JEREMIA 6:1 - PATHIEN LEKHABU THIENGTHO (BSI)

¹ Benjamin chate haw, na bitna dingun Jerusalem apat, in taimang unla, Tekoa ah pengkun mût unla, Bethhakkeram ah melchikna tâk dawk un. Mâllam apat in sietna huoisie tak a hung kitawl hi; siet na huoisie tak mai chuh!

JEREMIA 6:1 ပူးပေါင်းရင်းမြစ်များ

NEHEMIA 3:14

Khutichun, Beth-hakkerem biel a puitu Rakeb chapa Malkijah chun nin kawtpi a siempha a, a tung dawka, a kawtkhakte chuh a kamna zawl haw tawh a siempha a.

JEREMIA 6:22

Chun, Lalpa’n hiti hin a tii, “Ngaitiem u, mâllam apat in nam khat a hung u a, lei mawng tâwp a pat in nam lopi tak a hung kipan dawk ui.

2 KHANGTHUBU 11:6

Tichun, Bethlehem khuo te, Etam te, Tekoa te a tungdawk a,

2 SAMUEL 14:2

Tichun Joab chun Tekoa khuo ah mi a sawl a, zie a numei pil khat chu a va puih sak a, a kawmah, “Lusûn bangin kisiem inla, lusûn puon silh inla, sathau le kinuh lo in numei sawttak apat mithi sun tawbang in um in:

VAIHAWMTE 1:21

Chun, Benjamin suonte chun Jebus mite Jerusalem a cheng te chuh a nawhdawk puou a; tichun, Jebus mite chuh Benjamin suonte tawh tuni tieng hin Jerusalem ah a cheng khawm zing tau hi.

AMOS 1:1

Juda Leng Uzia vaihawm lai leh, Israel Leng Joash chapa Jeroboam vaihawm laia, leiling um ma kum nihna a chun, Tekoa muna ganguol vengte laka Amos in Israel te chungchâng thu a muh chuh:

JEREMIA 25:9

ngaitiem u, mâllam a nam chengcheng chuh sam ding ka hi, Lalpa’n a tii. Ka suok Babulon leng Nebuknezar le sam ing ka ting, amanhaw chuh zie gam leh, a sunga mite leh, a kimvel a nam chengcheng hi do ding leh sumangthai vek dingin hun pui ing ka.

JEREMIA 10:22

Ngaitiem u, thuthang thawm chu a hung tunga, mâllam apat a buoina nasa tak mai chuh, Juda khawpite sugam a, si-âlte kuo suok sak dingin,” ti’n.

JEREMIA 4:29

Sakawl chunga chu te husa leh thal chawite thawm chun khawpi a mite chuh taisieu untin; gammâng ah tailut untin, suongpi chung haw ah kal un tin; khawpi cheng chuh taihsan untin uh, a sung ah kuomah cheng puo’n au.

JOSHUA 15:63

Himahlele Jerusalem khuo a cheng Jebus te vang chuh Juda suonte chun a nawhdawk thei puou a, khutichun Jebus te chuh Juda suonte tawh tuni tieng hin Jerusalem ah a cheng khawm zing tau hi.

AMOS 3:6

Khawpi a mite sulau lo hielin pengkun a gi ngei em? Lalpa’n a sawl loh chun khawpi ah sietna a tung dinga ahim?

ZEKARIA 6:6

Chun, sakawl vawm umna kangtalai chuh mâllam zuon in a chieh a, sakawl kâng chun a nung a zuia, chun, a buonga pawl chuh simlam ah a chiehdawk ta a.

NEHEMIA 3:5

Chun, amau haw bân chuh Teko mite’n a siemphau a, himahleh, a milien teu chuh Lalpa nasep na achun a kigawlh nuom puou hi.