JEREMIA 51:5 - PATHIEN LEKHABU THIENGTHO (BSI)

⁵ Israel leh Juda chuh a Pathien uh, Sepaihte Lalpa chun a taihsan puoh ngâla, A gam u achun Israel Mi thiengtho chunga gitloh na dim mahleh.

JEREMIA 51:5 ပူးပေါင်းရင်းမြစ်များ

1 LENGTE 6:13

Chun, Israel chate lak ah hin cheng ing ka ting, ka mi Israel te haw hi thahtham puo’ng ka,” a ti a.

2 LENGTE 21:16

Lalpa mitmuha thil gilo tak hih a, Judate milim ho dinga a puih mang tih loh in, Manasseh chun gitlohna neilo, mi tamtak a that a, Jerusalem khawpi sung chu thisan in a luong hiel hi.

EZRA 9:9

Saltâng chu vang ka hiu a, himahleh, ka Pathien u chun sala ka tân sung un le ei thahtham diek puoi. Khutichun, Persia leng mitmuh a lainatna ei pie a, halhthakna ei pie ding leh ka Pathien uh In ding sak kit ding thu leh Juda leh Jerusalem kulhbang ei pie kit dingin.

SAM LEHKHABU THE PSALMS 94:14

Lalpa chun a mite hengilh ding ahi puoh ngâl a, A gochan chuh taihsan diek puo’n a.

ISAI 44:21

“Aw Jakob te haw, zie thil haw chuh hezing un; ka suokte na hiu a; ken ka hun siem na hiu a, ka suokte na hiu a, Aw Israel, hun hengilh ngeilo ding ka hi.

ISAI 51:15

“Himahleh, kei hi Lalpa na Pathien, tuipi kinawk gi zungzung te sukhenpa chuh ka hi ngâl a. Ka min chuh Bangakai hihthei Lalpa ahi.

ISAI 62:12

Tichun, amau chuh “Mi Thiengtho, Lalpa hukdam sate” tih hiu intin, chun, nang u chule, Khawpi nutsieh a um hilo in, “Hawldawk a um,” ti a sap hita’n lau, a ti a.

JEREMIA 14:19

Juda chuh na paih thak kei ahim? Zion chuh na hing muhdah ahi ta’m? Bang zieka sukdam na umlo hiela kei uh nei thawk sak ahim? Muonna ka hawl u a, mahleh phatna bangmah a hung tung puoi. Sukdam na ding hun le, ngaitie, lauhthawng na mai ahi.

JEREMIA 14:9

Bangati a mi lungkie tak a um bang leh, pasalpha hukdam theilo tawbang mai a um na him? Mahleh, Aw Lalpa nang chuh ka lak uh ah na um a, na min pu ka hiu a, ei taihsan ki’n.

JEREMIA 16:18

Tichun, a luong uh kihdak-um thil haw chun ka gam a subuok u a ka gochan chuh manlohna a a sukdim tâk ziekun, a gitlohnau chuh a lehnih in dinthuk ing ka, tih hi Lalpa kamsuok ahi.

JEREMIA 19:4

Kei ei kiheimangsan u a, zie mun hi a subuok u a, amau leh a suonteu leh Juda leng te’n le a hêtkhâk loh uh pathien dangte kawmah gimlim a hâl ziekun leh zie mun hi pawi khawih lo thisan a a sukdim tâk ziek un.

JEREMIA 23:15

“Zieziekchun, thiemgaute chungchâng thu achun, Lalpa sepaihte Lalpa chun hiti hin a tii: Ngaitiem u! gamsai in hun vak ing ka ting, tui kha hun dâwn sak ding ka hi; Jerusalem thiemgaute kawm apat chun, gamsung pumpi ah Pathien khawksak lohna chuh a pawt ta ngâl a!”

JEREMIA 31:37

Lalpa chun hiti hin a tii: “Chunglam van khuh teh theih a hih a, nuoi lam a lei kingaknate hi hawl dawk theih a hih chun, Israel suonte chuh a thil hihsateu ziekin paihmang ing ka, tih hi Lalpa kamsuok ahi.”

JEREMIA 46:28

Aw Jakob, ka suokpa, lau ki’n ka hun um pih zing hi, Lalpa’n a tii. Ka hun delhzak na gam haw cheng chuh sutawp ing ka ting, nang vang hun sutawp puo’ng ka; ahi’n gawtna diktak in hun gawt ing ka ting, gawt loh in vang hun suohchak sak puo’ng ka.”

