JEREMIA 51:6 - PATHIEN LEKHABU THIENGTHO (BSI)

⁶ Babulon khuo sung apat taidawk un la, mitin in amah hinna hukdam hen; a gawt na ziekin mangthai kihen; Lalpa phuba lak hun chuh ahi ngâla. Amah chun din thuk tei ding ahi.

JEREMIA 51:6 ပူးပေါင်းရင်းမြစ်များ

JEREMIA 50:8

“Babulon apat in tai dawk un la, Kaldai te gam apat in chiehdawk un la, kel hawn laka kêlchal bangin um un!

JEREMIA 50:28

Lalpa I Pathien phuba a Ho-In phuba lak na ngêi chuh; Zion a phuong dinga Babulon apat a taidawk leh taimang haw thawm-gi chuh.

JEREMIA 50:15

A kimvel achun heizam sam unla, amah a kipuk tai, a kulh haw chuh a puk ta a, a bang haw chuh a chimtha tai; Lalpa phuba lak ni ahi ngâla. A chungah phuba lau inla, a hih bangin amah chungah hih thuk un.

JEREMIA 51:45

“Ka mite haw, a sung apat hung pawt unla, Lalpa lungnat na lauh um tak apat chun, mitin nangmau kihumbit chiet un.

JEREMIA 25:14

Nam chuom chuomte leh, leng lopi takte chun amau haw chuh suok in a siem tau a, tichun, a thilhih dungzui u leh, a khut nasep dungzui zel un dinthuk ding ka hi,” a ti a.

KISIMNA 16:26

Mipi kikhawm khawm haw kawm a chun a gena, “Zie migilo haw puon-In apat hin pawt un; a bangmah u hi khawih kiu un, khutilochun a gitloh nau hin hun tawkmang kha’n a,” ti’n a gen a.

THUPHUON 16:19

Khawpi lopi tak chuh mun thum in a hung kikhen a, gam chengcheng khawpite chuh sukmangthai in a hung um vek ta a. A lungnatna uain dâwn ding. a lungnatna tâwp khawk khawn a kipata uain dâwn sak dingin, Pathien in Babulon khuo lopitak chuh a hezing ngâl a.

1 TIMOTHE 5:22

Lalpa nasepna dinga lat thiengtho a hih theihna dingin, kuomah chungah na khut nga phut ki’n la; mi dangte gitlohna achun le tel diek ki’n la, nangmah mawng kihihthiengtho zing zaw’n.

JEREMIA 51:50

Nang haw chemzâm a suokcha te haw, chieh unla, ding maimai kiu un. Gamla taka kipatin Lalpa hezing unla; na lungthim u achun Jerusalem cheng zing hen.

JEREMIA 51:11

Thalchang te chuh tâthiem unla, phaw haw chu tuu in. Media leng te lunggil chuh Lalpa’n a chawktho tai. A thilhih guot chuh Babulon suksiet ahi ngâl a, zie chuh Lalpa phuba lak na ahi ngâl a, a Ho-In phuba ngêi chuh.

JEREMIA 51:9

Babulon chuh sukdam ka guo a, himahleh, a dam diek puoh a; amah taihsan in eimah gam chiet ah chieh hitiu; a gitloh na’n van a su a, van dum sukha hiel a dawp san ahi.”

JEREMIA 50:31

“Ngaitie, nang mi chapo, ka hun do na hi, Lalpa, Sepaihte Lalpa chun a tii: na ni a hung tung tai, ka hun gawt na ding ni chuh!

ISAI 48:20

Babulon apat in pawtdawk unla, Kaldai te chuh taihsan meng un! kipâk taka kiko in, “Lalpa’n a suok Jakob a hukdawk tai” ti’n kâwlmawng tiengin kiko unla, va phuongzak un.

JEREMIA 46:10

Zie ni chuh ahi, Lalpa sepaihte Lalpa phuba lak ni, a melmate chunga phuba a lâkna ni chuh. Chemzâm in hun that zo in tin, hun zo ding ahi. A thisan u chuh khawp set in dâwn intin, Sepaihte Lalpa chun mâllam a Euphrates lui pang achun tamtak a that lemlum mai hi!

JEREMIA 27:7

Amah pukna ding hun a tun masang chun gam chengcheng te chun amah leh a chapate leh a chapate chate chanin a na sem un au. Zie zawh tieng chuleh nam tamtak leh leng lopi takte chun amah chuh suok in siem un au.

JEREMIA 25:16

Dâwn un tin, lawn duoi duoi in, kham un au, a lak u a ka sawl ding chemzâm ziek chun,” ti’n.

THUCHINGTE 13:20

Mi pil na kivawppih chun, nang le hung pil in na tin, himahleh, mi ngawl na kivawppih vang chun gimtheihna thuok in la.

DAN NIHNA 32:43

“Aw, nanguh namtin te haw, a mite tawh kipâk un; A suokte thisan phuba chuh la ding ahi ngâla; Amah dote chungah phuba la ding ahi, A gam leh a mite dingin kichamna bukim siem ina.”

DAN NIHNA 32:41

Ka chemzâm te zawlzawl ka tathiem a, vaihawmna ka khut in a tuk tieng, Ka melmate chungah phuba la’ng ka ting, ei hawte chuh din thuk ing ka.

DAN NIHNA 32:25

Pawlam ah chemzâm in thi’n tin un; In sung ah tizatna’n. Nungak tangval mangthai in au, nausen nawichep laite leh sam kangte tiengin.

ISAI 63:4

Phulak ni chuh ka lunggil ahin ka guot ta a, hukdawkna na ka sep na ding kum chuh a hungtung tai!

JEREMIA 48:6

‘Taimang unla, na hinnau kihukbit un; gamthip a sabiltung guol in um un.’

JEREMIA 51:36

Zieziekchun, Lalpa’n hiti hin a tii: “Ngaitie, nang lam ah pang ing ka ting, na phuba hun lak pih ing ka; a tuipi te chuh sukkang sak ing ka ting, a tuinak haw chuh kang in a.

JEREMIA 51:56

A chungah hihsie pa a hung tung a, Babulon chung ngêi achun; a mihat te chuh mat in a um u a: a thalpiteu chuh a bawng zo tai. Lalpa chuh phuba la Pathien ahi ngâla, dinthuk ngêi ina.

SUNNA LA 3:64

A thilhih teu ziek chun, Aw Lalpa, gawt tei in.

SAM LEHKHABU THE PSALMS 94:1

Aw Lalpa, nang phuba la Pathien, Nang phuba la Pathien, salhvak inla,