JEREMIA 48:12 - PATHIEN LEKHABU THIENGTHO (BSI)

¹² “Zieziekchun, ngaitiem u, ni chuh a hungtung hi! Moab chuh zu guola sun dawk hi’n tin, a bel chuh khên kêk un tin uh, hawmngawn a kawih vek hi’n a,” tih hi Lalpa kamsuok ahi!

JEREMIA 48:12 ပူးပေါင်းရင်းမြစ်များ

NAHUM 2:2

Israel lopina bang khan, Lalpa chun Jakob lopina chuh pie kit ding ahi ngâla, hihhawmte chun amau chuh a hih hawm zo tau a, grep guite le a hih sie zo tau hi.

JEREMIA 48:38

Moab gama inchung sip cheng leh kawtthêl ning tin ah sûnna a um a, Moab chuh bel, a sunga kipahna umlo bangin ka khên kek zo tai tih hi Lalpa kamsuok ahi.

ISAI 30:14

Tichun, bêldêngpa bel bangin, sit umlo hiela gawp in, a hal lak ah, thuk a mei lâkna ding ahim, tuikhuk a tui thalna ding natieng umlo khawp in sukêk ing ka,” ti’n.

SAM LEHKHABU THE PSALMS 2:9

Amau haw chuh thik tiengkhut in suphel ing ka ting, Beldengte’n bel a paih gawp tawbang in paih gawp inla,” a ti a.

JEREMIA 48:15

Moab chuh sukmangthai in a um a, a khawpi chuh meikhu’n a leng mang zo tai; a tangval pha hawu chuh a puk zo tau, ti’n, Lal, a min Sepaihte Lalpa chun a tii.

JEREMIA 48:11

Moab chuh a khandawng lai apat kinawptel takin a na um ta a, bitna bûk achun gâlmuong takin a na cheng zing a; a ûmlebel haw chuh hawmngawn in a um ngei puoh a, sala puih in le a um kha diek puoi. A gim le a kisang puoh a, a gimlim na le a zatchuom diek puoi.

JEREMIA 48:8

Khawpi tin ah sietna hungtung in tin, khawpi khat chale suokcha puo’n a. Luiguomte leh phaicham cheng le suksiet vek hung hi’n a Lalpa’n a gensa bang khan,

JEREMIA 25:34

“Nanguh belampute haw pêng tuntun unla, kap un! nang haw, gan guol enkawlte haw, vut lak ah kibuol un! Thah a na um niu leh, thehzak a na um niu a hih ziekin, belamchal deihum tak bangin puk ding na hiu hi!

JEREMIA 25:9

ngaitiem u, mâllam a nam chengcheng chuh sam ding ka hi, Lalpa’n a tii. Ka suok Babulon leng Nebuknezar le sam ing ka ting, amanhaw chuh zie gam leh, a sunga mite leh, a kimvel a nam chengcheng hi do ding leh sumangthai vek dingin hun pui ing ka.

JEREMIA 19:10

Chun, na kitawnpihte mitmuh in bel chuh khen kek in na tin,

JEREMIA 14:3

A milienteu in a suokteu chuh tuikhai in a sawl u a. Tuikul a zuon u a, mahleh tui a mu puou a, tuibel hawm chawiin a vaikit u a; a lungdawng u a, gen ding helo in a luu a khuh u a.

ISAI 16:2

Tichun, Moab chanute chuh, vacha a bu apat a leng dawk, leng viel viel tawbang in, Arnon luipi pang haw achun um ding ahiu hi.

JEREMIA 48:13

Israel inkuonte’n, a kimuonpih pên uh, Bethel a zahhuoipih bang u khan, Moab chun Kemosh chuh zahchâkpih ta’n au!