JEREMIA 48:13 - PATHIEN LEKHABU THIENGTHO (BSI)

¹³ Israel inkuonte’n, a kimuonpih pên uh, Bethel a zahhuoipih bang u khan, Moab chun Kemosh chuh zahchâkpih ta’n au!

JEREMIA 48:13 ပူးပေါင်းရင်းမြစ်များ

JEREMIA 48:39

Bangti a sie ahi ta! Kahlemau thawm a nasa na e!. Moab chuh zahhuoi in a kilehkit ta mai a! tichun Moab chuh a kimvel a mite a ding in nuihzatbuk leh mak sak hung hita’n a.”

ISAI 45:16

Milim pathien kisiemte chuh hung zakchau un tin, a bawn un buoina achun lut khawm vek un au!

VAIHAWMTE 11:24

Na pathien Kemosh in na chanvo ding a hun piek chuh na neih ding ahi puoh dem? Zie bang chun Lalpa ka Pathien un ka masang u a a delhdawk mite gam chuh ka luoh dinguh ahi.

JEREMIA 48:46

Aw Moab, na chung a gik hi! Khemos mite chuh a mangthai tau a, a ziek chuh, na chapateu sal in a tâng u a; na chanuteu suok a puih in a um tau hi.

JEREMIA 48:7

“Na khut nasep leh, na sumlepai na suon ziekin, nang le mata um ding na hi. Kemosh chuh sala puih hi’n tin, a thiemputeu leh a milienteu tawh.

ISAI 45:20

Namtin laka suokcha sunte haw, hung khawm unla, ei hun naih tiem u! a suokcha sunte haw, nangmau haw chiet ki-enchien dingin hung khawm un! Thing milim siemkawm kichawih a, hukdam theilo hiel pathien kawma paucham te chun bangmah a he puou ui!

ISAI 16:12

Moab mite chuh tânga pathien ho ding leh, Ho-In a, paucham dinga chiehna’n a kisuchawl u a, himahlele, amau haw dingin phatchuomna bangmah um diek puo’n a.

ISAI 2:20

Zie ni chuleh mite’n a dangkaguo milimteu leh a sana milimteu, ho dinga a siem sekteu chuh buihaw leh bâkhaw kawmah paih un au.

1 LENGTE 18:40

Chun, Elijah chun a kawm u ah, “Baal thiemgau haw hi man unla, khatchale thahsuok kiu,” a ti a. Amau chun a man u a: Elija chun Kishon lui ah a pui tha suk a, zie tak achun amau haw chu a that vek ta a.

1 LENGTE 11:7

Khutichun Solomon chun Jerusalem suohlam tângah Moab te pathien kihdak-um tak Kemosh a ding leh, Amon suonte pathien kihdak-um tak Molek a dingin munsang a siem ta a.

1 LENGTE 11:33

Amau haw chun ei taihsan u a, Zidon mite pathiennu Asteroth te, Moab mite pathien Kemosh te, Amon te pathien Milkom te a ho ziekun, ka mitmuha thilpha hih ding leh ka thuguot te leh ka vaihawm te hi a zawp dinga a pa David banga ka lampite a hawh loh ziekun.

JEREMIA 48:12

“Zieziekchun, ngaitiem u, ni chuh a hungtung hi! Moab chuh zu guola sun dawk hi’n tin, a bel chuh khên kêk un tin uh, hawmngawn a kawih vek hi’n a,” tih hi Lalpa kamsuok ahi!

2 KHANGTHUBU 25:15

Zieziekchun Amaziah chungah Lalpa a lungna ta a, a kawmah thiemgau a sawl a, zie pa chun a kawmah, “Na khut apat a mite le hukdawk theilo nam pathien te chu bang dinga ho na hi?” a ti a.