JEREMIA 51:11 - PATHIEN LEKHABU THIENGTHO (BSI)

¹¹ Thalchang te chuh tâthiem unla, phaw haw chu tuu in. Media leng te lunggil chuh Lalpa’n a chawktho tai. A thilhih guot chuh Babulon suksiet ahi ngâl a, zie chuh Lalpa phuba lak na ahi ngâl a, a Ho-In phuba ngêi chuh.

JEREMIA 51:11 ပူးပေါင်းရင်းမြစ်များ

JEREMIA 46:4

Sakawlte chuh van puokna siem sak unla; sakawl chung chuong mite chuh a chungah chuu hen; thik lukhuk khu’n ding det unla, na tiengcha teu chuh tâthiem unla, thik awmphaw te chuh ki-âk un.

JEREMIA 50:45

Zieziekchun, Babulon chunga Lalpa thil guot, Kaldai te chunga a thil guot chuh ngaithau in, gan guol nokai haw chuh sukmang in um untin, gan tatna muna mite chuh tiza’n au.

JEREMIA 50:9

Ngaitiem u, Babulon hun do ding mâllam apat nam lopi tak um khawm haw chuh hun chawktho ing ka ting, amah do dingin kiguong un tin; zie apat chun lâk in um ta’n a Gâldo thiem tak, thalpi kapa a dawihna khiel ngeilo tawbang hi’nau.

JEREMIA 46:9

Aw sakawlte haw mâllam nawh unla, kangtalaite haw buluh un. Gâl hatte chun makai unla, Ethiopia leh Libia mite phaw chawite leh Ludia mi thalpi kap thiem haw chu tawh.”

ZEKARIA 14:12

Chun, Jerusalem dote chunga Lalpa’n hipi a lênsak ding chuh zie hi ahi: A keng uh a ding zing lai chuh a taksau chuh hung muot intin, a mitkuok sung uh a a mitchangteu muot in tin, a kam sung uh a a leiteu le muot mang ina.

ZEKARIA 14:2

Lalpa’n Jerusalem do dingin nam chengcheng sam khawm ding ahi ngâl a. Khawpi chuh lâk in um intin; Inhaw chule suksiet hi’n tin, numeite chuh pawngsuol in um un au. Khawpi a mi kimkhat chuh sala puih in um un tin, mipi nutsieh a umsunte chuh khawpi apat in sukmang hi puo’n au.

JEREMIA 51:35

“Kei leh ka taksa chunga hiemngam na thilhih hi, Babulon chungah tung hen,” Zion a cheng te’n ti’n au; “Ka thisan chuh Kaldai te chungah um hen,” Jerusalem in ti’n a.

JEREMIA 51:24

Nang mah mitmuh ngêi in Zion chunga thil phalo a hih teu chengcheng chuh Babulon leh Kaldai mite chungah dinthuk ing ka tih hi Lalpa kamsuok ahi.

JEREMIA 51:12

Babulon khawpi do na’n puonzak tâk dawk un la, gâlven na hih hat un, gâl veng ding kawih un; lambut na ding siem unla; Babulon chungchâng thu a Lalpa’n a gen kha a ngaihtuoh a, a hih zo ta ngâla.

JEREMIA 50:25

Lalpa chun gâlvan bawm a hawng tai, a lungnat na matchâk haw chuh a ladawk tai. Lalpa sepaihte Lalpa chun Kaldai gam ah hih ding a nei hi.

ISAI 46:11

Suohlam apat a mi hung dingin ka sama, Mu bangin hung leng suk un tin, Ka thil gente chuh hun hih bukim in a. Ka guonggalh zo ta a, hihin um ngêi ina.

ISAI 45:5

“Kei hi Lalpa ka hi a, Pathien dang himhim a um puoi; nangin ei helo mah leh chin le, hatna hun pie ding ka hi.

ISAI 45:1

Lalpa’n Kura chuh leng dingin a tel ta a. Nam lien takte zo dingin a tel a, lengte thuneihna lâksak dingin a sawl a; tichun Lalpa’n khawpi kawtte chuh amah a dingin hawng ina. Lalpa chun Kura kawm achun,

ISAI 41:25

“Mâllam apat in mi khat ka chawktho a, tichun, a hung ta a, ni suohna lam apat in amin in a sama. Amah chun vaihawmtute chuh buonthuok bang phetin a chil nawi a, bêldêngte’n tung a mêk bang phet un.