JEREMIA 50:20

Zie ni leh hun achun Israel thulimlohna chuh hawl untin uh, mahleh mu puo’n au. Juda thilhihkhelh le muh ding um diek puo’n a; a um dinga ka sîtte chuh ngaidam ding ka hi ngâla, tih hi Lalpa Pathien kamsuok ahi.”

JEREMIA 51:19

Jakob chanvo chuh vang khuti bang chuh ahi puoi, thil chengcheng bul a hi ngâla: Israel hi a goluoh nam ahi a; Amin chuh Sepaihte Lalpa ahi.

EZEKIEL 8:17

Khutichun, amah chun ka kawmah, “Aw, mihing chapa, ziehi na mu? Thil tenum a hih uh, zie a a hih u hi Juda inkawte dingin thil maimai ahim? Gam sung chuh kipawngbawlna’n a sudim u a, ei sulungna dingin a hungkit u a, a nak uh theubawk in a huk u a.

EZEKIEL 9:9

Ziephet chun, amah chun ka kawmah, “Israel leh Juda insung mite gitlohna hi alien bekseka ahi; gamsung chuh thisan suohna’n a dima, khawpi sung chuh diklo taka vaihawmna’n a dim ta ahi; ‘Lalpa’n gam chuh a nusieh ta a, Lalpa’n bangmah a mu dang e!’, a ti ngâl u a.

HOSEA 1:10

Himahlele, Israel chate chuh tuisuohgiet pîlnel banga tamin simsenloh leh teh theih loh a tam hung hin au. Tichun, Pathien in a kawm u ah, “Ka mite na hi puou hi,” a tihna mun ngêi a chun “Pathien hing chate na hiu ui tih ni hungtung in a,” ti’n.

HOSEA 2:1

Na suohpih pasalte kawm achun “Ammi” tiu inla, na suohpih numeite kawm achun “Ruhamah” tiu un.

HOSEA 2:3

A khutih loh a ahih chun a pienni a sangawn a a um bang khan umsak ing ka ting, a silhlechente lipthâk sak ding ka hi. Gamgaw leh bangmah keh lohna bangin siem ing ka ting, tichun dangchâk a thi ding ahi.

HOSEA 4:1

Israel mite haw, Lalpa thu hi ngaitha tiem u: gamsung ahin thutak leh lungsietna leh Pathien hetna a um loh ziekin, Lalpa chun zie gam luohte hi thiemmawh hun chansak ding ahi.

HOSEA 4:2

Thu a tiem u a, a bawhsie zel u a, lepchieh a gen u a; tuol a that u a, a guchau a, zawl a sai tau ahi. Gitlohna a pung a, thisan suoh a kiphamat zing ahi.

MIKA 7:18

Aw Lalpa, nang tawbang Pathien, a goluoh ding a mite, a suokcha sunte gitlohna ngaidam leh a sukkhelhnau subei dang a um puoi. A lungnat na chu kumlekhuo’n a vawp zing puoh a, zahngaihna chuh a kipahpih lam tak ahih ziekin.

MIKA 7:20

Malaia ka pileputeu kawma na tiem guol khan Jakob kawm achun na ginumna sulang in na tin, Abraham kawm achun na zahngaihna sulang ding na hi ngâla.

ZEKARIA 12:6

Zie ni chuleh Juda lalte chuh thing kitik kuong laka bel so vutvut bangin siem ing ka ting; buhpawl mei in a kâk bangin siem ing ka. Tichun, changlam leh veilam a cheng, namte cheng chuh kâng tum ina. Chun, Jerusalem mite chuh amau mun ngêi khawpi a chun bit takin um zing un au.

ZEKARIA 12:8

Zie ni chuleh Lalpa chun, Jerusalem luohte chuh humbit intin; zie ni chuleh, a lak u a hatlo pên chule, David tawbang a hât hung hi’n tin, Tichun, David insung chuh Pathien tawbang hung hiu un tin, amau haw masang achun Lalpa vânsâwlchâk tawbang in ma pui un au.

ZEKARIA 2:12

Chun, Lalpa chun gam thiengtho a a chanvo dingin Juda chuh gochan in chang intin, Jerusalem chuh hun tel ina.

1 SAMUEL 12:22

Amin lopi tak ziek hin Lalpa chun a mite chu kilehheisan ding ahi puoh ngâla: A mite dinga hun siem chu Lalpa kipah lam tak ahi ngâla.