JEREMIA 52:6 - PATHIEN LEKHABU THIENGTHO (BSI)

⁶ Tha lina, zie tha ni kuo ni chun khawpi sung achun kiel a huoisie mah mah ta a; a gam a mipite a ding chun nek ding himhim a um ta puoh a.

JEREMIA 52:6 ပူးပေါင်းရင်းမြစ်များ

JEREMIA 39:2

Zedekia vaihawm kum sawm le kum khatna, tha lina, ni kuo ni chun khawpi kulh chuh a susieu a.

ISAI 3:1

Ngaitiem u, Lalpa sepaihte Lalpa chun, Jerusalem leh Juda mipite ki-ngakna a nek leh dâwn uh, a matchâk chengcheng leh a set pên uh tui cheng chuh lâksak ding ahi;

JEREMIA 38:9

“Hepu, lengpa, zie mite hin thil gilo huoisie tak a hih tau hi; thiemgau Jeremia chuh leikawhawm ah a paih lut u a, zie mun achun amah chuh gilkiel a thi mai ding ahi: khawpi sung achun chângthâk a um ta puoh ngâla,” a ti a.

2 LENGTE 25:3

Tichun, tha lina, a ni kuo ni tieng chun, kiel a nasa mah mah ta a, a gamsung a mipite nek ding a um ta puoh a.

ZEKARIA 8:19

Lalpa Bangkim hihthei chun hiti hin a tii “Tha lina a anngawlh leh, tha ngana a anngawlh leh, tha sagihna a anngawlh leh, tha sawmna a anngawlhte chuh, Juda inkawte dingin lawpna leh kipahna, guolvakna thatnawp um tak hung hi ding ahi a, zieziekchun, thu dik leh chamna chu ngainau un,” a ti a.

EZEKIEL 14:21

Lalpa Pathien chun hiti hin a ti ngâla, “A sunga mite leh gancha haw sumangthai dinga Jerusalem chunga ka gawtna lite, chemzâm leh kiel leh gamsa hâng haw leh hipi ka tun kim sak tieng chuleh bang tawbanga huoisie ahi ta dem?

EZEKIEL 7:15

Khawpi pawlam ah chemzâm, khawpi sung ah hipi leh kiel: gamlaka um chuh chemzâm in thin tin, khawpi sunga um chuh kiel leh hipi’n ne zo ina.

SUNNA LA 5:10

Kiel huoisiet bêk ziekin, ka vunteu chu thukkhuk bangin a vawm zo ta a.

JEREMIA 25:10

Tichun, amau a kipat lawpna thawm leh a lak u a kipahna thawmte. moneipa leh mo aw te, buh gawih thawm leh thaumei vakte la mang ing ka.

JEREMIA 21:9

Kuole, zie khawpi sunga chêngte chuh chemzâm ahim, kiel ahim, hipi ahim in thi’n au. Kaldai a hun dote khuta kipiete vang chuh suokcha’n au, a hinnau chuh amah a ding in kidona kipahman ding hi’n a.

JEREMIA 19:9

Chun, a chapateu leh a chanuteu sa chuh nek sak ing ka ting; chun a melmateu leh a hinna lak guo ten a ûmkimvel u a, a suklungkham tieng u leh mitin chun a invengte sa chuh ne’n au.”

JEREMIA 15:2

Chun, khawi ah ka chieh mang ding um? ti a a hun dawt tieng u leh hiti hin dâwng in, Lalpa’n hiti hin a tii, ‘Hipi a thi ding haw chuh hipi kawmah, chemzâma thi ding haw chuh chemzâm ah; kiel a thi ding chuh kiel ah, saltâng dingte chuh sal ah,’ ti’n.

DAN NIHNA 32:24

Gilkiel in gawp sîtsiet in au, meipi leh hipi namailo in thawigawt in au, gamsa haw peh sak ka ting, Leivui laka vak gûl gu haw le.

THIEMPUDANTE 26:26

Na nek muh na lampiu hun suktan sak ing ka ting, zie tieng chuleh, numei sawm in thuk khat ah chângthâk kang untin, na chângthâk u chuh teh det det in hun pie kit untin, neu in na tin un vah diek puo’n lau.

JEREMIA 37:21

Tichun, leng Zedekia chun thu a pie a, “Jeremia chuh vengtu huongsung a suongkul achun a na khum unla, nicheng leh chângthâk siempa In apat in chângthâk tang khat na piek dinguh ahi a, khawpi sunga chângthâk a um lai chan na piek dinguh ahi,” tin. Tichun, Jeremia chuh vengtu huongsung achun khum in a um zing ta a.

SUNNA LA 1:11

A mipite chengcheng chu a beidawng u a, chângthâk a hawl u a; A hin theihna dingun a go neihteu cheng chu nek ding thenna’n a mang u a; Mipite chun, “Lalpa en in, ka gimtheih danteu hi” ti’n a kiko u a.

EZEKIEL 5:16

A chung u ah kielna thalchang phalo tak, a manthaina ding u chuh sawl ing ka ting, a hun susie dinga ka hun sawl ding ngêi chuh; na chungah kiel supung ing ka ting, na hinna bulpiu, an chuh susie’ng ka.

EZEKIEL 14:13

“Mihing chapa, gam in ginumlo taka um zinga, a hihkhelh chun, a chunga chuh ka khut tha ding ka hi; a an uh, a hinna bul u chuh susie’ng ka ting, a chung u ah kiel tunsak ing ka ting, a sunga mi leh sa haw chuh sumang ding ka hi.

EZEKIEL 31:1

Chun, kum sawm leh kum khatna, tha thumna, zie tha ni khat ni chun hiti hi ahi a, Lalpa thu chuh ka kawmah a hung tunga.