JEREMIA 5:21 - PATHIEN LEKHABU THIENGTHO (BSI)

²¹ Aw hetthiemna neilo, mingawlte haw, mit nei ngâla mulote; bil nei ngâla za lote haw, zie thu hih ngaitha tiem u.

JEREMIA 5:21 ပူးပေါင်းရင်းမြစ်များ

EZEKIEL 12:2

“Mihing chapa, helchîng inkuon, muh na ding mit nei ngâla mu diek lote, zak na ding bil nei ngâla za diek lote laka cheng na hi; helchîng inkuon himhim ahi ngâl u a.

NASEPTE 28:26

‘Chieh inla, zie chite kawma hin va gen ah: Bil in vang chuh zau in na tin uh, himahleh, hechien diek puo’n lau; muh chuh muu in tin uh, hedawk diek puo’n lau:

ROME 11:8

Pathien Lehkha thu’n, “Pathien in tuni tiengin, a kawm u ah vuonpaihna thagau a pie a, khuo muh theih lohna mitte leh, khuozak theih lohna bilte tawh,” ti a a gen guol khan.

JOHAN 12:40

“Pathien in a mit uh a hih dûk a, a lungthimteu a khâk sak a, Khutilochun a mit un mu khau un tin uh, A lunggil un he kha’n au, Tichun, hung kihei kit khau untin, Ken amau haw a na hihdam khang ka,” ti a a na gen ziek hin.

JEREMIA 4:22

Ka mite chuh a ngawl bêk u a, ei he ngâl puou a; naupang ngawl hetna neilo bang mai ahiu hi. Thil gilo hih a thiem u a, thilpha hih dân vang a thiem puou hi.

MARK 8:18

Mit nei ngâl in, na mu puou maw? Bil nei ngâl in na za puou maw? na hezing puou maw?

JEREMIA 8:7

Ahi, tuivakang in amah hunbi a kihet a, vakhu leh pielpate, tuivate chuh a hun tak in a hung tung sek u a; ka mite’n vang Lalpa thuguot chuh a he puou hi.

JEREMIA 5:4

Chun, kei chun, ziehaw hi mi gimthei ahiu a, a ngawl ahiu. Lalpa dân lampi chuh a he puou a, a Pathien uh vaihawm dân chuh a he puou hi.

ISAI 44:18

Zie tawbang mi chuh mingawl, a thilhih uh bang ahih helote ahiu ui. Thutak lam achun a mit u leh a lungthim teu a sudûk sek ui.

SAM LEHKHABU THE PSALMS 94:8

Mi laka mingawl te haw, ngaihtuoh tiem u! Mingawl haw, bangtik leh ching ding na hiu hi?

ISAI 27:11

Thing bawkte chuh hung vuoi tha’n tin, bawng intin, tichun, numeite’n meia tih dingin chawm khawm un au. Mipite chun bangmah het theihna mawng mawng a nei puou a, a siempau Pathien in lungsietna leh a chung u a zahngaihna himhim latsak ta puo’n a.

THUCHINGTE 17:16

Zil ding lungthim le neilo mingawl khuta chuh bang zieka thiemna chawkna dinga paisa kikawih ding ahim?

DAN NIHNA 32:6

Aw, mingawl leh chinglote haw, khutichun maw Lalpa chuh na ditthuk dinguh? Ahun hing na pa hilo maw, a hun siem, Nam khata hun siema, hun phutdet chuh?

DAN NIHNA 29:4

Ahihziekin, tuni tieng hin Lalpa’n hetthiemna lungthimte, muh theihna mitte leh het theihna bilte a hun piek loh na hiu hi.

HOSEA 7:11

Ephraim chuh vakhu lungmawl, hetthiemna neilo tawbang ahi a, a mite chuh Aigupta kawmah panpihna ngên in a chieh u a, a zawhin Asuria te kawmah a tai kit u a.

JEREMIA 10:8

Amau chuh mi mawl leh mingawl ahiu a, milim pathien teu apat chun ngawlna a sinsak u a.

MARK 4:12

Khutichun, ‘En en un tin uh, mu diek puo’n au; Ngaitha, ngaithau intin, he thei diek puo’n au. Khutilochun, Pathien lam ah kihei untin, A na ngaidam kha’n a,’” a ti a.

ROME 1:20

Pathien in khawvel a siem a kipat, a thil muh theih loh, a kumkhuo thilhih theihna leh a Pathien zie chuh chientaka muhin a um ngâl a; thilsiem achun a kilang a, zieziekchun paulap ding a nei puou hi.

ISAI 43:8

Mit nei ngâla mu theilo leh bil nei ngâla za theilote chuh hun puidawk un!

JEREMIA 5:20

Jakob insung achun zie thu hih phuong un la, Juda gam achun phuongzak un.

JEREMIA 6:10

A hettheih ding un kuo a ka hopih ding, kuo a ka sap ding? Ngaitie, bilvih loh ahiu a, a za thei puou a, Lalpa thu chuh amau dingin nuihzat um ahi a, kipahna himhim a nei ta puou hi.

ZEKARIA 7:11

“Himahleh, ka mite chun a ngaitha nuom puou a, a lochal u a a zak theih lohna dingun, a bil uh ahim u a.

DAN NIHNA 29:3

Patepna nasatak haw, melchikna mak taktak leh thilmak thupi taktak na mit ngêi u a na muh hawu kha:

JEREMIA 7:13

Tuhin, zie thil haw cheng hi na hih u a, chawllo a na kawm u a thu ka gen te hi na ngaih takloh u a, ka hun sap a le nei dâwn loh ziek u hin Lalpa’n a tii.