JEREMIA 5:17 - PATHIEN LEKHABU THIENGTHO (BSI)

¹⁷ Chun, amau chun na buh-atsa hawu leh na an teu haw chuh ne zo vek un au; na chanuteu leh na chapateu nek ding ngêi chuh ne zo in au; na gan guol teu leh belam guol haw chuh ne zo untin; na grep guite leh na theipi kungteu chule ne zo un au. Khawpi kulh nei na kimuonpih hawu chule chemzâm in susie vek un au.

JEREMIA 5:17 ပူးပေါင်းရင်းမြစ်များ

DAN NIHNA 28:33

Na lei gahteu leh na sepgim gahteu chuh na hêtkhâk loh uh nam in ne zo intin un; chun, nang u chuh nuoisieh leh tawhden hi kumkhuo’n lau;

THIEMPUDANTE 26:16

ken le na chung u ah ziehi bawl ing ka, na chung u ah thil lauh-um tak, na hinnau sumuih hiei hiei leh na mit uh suhat lo hiei hiei, kum zawn natna leh khawsik dam theilo lênsak ing ka; chun, na thaichi teu chuh na chi’n thâwn maimai uh hi’n a, na melma teu chun ne zel ding ahiu hi.

ZEPHANIA 3:6

“Namte chuh ka sumang vek a, a khawpiteu ka sumangthai vek a, a kulh bângteu leh, a gâlven insangteu chuh suksietsa’n ka taihsan a. Khawpi chuh nutsieh in a um ta a; khawlai a chun kuomah a um ta puoh a, khat chale a um ta puou hi!

HOSEA 8:14

“Israel chun a Siempa a hengilh a, tichun, leng In haw a kisak a, chun, Juda chun khawpi kulh nei tampi a sa a; himahleh, a khawpite chung achun mei sawl ing ka ting, a leng inteu chuh mei in katum zo ina”. ti’n.

EZEKIEL 36:4

Zieziekchun, Aw Israel tângte haw, Lalpa Pathien thu hi ngaithau in! Lalpa Pathien chun tângte, muolte, luite, guom sungte, munkeusa haw leh khawpi hawmsa nung, namte laka a dang haw’n a suom u leh a nuihzatbuk teu kawm achun hiti hin a tii:

SUNNA LA 2:2

Lalpa’n lungsietna neilo hielin, Jakob chênna cheng chu a sumang ta a; A lungnatna chun Juda chanu kulh dettak te chu a suchim a. A vaihawmte leh a lenggam u chu a hihniem ta a.

JEREMIA 50:17

Israel chuh belam guol a thehdalh ahi a, sakeibaknei te’n a delhmang u a, a masa’n Asuria leng in amah chuh a ne zo a, a tawpna ah Babulon leng Nebuknezar in a guh haw chuh a sukbawt sak tai.

JEREMIA 50:7

A mu taphawt in a ne zel u a, a melmateu chun, ‘Ei uh thiemloh ei puoi, Lalpa chungah thil a hih gilo u a, amau suonte kinepna pên Lalpa hiel chungah thil a sukkhelh ziekuh ahi,’ a tiu a.

JEREMIA 8:16

Dan apat in a sakawlteu hat git chuh a kiza pha a, a sakawlteu hâm git chun gamsung chuh a sulîng a, a hung tûng u a, a sung a um chengte chuh a ne zo vek tau hi; khawpi leh a sunga cheng haw tawh.”

JEREMIA 4:26

Ka vak en a, chun ngaitie, gam gahsuoh haw chuh gamgaw a suok zo ta a; khawpi cheng le Lalpa masang achun a chim zo ta a, a lungnat na tizat-um tak masang achun.

JEREMIA 4:7

Gammâng kulung apat chun sakeibaknei a hung pawt hi, nam te susie ding chuh. Amun apat chuh a hung pawt ta a, a hung lai tak ahi. Na gam suhawm ding leh na khawpite luoh loh a kawih dingin.

JEREMIA 1:15

Ngaitie, mâllam a lalgam a nam chengcheng te chuh sam ding ka hi ngâla, Lalpa’n a tii. Hung kikhawm untin, Jerusalem a lutna kawtkhak haw cheng leh kulhbang kimvelhaw leh Juda khawpi chengcheng a chun a lalchutphah uh hun kawih chiet un au.

ISAI 65:22

Midang luoh dingin In sa ta puou un tin, midang nek dingin grep huon le bawl ta puo’n au. Ka mite chuh thing bangin damsawt un tin, a sepgim gah u chuh sawttak tak chên ta’n au.

ISAI 62:9

Himahleh, a âtte ngêi chun chângthâk chuh ne’n tin, Lalpa pakcha zaw’n au, chun, kuole grep huon tho chun, Ka mun thiengtho achun uainte dâwn ina,” ti’n.

ISAI 62:8

Lalpa chun a khut changlam in thutiem dettak a siem a, A thilhih theihna chun subukim ngêi ding ahi; “Na buhteu chuh na melmateu an ding hita puo’n tin; Na uain u chule gamdang mite’n dâwn diek ta puo’n au; zie dinga chuh gimthei taka nasem na hi ngâl u a.

JEREMIA 5:18

“Himahlele, zie nihaw a chun le hun suchimit den puo’ng ka, tih hi Lalpa kamsuok ahi.

JEREMIA 8:13

“Chun, amau haw sumangthai vek ing ka ting, grep guite chuh gah puo’n tin, theipi te’n le gahsuoh puou in tin, a nah haw le vuoi intin a kawm u a thil ka piek haw chuh amau apat in mangthai ina, tih hi Lalpa kamsuok ahi.

JEREMIA 25:37

Chun, Lalpa lungnatna tizat-um tak ziek chun huong muon-um tak te chule thip dîl del in a um tai.

SUNNA LA 2:12

Amau chun a nuteu kawmah buh leh uain khawia um ahi? a tiu a. Sukliem bang hielin khawlai achun thingilh in a kuol u a. A hinnau chu a nuteu angsung achun a sung buou a.

HOSEA 2:12

A grep gui leh a theipi kung, Ziehaw hi ka deihchakte ei piek, ka lawh chuh ahi, a tih sekte chuh sukmangthai sak vek ding ka hi. Thalek gam suoh sak ka ting, gamsa ten ne zo un au.

MALAKI 1:4

Edom te chun, “Ka khawpi teu chuh suksiet in a um ta a, tungding kit ding ka hiu,” a tih u chun, “Sa pha kit thei maithei na hiu a, himahleh, susie kit ding ka hi. Tichun, mite chun, ‘Gitlohna gam’ leh ‘Kumlekhuo a Lalpa lungnatna Namte’ ti’n au” tih hi Bangkim hihthei Lalpa kamsuok ahi.

JOEL 2:3

A malam u leh a nung lam u chuh a kâng thieng zela; a masang u a gam chuh Eden huon bang himahlele, a khel tieng u leh thalek gamgaw a suok zel a, bangmah sit a nei puou hi.