JEREMIA 49:2 - PATHIEN LEKHABU THIENGTHO (BSI)

² Zieziekchun, ngaitiem u, nite chuh a hung tung hi tih hi Lalpa kamsuok ahi. Kido thawm zak sak ing ka ting, Amon chate Rabbah chung achun, khutichun, thil sie umkhawm bang mai hung hi ding ahi, a khuo teu chuh mei in ka’n tin; tichun Israel chun amah neitu chuh nei thuk ina, Lalpa’n a tii.

JEREMIA 49:2 ပူးပေါင်းရင်းမြစ်များ

JEREMIA 4:19

Ka lung a gim hi, ka lung a gim hi, ka lungchang tieng in a na a, ka sung ah ka lungthim a buoi zo ta a; ka um hiet hiet thei puoi. Aziek chuh, aw ka hinna, pengkun gi leh kidona heizam na zak ziekin.

EZEKIEL 21:20

Ammon mite khuo Rabbah a chemzâm chiehna ding lampi khat guot inla, Judai gama kulh a ki-um Jerusalem a chiehna ding le.

DAN NIHNA 3:11

(Rephah te laka um nalai sun chuh Bashan lengpa Og chauh hi ahi ta a; ngaitie, a zâlkhun chuh kahpathik ahi; Amon suonte khuo Rabbah achun a um nalai hilo ahim? Mihing teh dana teh in, a dunglam chuh tawng kuo ahi a, a vailam chuh tawng li ahi).

AMOS 1:14

Khutichun, Rabbah khawpi kulh bâng chunga chun mei sawl ing ka ting, a kulhte chuh katum vek ina. Tichun, kido ni chun kiko thawm um intin; kidona chuh huihpi bang mai in um ina.

2 SAMUEL 11:1

Chun, hiti hi ahi a, kum khat nung in, lengte kido dinga a pawt sek hun u chun, David in Joab chu a sawl a, a mite leh Israel mi chengcheng tawh; Amon suonte chu a sumangthai u a, Rabbah khuo a sim u a, David vang chu Jerusalem ah a um a.

JEREMIA 49:1

Amon chate thu, Lalpa chun hiti hin a tii: “Israel in chapa neilo ahim? Goluoh ding neilo ahim? Bangati a Gad chuh Milkom in a luoh a, a mite khawpi haw a a chen sak a?

SAM LEHKHABU THE PSALMS 97:8

Aw Lalpa na vaihawmna haw chu, Zion tâng chun a he a, a kipâk a, chun, Juda khawpi haw chun a heu a, a kipâk ui.

SAM LEHKHABU THE PSALMS 48:11

Na vaihawmna haw ziekin, Zion tâng chu kipâk tak in um henla, Juda chanute chuh kipâk tak in um u hen.

KISIMNA 21:25

Israel mite chun Amor te khawpi chengcheng chuh a luoh u a, Heshbon leh a khawpel chengcheng u chuh tawh a luoh u a, a cheng tau hi.

OBADIA 1:19

“Chun, simlam mite chun Esau tâng chuh luoh un tin, chun, phaicham a mite chun Philistia gam chang un tin, chun, amau chun Ephraim gam leh Samari gam chuh chang un tin, chun, Benjamin chuh Gilead gam chang ina.

KISIMNA 10:9

Na gam u a melma hun nuoisieh haw do dinga na chieh tak u leh, kido ding mût a pengkun haw chuh na mût dinguh ahi; tichun Lalpa na Pathien u masang achun hetzing hi’n na tin uh, na melma teu laka pat in hukbit hi’n lau.

DAN NIHNA 13:16

Chun, gâllâk thil chengcheng chuh khawlai mun âwng ah lakhawm unla, khawpi leh gâllâk thil chengcheng chuh Lalpa na Pathien u a dingin hâlmang thilpiek in mei in hâltum un; kumkhuo’n thilsie’n um intin, tundin kit hita puo’n a.

JOSHUA 17:11

Issakar leh Aser gam achun Manasseh chun, Beth-shean leh a kiengvêl a khuo haw, Ibleam leh a kiengvêl a khuo haw, Dor leh a kiengvêl a khuo haw, Endor leh a kiengvêl a khuo haw, Taanak leh a kiengvêl a khuo haw, Megiddo leh a kiengvêl a khuo haw, gambung thum a nei a.

JOSHUA 17:16

Chun, Joseph suonte chun, “Tang gam hi kei uh ding in a huntawk puoi; phai gam a Kanaan mite um chengcheng, Beth-shean leh a khawpi a umte leh Jezreel guoma umte hin thik kangtalai a nei chiet ngâl u a,” a tiu a.

ISAI 17:1

Ngaitiem u, Damaska chuh khawpi hitalo dingin lâkmang ahi tai, tichun, thilsie umkhawm lemlum bang mai hi ta’n a.

ISAI 11:14

Tichun, amau nih chun, thanglam a Philistia te do khawm un tin, suohlam mite chuh buluh khawm un au. Edom leh Moab te chunga chun a khut uh thau untin, Amon suonte chun a thuu zawp ta’n au.

EZEKIEL 21:25

“Aw, nang, Israel hotu, thanghuoi leh mantheihlo pa, na ni a hung tung tai, na gawtna tawpkhawk hun a hung tung tai;