JEREMIA 47:2 - PATHIEN LEKHABU THIENGTHO (BSI)

² Lalpa chun hiti hin a tii: “Ngaitiem u, mâllam a kipatin tui a hung lien a, a kuong haw achun tui hung luong let in tin; a gamsung chuh hung chup suok ding ahi, a sunga um chengcheng te tawh; khawpi leh a sunga cheng te leh mi haw chuh hung kap untin, gama mi haw chuh kap in pêng tuk tuk un au.

JEREMIA 47:2 ပူးပေါင်းရင်းမြစ်များ

JEREMIA 46:20

Aigupta chuh bâwng la hawih tak tawbang ahi a, mahleh mâllam akipat in a susie ding a hung pawt hi.

JEREMIA 8:16

Dan apat in a sakawlteu hat git chuh a kiza pha a, a sakawlteu hâm git chun gamsung chuh a sulîng a, a hung tûng u a, a sung a um chengte chuh a ne zo vek tau hi; khawpi leh a sunga cheng haw tawh.”

JEREMIA 1:14

Tichun, Lalpa chun ka kawmah tihin a gena, “Gamsung a cheng te chung ahin mâllam apat in thil phalo hung tung ina.

THUPHUON 17:15

Vânsâwlchâk mah chun ka kawmah, “Nawhchizuoknu chutna tui na muh te khah, namte, mipite, chitin te leh pau tinte hi ahiu hi.

THUPHUON 17:1

Chun, vânsâwlchâk sagih, belhbu sagih chawite laka khat chuh ka kawmah a hung a, ka kawmah, “Hung tie, luipi tamtak panga kisa, khawpi lopi taka nawchizuok lopitak nu gawtna ding chuh hun etsak ding ka hi.

JAKOB 5:1

Tuhin, nanguh mineizote haw, ei na ngaithau in! Na chunguh a lunggimna a hungtun ding ziek hin, kap unla, pêng tuk tuk un!

1 KORINTH 10:28

Himahlele, kuo ahim khatin, “Ziehi kithawihna sa ahi,” ti a a hun hilh chun, a hun hetsakpa ziek chun leh, na sie leh pha hetna vang u chun ne kiu un.

1 KORINTH 10:26

Lehkhabu thiengtho in, “Leisiet leh a sunga um chengcheng hi Lalpa a ahi,” a ti ngâl a.

NAHUM 1:8

Himahleh, tui kinawk nasa tak guolin, a melmate chuh a sumangthai vek a; Amah dodal taphawtte chuh thimna’n a delhzui sek hi.

DANIEL 11:22

Chun, a masang a sepaihhawn chu tawhmang in um untin, kek nêl un tin, ahi, thuthun lawiupa chan in.

JEREMIA 48:39

Bangti a sie ahi ta! Kahlemau thawm a nasa na e!. Moab chuh zahhuoi in a kilehkit ta mai a! tichun Moab chuh a kimvel a mite a ding in nuihzatbuk leh mak sak hung hita’n a.”

JEREMIA 46:13

Babulon leng Nebuknezar a hung a, Aigupta gam a hun gawt ding thu, Lalpa’n thiemgau Jeremia kawma a gen chuh:

ISAI 59:19

Tichun, tumlam a chêngte chun Lalpa min chuh lau tau intin, suohlam a chengte chun a lopina chuh lau un un au. Amah chuh huih hattak leh tuipi hattak guolin hung ding ahi ngâla.

ISAI 28:17

Chun, diktatna chuh a tehna khau in mang ing ka ting, ginumna chuh a etzawnna’n mang ing ka,” ti’n. Lepchieh thu kihumbitna a neite chuh giel in sep mang kêi intin, a kisêlna mun hawu chuh tui haw chun chup mang vek ina.

ISAI 22:1

Ziehi kilâkna guoma tunung thil kigen chuh ahi: Bang thil a hungtung a ahi ta’m? Bang zieka khawpi a mi chengcheng In chung a kalto na hiu hi?

ISAI 15:8

Kiko husa chuh Moab gamgi vel haw achun a kiza pha ngâl a, pêng luoi luoi a a kiko git teu chuh Eglaim khuo leh Beer-elim khuo chanin a kizai.

ISAI 14:31

Aw kawtkhak, pêng luoi luoi in, aw khawpi, kiko in, aw Philistia mite, na bawn un tuimang zo un; mâllam apat in meikhu a hung pawt ngâl a, a hun guotsau achun vaigei tih a um puoi.

SAM LEHKHABU THE PSALMS 98:7

Tuisuohgiet leh a sunga thil um chengcheng hi gi lul lul u hen; Khawvel leh a sunga um chengcheng te tawh;

SAM LEHKHABU THE PSALMS 96:11

Van haw khu kipâk tak in um u henla, lei hile lawp takin um hen; Tuisuohgiet leh a sunga thil um chengcheng hi gi lul lul u hen;

SAM LEHKHABU THE PSALMS 50:12

“Gilkiel mah lengle hun hilh puo’ng ka: Lei leh a sunga thil um chengcheng hi keia ahi ngâla.

SAM LEHKHABU THE PSALMS 24:1

Lei leh a sunga um chengcheng hi Lalpa a ahii; Khawvel leh a sunga um cheng chengte tawh.

JEREMIA 6:22

Chun, Lalpa’n hiti hin a tii, “Ngaitiem u, mâllam apat in nam khat a hung u a, lei mawng tâwp a pat in nam lopi tak a hung kipan dawk ui.

JEREMIA 46:12

Namtin in na zahchâkna chuh a hedawk tau a, na kah thawm chuh khawvel pumpi ah a dim ta a, gâlhât leh gâlhât a kido u a, lei ah a puk gel tau hi!

JEREMIA 46:24

Aigupta chanu chuh sukzahchak in um ina, amah chuh mâllam mite khuta piekdawk a um ding ahiu hi.”