JEREMIA 51:7 - PATHIEN LEKHABU THIENGTHO (BSI)

⁷ Babulon chuh Lalpa khuta sana khawn, lei chung pumpi kham sakna chuh ahi; nam te chun a uain chuh a dâwn u a, zieziekchun namte lungthim chuh a chavai zo tai,

JEREMIA 51:7 ပူးပေါင်းရင်းမြစ်များ

THUPHUON 14:8

Chun, vânsâwlchâk nihna chun. “Babulon khuo lopi, a mi deihchak nawp zieka. namtin kawma a lungnatna uain dâwnsaknu chuh, a chim tai! a chim tai!” ti’n a kiko a.

THUPHUON 17:4

Zie numei chun puonsandup leh san-au a silh a, sana leh suong mantam leh. tuikawkchang in a kichei a. Sana khawn, thil kihdak-um leh nen a dim, a mi deihchakna thil buok a dim set, a khut in a chawi a.

THUPHUON 18:3

A mi deihchak nawpna zieka lungnatna uain chuh nam chengcheng in a dâwn ta ngâl uh a: leia lengte chun amah nawptalna ziek chun a hauhsak lawh tau hi” ti’n a kiko a.

THUPHUON 17:2

Leia lengte chun amah chuh a deihcha sek uh a, khawvel a mite chule, a mi deihchak nawpna uain chun vâk kham in a um sek ui,” a ti a.

DANIEL 2:32

Zie milim chuh a luchang sana thieng tak ahi a, a âwm leh a bante chuh dangkaguo ahi a, a gil leh a malpi te chu sumeng ahi a;

THUPHUON 19:2

A vaihawmna haw chuh a dik in, a diktat a hi! Amah chun nawhchizuok lopi tak nu, a mi deihchak nawpna zieka leisiet supawlhcheh nu chuh thiemmawh a chan sak a. Pathien in a suokte thisan phuba chuh a la ta ngâla!” a tih ka za a.

THUPHUON 18:23

Thaumei vak le na sung ah vak ta puo’n tin; mo leh moneipa husa himhim le, na sung ah zak hi diek ta puo’n a. Na sumkawlveite chuh khawvel a mi thilhih thei pente ahiu a; na dawi thilhih in khawvel a mi chengcheng chuh na thêm sek ngâl a!

DANIEL 2:38

Zieziekchun, khawia le mihing chate umna taphawt ah gamsate, chung leng vachate, na khut ah a pie a, a bawn u a chunga vaihawm dingin a hun siem a. Sana luchang chuh nangmah ngêi hi na hi.

JEREMIA 50:38

A tui haw chuh kang in a gaw zo ta a, milim haw gam ahi ngâla, milim haw chuh a ngawl lawh u a.

JEREMIA 25:9

ngaitiem u, mâllam a nam chengcheng chuh sam ding ka hi, Lalpa’n a tii. Ka suok Babulon leng Nebuknezar le sam ing ka ting, amanhaw chuh zie gam leh, a sunga mite leh, a kimvel a nam chengcheng hi do ding leh sumangthai vek dingin hun pui ing ka.

ISAI 14:4

Zie ênghona thu hi Babulon leng kiko khum in hun gen un tin, “Bangti dana leng gilo chuh a puk ta a! Bangti dân ahi, sana khawpi chuh a dai kei ta na e!

JEREMIA 13:13

Chun, nang in a kawm u ah, Lalpa chun hiti hin a tii: Ngaitiem u, zie gama cheng haw cheng, David chutphah a chu lengte, thiempute, thiemgaute leh Jerusalem a chêngte chengcheng chuh zukham in sudim ing ka.

EZEKIEL 23:42

A kawm u ah mipi nawpbawl thawm het ahi a, Sabian te leh mi vantâng haw thalek gam apat chun a hung u a, suohpihchan te nih chuh chaucha a buhsak u a, lukhuk hawih tak tak haw a khuksak u a.