JEREMIA 51:53 - PATHIEN LEKHABU THIENGTHO (BSI)

⁵³ Babulon chuh van dawt hiel in sang hen la, a kulhbang te chuh sudet mah leh; ka kawm apat in a chungah sietna hung tung tho tho ding ahi tih hi Lalpa kamsuok ahi.”

JEREMIA 51:53 ပူးပေါင်းရင်းမြစ်များ

JEREMIA 49:16

Na lauh-umna chuh thepna ahi a; lunggil a na chapo na chuh, Aw nang, kâwl sang chunga suong kal a tângsip a cheng sek; mupi guol in na bu chuh sang takin sieh mahleh chin, zie apat chun hun latha tho tho ding ka hi, tih hi Lalpa kamsuok ahi.”

THILSIEMBUL 11:4

“Khai, hung tiem u, khawpi kisiem hiting un, insang a sip in van supha hiel dingin sai ting un, I min uh suthang hitiu; khutilochun lei chung pumpi ahin thehzak in um khâi tiu,” a kitiu a.

JEREMIA 51:25

Ngaitiem u, lei chung pumpi susie, Aw susiepa tâng lien ka hun do na hi tih hi Lalpa kamsuok ahi. Na chungah ka khut tha’ng ka ting, kâwl lêk sang apat in hun lik tha ding ka hi; tâng katum sa’n hun siem ing ka.

AMOS 9:4

A melmateu ma ah salin chieh mahleu, zie a chemzâm chuh thu pie’ng ka ting, amau haw sat lum intin, a phatna dinguh hilo in, a sietna dingun a chunguh ah ka mit hak ing ka ting.”

DANIEL 4:30

a mah chun, “Zie Babulon khuo lopi tak hi keimah hatna ngêi leh, thilhih theihna a ka chênna ding leh, ka lopina leh ka thupi na suklatna dinga ka siem hilo ahim?” ti’n a gen a.

JEREMIA 51:58

Sepaihte Lalpa chun hiti hin a tii: Babulon kulh bâng sah tak te chuh chim vek intin, a kawtpi sang tak te chuh mei in ka-tum vek ina; a mite chun a thâwn in a sem u a, namte chuh mei a hâl ding maia kisuchawl ana hiu ui.” ti’n.

JEREMIA 51:48

Khutichun, lei leh van leh a sunga um chengcheng te’n, Babulon chunga kipâk in lasau un tin, mâllam a kipatin susie ding te a kawmah hung ding ahi ngâl a, tih hi Lalpa kamsuok ahi.

JEREMIA 51:11

Thalchang te chuh tâthiem unla, phaw haw chu tuu in. Media leng te lunggil chuh Lalpa’n a chawktho tai. A thilhih guot chuh Babulon suksiet ahi ngâl a, zie chuh Lalpa phuba lak na ahi ngâl a, a Ho-In phuba ngêi chuh.

JEREMIA 50:45

Zieziekchun, Babulon chunga Lalpa thil guot, Kaldai te chunga a thil guot chuh ngaithau in, gan guol nokai haw chuh sukmang in um untin, gan tatna muna mite chuh tiza’n au.

JEREMIA 50:25

Lalpa chun gâlvan bawm a hawng tai, a lungnat na matchâk haw chuh a ladawk tai. Lalpa sepaihte Lalpa chun Kaldai gam ah hih ding a nei hi.

JEREMIA 50:21

“Merathaim gam chuh do unla, a gam leh Pekod gam luoh haw chuh that unla, abawn a gam in sumangthai un, thu ka hun piek bang zel in hih un tih hi Lalpa kamsuok ahi.

ISAI 47:7

Chun, Kei hi kumlekhuo’n lengnu’n um ing ka ting, na ti a; na hung tâwp ding dante ngaihtuoh phalo hielin na um a.

ISAI 47:5

Lalpa’n Babulon kawm achun, “Thipkei in thim lak ah chu’n la; namtin lengnu hun ti talo ding a hi ngâl u a!

ISAI 41:25

“Mâllam apat in mi khat ka chawktho a, tichun, a hung ta a, ni suohna lam apat in amin in a sama. Amah chun vaihawmtute chuh buonthuok bang phetin a chil nawi a, bêldêngte’n tung a mêk bang phet un.

ISAI 13:17

Ngaitie, Median te chuh Babulon do dingin chawktho ing ka ting, amau haw chun dangka ngaihsak puou untin, sana le kipahpih diek puo’n au.

JOB LEHKHABU THE BOOK OF JOB 20:6

A phatna chun van suhiel henla, A luchang chun mei lak khu va pha mah leh,

JEREMIA 51:56

A chungah hihsie pa a hung tung a, Babulon chung ngêi achun; a mihat te chuh mat in a um u a: a thalpiteu chuh a bawng zo tai. Lalpa chuh phuba la Pathien ahi ngâla, dinthuk ngêi ina.

AMOS 9:2

Sheol tiengin lai vang mahleu le, zie apat chun ka khut in ladawk ing ka ting, van ah kal leu le, zie apat chun zuk tha’ng ka.

HABAKKUK 2:9

Migilo apat bit theihna ding leh, sang taka bu a seh theih na dinga a In a ding a diklo taka lawkna la te chung chuh a gik hi!