ISAI 21:5

Kilâkna ka muhna achun, guolvakna a guonggalh zo tau a; puon phah chuh malzinte chutna dingin a kiphah a. A neu in, a chau a, hatkhat in thupiek a hun gen dawk u a: “Miliente haw, na phawteu guonggalh vak un,” a tiu a.

ISAI 21:2

Kilâkna lungkham um tak ka kawma het sak ahi tai; lepchieh taka hihpa chun, lepchieh takin a hih a, hihsie sekte chun a hihsieu hi. Elam sepaihte chun a do u a! Media sepaihte chun khawpi chuh a sim tau a! Babulon te’n gimtheihna a bawlteu chengcheng chuh ka suhai vek tai.

ISAI 10:26

Oreb suongpi a Midian te a thah lai u bang khan, Sepaihte Lalpa chun amah gawtna dingin sepna chuh chawktho intin, a mawlh chuh tuisuohgiet chunglam ah lâm intin, Aigupta gama a lap bang khan zêp ina.

EZRA 1:1

Persia leng Kura vaihawm kum khatna ah Jeremia kama Lalpa thugen chuh a guitun theih na dingin a gamsung a phuonzak ding leh zik thawh ding in Lalpa’n Persia leng Kura lungthim chuh a chawktho a.

2 KHANGTHUBU 36:22

Chun, Persia lengpa Kura hung lal kum khatna achun, Lalpa’n thiemgau Jeremia manga a na thugen te chu a guitun kim theih na dingin; zie thu piekte hi zik thawh a thakdawk a, a gamsung pumpi a ngeihtaka sim dawk dingin leng Kura lungthim a chawktho ta a.

1 KHANGTHUBU 5:26

Khutichun, Israel Pathien chun, Asuria gam awptu Pul (Tiglath Pileser le kiti) lunggil chu a chawktho ta a, amah chun Reuben te, Gad te leh Manasseh nam kimkhatte chu a man a, Halah, Habor leh Hara leh Gozan lui haw achun a puimang a, tuni tiengin a um tau hi.

1 LENGTE 11:23

Chun, Pathien in Solomon melma dingin Eliada chapa Razon, a pu Hadadezer, Zobah leng kawm apat taimang sa kha a hun tungdawk kit a.

1 LENGTE 11:14

Chun, Lalpa’n Edom mi, Hadad chuh Solomon melma dingin a hun tungdawk ta a: amah chu Edom gama leng suon ahi.

THIEMPUDANTE 26:25

Na chung u ah chemzâm pan ing ka ting, zie chun thuthun na bawhsiet ziekun phuba la’n tin, na khawpiteu a na taihkhawm tieng u leh na lak u ah hi lênsak ing ka ting, melmate khuta piek hi’n lau.

JEREMIA 25:25

Zimri lengte, Elam lengte leh, Media lengte cheng;

JEREMIA 46:3

“Gâlvan leh awmphaw siem unla, kidona mun chuh naih un.

JEREMIA 50:3

“Mâllam a kipatin amah chuh nam khatin a hun sim a, zie chun a gam chuh suhawm intin, zie tak achun kuomah cheng ta puo’n au! Mihing leh gamsa haw chuh tai mang untin, zie tak achun kuomah cheng ta puo’n au!

JEREMIA 51:36

Zieziekchun, Lalpa’n hiti hin a tii: “Ngaitie, nang lam ah pang ing ka ting, na phuba hun lak pih ing ka; a tuipi te chuh sukkang sak ing ka ting, a tuinak haw chuh kang in a.

DANIEL 5:30

Zie zan mah mah chun Babulon leng Belshazar chuh thah ahi ta a.

JOEL 3:9

“Ziehi namte lak ah phuong unla: ‘Kido dingin kiguonggalh un; na gâl hatteu sam un la; na sepaihteu cheng khawm unla, chieh un!

JOEL 3:10

Na lei lehnau thikzum chuh chemzâm in sek un la; na theikung thawhhahnau chemchate chuh tiengcha dingin sek un: Mi hatlo in le, Ka hât hi, ti hen.