JEREMIA 42:5 - PATHIEN LEKHABU THIENGTHO (BSI)

⁵ Chun, amau chun Jeremia kawmah, “Lalpa na Pathien in ka kawm u a a hun sawl na haw bang zela ka hih loh u chun, ka chung u ah Lalpa chuh hetpihtu dik leh ginum hi hen.

JEREMIA 42:5 ပူးပေါင်းရင်းမြစ်များ

THILSIEMBUL 31:50

Ka chanute hi na sukgimtheih a, ka chanute tih loh hi zi dang na hun neih chun, I kawmah kuomah a um puoh na a chuh, en in, Pathien chuh nang leh kei kal a hetpih ahi,” a ti a.

VAIHAWMTE 11:10

Chun, Gilead upate chun a kawmah, “Lalpa chuh I kal u a hetpih hi hen; na thugen bang tak chun hih ngêi ing kau,” a tiu a.

THUPHUON 3:14

“Chun, Laodikei khuo a sapchuom haw lawi vânsâwlchâk kawm achun hiti hin zik ah: “Amen, taksanum leh hetpih dik, Pathien thilsiem haw bul khan, zie thu haw hi a gen ahi;

THUPHUON 1:5

Isu Krista, thu hetpih taksanum tak, mithi lak apat a kaihthawh a um masapen ding pa leh, leia lengte vaihawmpa kawm apan chun A lungsietna leh chamna na kawm u ah um hen. Ama’n ei hehpih a, a thisan in I gitlohnau apat ei tandawk a,

MALAKI 3:5

Vaihawm dingin hung kit vak ding ka hi, dawithiemte, zawlsaite, lepchieh a kipautiemte chung leh, meithai leh chagah leh kithalakte lawh suchavai a, bawlsiete leh, gamdang mi nawhmangte leh, ei kihcha lote chung achun hetpihtu diktak hi ding ka hi, tih hi Bangkim hihthei Lalpa kamsuok ahi.

MALAKI 2:14

Bang zieka pawm talo ahi die aw, na ti nalai u a. A ziek chuh, tanglak na hih laia na kichênpih na zi kawma Pathien in a hun hetpih a na thutiem kha na bawhsie ta a. Pathien masang ngêi ah, amahnu a dinga chuh ginum dingin thutiem na nei ngâla.

MIKA 1:2

Nang haw, namtin chengte haw, zie hi heu in! Aw lei leh a sunga um chengcheng te haw, ngaithau in! Lalpa Pathien chun nang haw do in thu gen in tin; A Ho-In thiengtho apat a a thugen chuh ngaithau in!

ROME 1:9

Ka pauchamna haw achun hai lo in na min uh ka lo sek hi.

JEREMIA 5:2

Amau chun Lalpa chuh a hin zing bangin a ti nau a, lepchieh a kihâksiel ahiu hi.

1 SAMUEL 20:42

Chun, Jonathan chun David kawmah, “Lungmuong takin chieh in aw, ‘Lalpa chu nang leh kei kikal leh ka suonte leh na suonte kikal ah kumkhuo’n um hen,’ ti’n Lalpa min in I kihâksiel ta kha,” a ti a. Chun, a kipana, a chieh ta a; chun, Jonathan chu khuo achun a lut ta a.

1 SAMUEL 12:5

Chun, amah chun a kawm u ah, “Ka khut ahin bangmah kilawmlo na mu puou hi tih tuni hin Lalpa chu na lak u ah hetpihpa ahi a, thau a nuh pa chule hetpihpa ahi,” a ti a. Chun, amau chun, “Amah chu hetpihpa ahi,” a tiu a.

PAWTDAWKNA 20:19

Tichun Mosi kawmah, “Ka kawm u ahin nangin thu gen zaw tie, a na ngaitha’ng kau: Pathien chun vang ka kawm u ahin thu gen ta kiheh, khutilochun thi kha’ng kau,” a tiu a.

PAWTDAWKNA 20:7

“Jehovah, na Pathien min chuh mawk a na suoh maimai ding ahi puoi. Lalpa chun a min mawk suoh mai maite chuh gilo lo a ngai ding ahi puoh ngâla.

JEREMIA 43:2

Hoshai chapa Azaria leh Karea chapa Johanan leh mi chapo haw chun Jeremia chuh a hopih u a, a kawmah, “Lepchieh na gen hi, Lalpa ka Pathien un, Aigupta gama cheng dinga na chieh dinguh ahi puoi, ti a gen dingin a hun sawl puoi.

JEREMIA 43:4

Tichun, Karea chapa Johanan leh sepaih hotu haw cheng leh mipi chengcheng chun Juda gama chen den ding thu ah Lalpa aw chuh a zui ta puou a.

JEREMIA 42:20

Na hinnau chan lawh ding chauh a kitiem na hiu hi. Lalpa na Pathien kieng u achun nei sawl u a, ‘Lalpa ka Pathien kieng u achun ei paucham sak inla; Lalpa ka Pathien un a gen taphawt chuh ei hilh unla, hih zel ung kau,’ ti’n na gen ngâl u a.