JEREMIA 50:9 - PATHIEN LEKHABU THIENGTHO (BSI)

⁹ Ngaitiem u, Babulon hun do ding mâllam apat nam lopi tak um khawm haw chuh hun chawktho ing ka ting, amah do dingin kiguong un tin; zie apat chun lâk in um ta’n a Gâldo thiem tak, thalpi kapa a dawihna khiel ngeilo tawbang hi’nau.

JEREMIA 50:9 ပူးပေါင်းရင်းမြစ်များ

JEREMIA 51:11

Thalchang te chuh tâthiem unla, phaw haw chu tuu in. Media leng te lunggil chuh Lalpa’n a chawktho tai. A thilhih guot chuh Babulon suksiet ahi ngâl a, zie chuh Lalpa phuba lak na ahi ngâl a, a Ho-In phuba ngêi chuh.

JEREMIA 50:29

“Babulon do dinga thal kap thiem, thalpi mang thiem chengcheng chuh samkhawm un: a kimvel ah bûk sau unla, kuomah pawtdawk kiu hen. A thilhih bang zel in din thuk un; a thilhihsa haw cheng chuh a chungah hih un; Lalpa, Israel mi thieng tho chuh a cho ngam ngâla.

JEREMIA 50:26

Gam gi ning tin apat chun hun do unla, a go kawihkhawmna in haw chuh hawng vek unla, susie vek unla, bangmah sit kiu in.

JEREMIA 50:21

“Merathaim gam chuh do unla, a gam leh Pekod gam luoh haw chuh that unla, abawn a gam in sumangthai un, thu ka hun piek bang zel in hih un tih hi Lalpa kamsuok ahi.

JEREMIA 50:14

“Thalpi chawi chengcheng te haw, Babulon kimvel in kitieng unla; thal in kap unla, thalchang chuh lên kiu in, Lalpa chungah a gilo ngâl u a.

JEREMIA 50:3

“Mâllam a kipatin amah chuh nam khatin a hun sim a, zie chun a gam chuh suhawm intin, zie tak achun kuomah cheng ta puo’n au! Mihing leh gamsa haw chuh tai mang untin, zie tak achun kuomah cheng ta puo’n au!

JEREMIA 15:14

Gam na hêtkhâk loh u achun na melmateu lak ah hun kawih ing ka. Ka lungnat na mei na chunguh ah a kuong dawk ta ngâl a,” ti’n.

ISAI 41:25

“Mâllam apat in mi khat ka chawktho a, tichun, a hung ta a, ni suohna lam apat in amin in a sama. Amah chun vaihawmtute chuh buonthuok bang phetin a chil nawi a, bêldêngte’n tung a mêk bang phet un.

ISAI 21:2

Kilâkna lungkham um tak ka kawma het sak ahi tai; lepchieh taka hihpa chun, lepchieh takin a hih a, hihsie sekte chun a hihsieu hi. Elam sepaihte chun a do u a! Media sepaihte chun khawpi chuh a sim tau a! Babulon te’n gimtheihna a bawlteu chengcheng chuh ka suhai vek tai.

2 SAMUEL 1:22

Thahte thisan apat leh mi milien thau apat in, Jonathan thal chu a vaikit puoh a, Saul chemzâm chu a thawn in a vaikit kha puoi.

SOLOMON LA 3:8

A bawn un chemzâm a kivawp ui, kido thiem mi ahiu; mitin in chemzâm a vawp ui, a khelpi chungu ah, zan a mang lauh-um ziekin.

JEREMIA 25:14

Nam chuom chuomte leh, leng lopi takte chun amau haw chuh suok in a siem tau a, tichun, a thilhih dungzui u leh, a khut nasep dungzui zel un dinthuk ding ka hi,” a ti a.

JEREMIA 25:26

Mâllam lengte cheng, a gamla leh a nai te, a bân banin, lei chunga um, khawvel lalgam chengin a dâwn zawh tiengu leh, Sheshak lal in dâwn ina!