JEREMIA 51:13 - PATHIEN LEKHABU THIENGTHO (BSI)

¹³ Aw, nang tui tampi chunga cheng, sumlepai hau mah mah, na tâwp na chuh a hung tung tai; na hinna khau a tan tai.

JEREMIA 51:13 ပူးပေါင်းရင်းမြစ်များ

THUPHUON 17:1

Chun, vânsâwlchâk sagih, belhbu sagih chawite laka khat chuh ka kawmah a hung a, ka kawmah, “Hung tie, luipi tamtak panga kisa, khawpi lopi taka nawchizuok lopitak nu gawtna ding chuh hun etsak ding ka hi.

THUPHUON 17:15

Vânsâwlchâk mah chun ka kawmah, “Nawhchizuoknu chutna tui na muh te khah, namte, mipite, chitin te leh pau tinte hi ahiu hi.

ISAI 45:3

Kei hi Lalpa na min a hun sampa leh, Israel Pathien chuh ka hi tih na hettheih na dingin thim laka go thil kiselgute leh ning thip a go kisel gute chuh hun pie ding ka hi.

JEREMIA 51:36

Zieziekchun, Lalpa’n hiti hin a tii: “Ngaitie, nang lam ah pang ing ka ting, na phuba hun lak pih ing ka; a tuipi te chuh sukkang sak ing ka ting, a tuinak haw chuh kang in a.

THILSIEMBUL 6:13

Chun, Pathien in Noah kawm achun, “Phehlevo chengcheng tawpna chuh ka ma ah a hung tung tai; amau haw ziekin lei hi kipawngbawlna’n a dim zo ta ngâl a; tichun ngaiin, a lei pum in sumangthai ding ka hi.

THUPHUON 18:19

Chun, kap leh mau kawmin, “Khawpi lopi tak nu, a neihzawhna zieka tuipi a kuong neite chengcheng hung neihzawhna chuh a chung a gik ie! a gik ie! Dâkkâl khat sung mai in, bangmahlo mai a hung suok mai tâk hi!” ti a kiko in, a lu chung u ah leivui a buok uh a.

2 PETER 2:3

Chun, sumduh ziekin, lepchieh thu’n sumkawlveina’n hun mang un tin; himahlele, masang apat a a chungthuu tanna ding chuh guot zawhsa ahi ta a, amau haw hihsie ding pa chu le a ipmu diek puoi!

1 PETER 4:7

Himahlele, thil chengcheng tawpna ding chuh a nai ta a. Zieziekchun, na paucham theihna dingun, lungthim diktak pu’n, chingkieu in um un.

AMOS 8:2

Lalpa chun ka kawmah, “Amos, banga na muh?” ei ti a. Chun, kei chun, “Nipi theigah bawm,” ka ti a. Chun, Lalpa chun ka kawmah, “Ka mi Israel te chungah tawpna a hungtung tai, amau haw chiehpel kit ta puo’ng ka!” a ti a.

DANIEL 5:26

Ziehi a hilhchetna chuh ahi: MENE: Pathien in na lalgam nite chuh a sim zo ta a, a tâwp a tung tai.

SUNNA LA 4:18

Melmate’n I kalsuon teu a entha zing u a, khawlai ah I vak dawk ngam ta puou a; I tâwp na dinguh a nai ta a, I niteu a kiem a; I tawpna dinguh a tung tai.

JEREMIA 50:37

A sakawl teu leh kangtalaite chung ah chemzâm chu’n tin, a sunga gamdang mite chung ale, numei guol mai hung hi’nau; a go thil chung u ah chemzâm, suom a um ding ahiu hi.

JEREMIA 50:31

“Ngaitie, nang mi chapo, ka hun do na hi, Lalpa, Sepaihte Lalpa chun a tii: na ni a hung tung tai, ka hun gawt na ding ni chuh!

JEREMIA 50:27

A bâwngchal tuoi haw chuh that unla. a bawn in that vek un. A chung a gik na e! Ani a hung tung ta ngâla, amau haw gawtna ding ni ngêi chuh.”

JEREMIA 17:11

Mi, diklo taka hung hausa chuh, vasie, amah tui hilo awpkêu tawbang a hi a, ziehaw chun a damsung ngêi in amah chuh nusieh intin, a tâwp leh mingawl hung hi mai ina.

ISAI 43:14

Israel Mi Thiengtho, a hun Tandawkpa chun hiti hin a tii, “A hun tandawk dingin Babulon achun sepaihte ka sawl a; khawpi kulh kawtkhakte chuh hihsie’ng ka ting, a Kaldai te kiko thawm chuh kahna suok ina.

ISAI 57:17

A gitloh ziek u leh, a huoiham ziekun a chungu ah ka lungna a, ka gawt a, ka kiheisan ta a. Himahleh, genhak takin a um u a, amau lampi chiet ah a kiheimang tau hi.

SAM LEHKHABU THE PSALMS 137:1

Babulon lui pang haw achun, Zie chun ka chuu a, ahi, ka kap sek ui, Zion ka ngaihtuoh tieng u leh.