dingin a kam uh a kau a. Khutibanga a bawlsa chun le Lalpa lungnat chuh a tâwp diek puoh a; amau haw gawt dingin a khut a tha zing nalai hi.

1 KHANGTHUBU 21:16

Chun, David chun, Lalpa vânsâwlchâk, chemzâm zuk dawksa a Jerusalem chung zawna, lei leh van kikala ding chu a mu a. Khutichun, David leh upate chun saidippuon silh in, lei tuol ah a bawkkhup tau a.

JEREMIA 7:20

Zieziekchun Lalpa Pathien in hiti hin a tii: ‘Ngaitiem u, zie mun ahin ka lungnat na leh ka lauh umna sungtha’ng ka ting, mihiem chung leh gamsa chungah gam laka thing leh leichung a theigah chung haw nasan ah, tichun ka’n tin, mit kit ta puo’n a.’

JEREMIA 15:6

Nangin nei paih tha a, na nungtawlh zel a tih hi Lalpa kamsuok ahi. Khutichun, na chungah ka khut ka tha a, ka hun sumangthai a, kisik hi ka chim tai.

JEREMIA 21:5

Keimah ngêi inle ban zak in khut hat in lungna kawm leh thangtawm lungna’n hun do ding ka hi.

JEREMIA 38:23

“Khutichun, na zi le chate chuh Kaldai mite’n kipuih vek untin, a khut u apat in pawtdawk puo’n la. Babulon lengpa khuta matsak hin na tin, zie tieng chuleh zie khawpi hi mei a hâltum hiding ahi,” a ti a.

EZEKIEL 35:3

A kawmah, Lalpa Pathien chun hiti hin a tii: “Ngaiin, Aw Seir Tangpi, ka hun kilanpih na hi; na chungah ka khut tha’ng ka ting, gamkeu leh hawma hun siem ding ka hi.

MIKA 2:4

Zie tawbang hun chuh a hungtun tieng leh, na chanchin u chuh mite’n sietna tehkalna’n mang un tin uh; na thil tuok chungchâng thuu achun zie la thasiet-um tak hi hun sa’nau: “Sukchimit in I um tau a! Lalpa’n I gam uh lamang in, Sala ei mante kawmah a pie tai!” ti’n.

ZEPHANIA 1:4

“Judate leh Jerusalem luohte chengcheng chung achun ka khut lam ing ka ting zie mun apat hin Baal ana um nalaite Kemarim min chuh a thiempute pum in thiel dawk ing ka.

SUNNA LA 5:2

Ka neihlelam teu chu gamdang mite khut achun a um zo ta a; Gamdang mite chu ka In hawu achun a cheng tau hi.

EZEKIEL 7:24

Zieziekchun, Jentel te laka gilopen haw hun puilut ing ka ting, a in hawu lâksak in au; a hâtnau a kisuonpih u chuh sutawp ing ka ting, a mun zek hawu chuh sukbuok in um in au.